Yoni 20:1 - The Keyagana NT and 25 OT books

¹ Hogote afinaʼmo kotino alino ha oleʼnigenoʼaeʼmo Maliyaʼa Maganala kotega a kanomo kanolulega uno ageyana yafa kaʼmo avayaleʼmo aiʼana akani maleʼnaʼa yafaʼmo avayaleʼmo ohaneʼnifa aluyatega haneʼnigeno ageʼniye.

Yoni 20:1 ပူးပေါင်းရင်းမြစ်များ

Matiyu 27:56

Ani aʼne anagapiʼmo Maliyaʼa Maganala kotega anagi Maliyaʼa Yemisiʼe Yosefeʼeʼmo itaʼanimoʼagi Sepeti mafaʼnelaʼmogani itaʼanimoʼagi huʼa maiʼnae.

Matiyu 27:60

agaiʼamo saufamo kafi maleʼniya yafa kapiʼmo alininuno haino maleʼniye. Maleteno alopa yafakefamo alino heleve heleve hulinuno ani yafa ka avayaleʼmo aino akani maleʼniye.

Matiyu 27:64

kanoluleʼmo yagaita maime maime neʼvigenoʼao loleʼe magoʼe afinaʼmo hano hugiye, huka hapa paiyo. Fiku yanageʼa geʼamo neʼafiya vayaʼmogi eʼa agufaʼamo kumaya aliniʼa uteʼapaeʼmo muki vayaʼaifeʼmo ago he tino uʼniye, huʼa hapa paigae. Mani henagamo hisaya aigofe gemoʼa hogoteno huʼniya aigofe gemo ago aeno aga seno asole vayaʼmo humi apategaiye, huʼa ha paiʼnae.

Matiyu 27:66

atale uʼa aino akani maleʼniya yafateʼmo kameletiʼmo faleʼa aeʼa kamae maleteʼa ati vayaʼaifeʼmo, alagepa hutapa yagaita maiyo, huʼa hapa paiʼnageʼa uʼnae.

Matiyu 28:1

Sapati afinaʼmo ago hano hutegeno hogote afinaʼmo afole aiʼnigeʼanaeʼmo kotilamiyapiʼmo Maliyaʼa Maganala kotega aʼe mago hamoʼamo Maliyaʼeʼmo kanoluleʼmo agesaʼafeʼmo uʼnaʼae.

Matiyu 28:2

Ala kava neʼmo enisole vekaʼamo kokuʼnapatiʼmo emineno avayale yafaʼmo alino heleve hulinuno maleteno ani yafateʼmo fai maiʼniyaʼmofeʼmo lusi imimamo aliʼniye.

Maki 15:46

Yosefeʼa yaveyave kenamo miya failineno maleʼneno Yesu agufamo aino akaino alinine emineno kenafiʼmo hayaeteno alininuno yafa kapiʼmo kino ateteno alopa yafaʼmo alino heleve heleve hulinuno yafa ka avayaleʼmo aino akani maleʼniye.

Maki 16:9

Hogote afinaʼmo salefi gotilamiyapiʼmo Yesuʼa hogoteno afaʼa maiʼnenoʼaeʼmo Maliyaʼa Maganala kotega aʼmo aipafatiʼmo seveniʼa hosu apaune vayaʼmo alino hapa faino apataleʼniya aʼmo aulagaleʼmo afole aiʼnigeno ageʼniye.

Yoni 11:38

Yesuʼa halate lusi kava huno aipamoʼmo kana huʼnigenoʼaeʼmo kanolulegamo uʼniye. Yafa kapiʼmo kiʼa ateteʼa avayaleʼmo yafatetiʼmo aiʼa akani maleʼnae.

Yoni 11:41

yafaʼmo aliʼa heleve huʼa ataleʼnagenoʼaeʼmo Yesuʼa alino maku huno kokuʼnategamo ageʼnenoʼaeʼmo, Afoʼnimogae, huno, geʼnimo ago afiʼnanaʼmofeʼmo kahao keʼmo nehove.

Yoni 19:25

Yesu itaʼamoʼagi itaʼamo aganaʼamoʼagi Maliyaʼa Lopasi anagi Maliyaʼa Maganala kotega anagi huʼa eʼa Yesu malipu yosamo aepaleʼmo he tiʼa maiʼnae.

Yoni 20:26

Anaga hogote salefiʼmo halate geʼamo neʼafiya vayaʼmo nopiʼmo Tomasiʼeʼmo magokepi lokaeʼa maiʼnae. Kitaleʼmo loki ae maleʼnayaʼmonanafa Yesuʼa aliʼa anupa huʼa maiʼnaya folagapiʼmo he tino maiʼnenoʼaeʼmo, lapaipamoʼmo falu hino, huno hapa paiteno

Apa 20:7

Geʼamo neʼafiya vayaʼmogimo hogote salefiʼmo Yesu kaveʼmo nesayafeʼmo aliʼa anupa huʼa maiʼnagenoʼaeʼmo Poloʼa egamo apataleno visiyafeʼmo alo huno maiʼnenoʼaeʼmo Goti geʼamo aeno hakalo huno hapa paime hapa paime neʼvigeno haniʼilaga folaguʼmo huʼniye.

1 Kolitiyani 16:2

Alisaya monifatiʼmo hogote afinaʼmo sateʼae sateʼaeʼmo lapamete lapamete hutapa alita fako hutapa Gotiʼa na magiʼmo lapamiʼnisifi ani kava hutapa alita fako hutapa maleme maleme viyo. Esugetapaeʼmo ofalini monieʼmo kahauya hutapa alita anupa hutapa oʼmalesayafeʼmo hemenigeʼmo malege malege hutapa maiyo.

Leveleseni 1:10

Ala kava neʼmo afinaʼmo afole aiʼnigeʼna Goti Aunemeʼafiʼmo maiʼneʼnaeʼmo naune kavaʼmo huʼna maiʼnogenoʼaeʼmo nakamelegatiʼmo alopa gefatiʼmo pikuli hugekana agufa gemo huʼnigeʼna afiʼnove.