Yoni 20:25 - The Keyagana NT and 25 OT books

²⁵ Oʼmaiʼniyaʼmofeʼmo geʼamo neʼafiya vayaʼmogi Tomasifeʼmo huʼapaeʼmo, Ala kava neʼmo ago ageʼnone, huʼa ha paiʼnagenoʼaeʼmo, ayatalapiʼmo nili aiʼnaya kaʼmo oʼagege ati yagaina nayatetiʼmo ayatalapi nili aiʼnaya kapiʼmo oʼvaige haopafiʼmo hayo aeʼnaya kapiʼmo nayaʼmo oʼvaige hisuvana, he tiʼniye, huʼna nagesa oʼafiguve, huno hapa paiʼniye.

Yoni 20:25 ပူးပေါင်းရင်းမြစ်များ

Samu 22:16

Afela kalamogi afumo hapaesayafeʼmo faiʼa vego huʼa neʼapataya kava huʼa hosu vayaʼmogimo faiʼa vego huʼa neʼnatae. Nayapiʼmo nili aige naiyafiʼmo nili aige huʼnae.

Samu 78:32

Ani kavaʼmo huʼniyaʼmonanafa agaetegamo magoʼe magoʼe huʼageʼmo hosu kavakeʼmo huʼa maiʼnae. Aune kavaʼmo huʼniyaʼmonanafa apakesamo afiʼa fatago osuʼnayaʼmofeʼmo afa aliʼyaʼmo aliteʼa koli hume hume uʼa faliʼnae.

Matiyu 27:42

alu vayaʼmo hapa maeʼniyanageno agaiʼamo afaʼa ha oʼmaegaiye. Isaleli vayaʼmogitaleʼmo yagaino nelateya kini vekamo maiʼnisiyana malipu yosaletiʼmo aino akaino eminesigetaeʼmo geʼamo afaʼa afigune.

Maki 16:11

Hapa painoʼaeʼmo, Yesuʼa ago he tino afaʼa maiʼnigeʼna ageʼnove, huno hapa paiʼniyana ani geeʼmo lama ge nehiye, huʼa apakesa oʼafiʼnae.

Maki 16:13

Afole aiʼnigeʼana ageteʼana halate atagi neʼeʼana mago vayaʼamo hapa paiʼnaʼageʼa afiʼnayana ani geʼanieʼmo apakesamo oʼafiʼnae.

Maki 16:14

Henagaʼamo leveniʼa vayaʼmogi neʼyaʼmo neʼnageno apaulagaleʼmo afole aiʼnigeʼa mukiʼamogi ageteʼapaeʼmo ageʼnaya vayaʼmogi hapa paiʼnaya geʼapieʼmo apakesamo oʼafiʼnayaʼmofeʼmo apaipamoʼmo lokiya vaiʼnigeʼa apakesamo afiʼa fatago osuʼnageno ge hapauʼniye.

Luki 24:25

O negi vekalane, huno, lanakaemo muki geʼamo Gotitegati gemo alini eʼa aeʼa hakalo huʼa hapa paiʼnaya vayaʼmogi huʼnaya geeʼmo lanakesamo afitana fatago hisaʼafeʼmo ago lanake kaniʼnigetana vase vase hutana neʼafiʼae.

Yoni 1:41

Eʼnaluʼa uno hogoteno nepuʼamo Saimonifeʼmo kahauya huno agetenoʼaeʼmo, Mesaiya vekamo ago ageʼnove, huno ha paiʼniye. Mesaiya vekae agimo aepaʼamo Kalaisi vekamo Gotiʼa aliʼyaʼaleʼmo lekana paino ateʼniya vekamae.

Yoni 20:27

Tomasifeʼmo hunoʼaeʼmo, ati yagaina kayaʼmo nayatalapiʼmo vaika ago. Kayaʼmo alika ataleʼneka ati yagaina kayatetiʼmo hayoletiʼmo nahaopafiʼmo aeʼnaya kapiʼmo vaiyo. Vaiteka kagesamo afika fatago nosana kavakamo ataleka kagesa afika fatago huvo, huno ha paiʼnigeno

Yoni 21:7

Yesuʼa agaefeʼmo hauʼniya vekamo geʼamo neʼafiya vekamoʼa Pitafeʼmo hunoʼaeʼmo, ani vekamo Ala kava neʼmae, huno ha paiʼnigeno Pitaʼa ani gemo afitenoʼaeʼmo aliʼyaʼmo alisiyafeʼmo kukenaʼamo asagino maleʼniyatetiʼmo alino vaiteno anipiʼmo asagauno aiʼniye.

Yoni 6:30

Lama gemo nehane, huta hisunafeʼmo haiya agufa noʼagona kaune kavaʼmo huka lave ligane. Na agufa kavaʼmo hugane.

Himulu 3:12

Konagaʼnimogitapae, huʼna, ehetapiye, fiku yanagetapa mago vayaʼamogitapamo hosu lapaipamo kalitetapa lapakesamo afita fatago osutapa afaʼa neʼmaiya kavaʼmo afoʼamoʼmo Gotiʼa lapakameʼya amiteta ataletapa ugayanagi.

Himulu 3:18

Gotiʼa haiya vayaʼaifeʼmo lokiya gefatiʼmo hunoʼaeʼmo, Nagaeʼeʼmo maiʼa haga leʼa maisayapiʼmo alagi u haiʼa oʼmaigae, huno huʼniye. Geʼamo amagiʼa ataleʼnaya vayaʼaifeʼmo huʼniye.