Yoni 2:16 - The Keyagana NT and 25 OT books

¹⁶ Agaemo namamo maketi nehaya vayaʼaifeʼmo hunoʼaeʼmo, afoʼnimo nopiʼmo situvamo malegekana agufa kavaʼmo nehagi ani namamo alinita viyo, huno hapa paiʼniye.

Yoni 2:16 ပူးပေါင်းရင်းမြစ်များ

Matiyu 21:12

Yesuʼa Yu vayaʼai alopa mono nopiʼmo uno haino mago yaʼmo miya faige maketi huge huʼa maiʼnaya vayaʼmo alino hapa faino apataleʼniye. Alu nofi vayaʼai monimo aliteʼa Yu vayaʼai monimo neʼapamiya vayaʼai hiʼyalamuʼapimo alino agoʼya faino atalege namamo maketi nehaya vayaʼai siyaʼapimo alino agoʼya faino atalege huʼniye.

Matiyu 21:13

Agaemo hapa painoʼaeʼmo, avoʼmo kae maleʼniya gemoʼa hunoʼaeʼmo, vayaʼmogi noʼnieʼmo, nunumuʼmo nehaya none, huʼa hugae, huno avoʼmo kae maleʼniyaʼmonanafa lapakaemo kumaya neʼaliya vayaʼmo eʼa fala kiʼa neʼmaiya none, hutapa alita hamaleta ateʼnae, huno hapa paiʼniye.

Matiyu 22:5

Uʼa hapa paiʼnayaʼmonanafa geʼapimo oʼafiʼa atagu faeʼa u eʼa huʼnae. Mago vekamo hoyaʼalega uʼnigeno mago vekamo aliʼyaʼalega uʼniye.

Maki 11:17

Alino apaya malenoʼaeʼmo, vayaʼmogimo noʼnieʼmo huʼapaeʼmo, nunumuʼmo nehaya none, huʼa hugae, huno avoʼmo kaeno oʼmaleʼnifiye. Lapakaemo kumaya neʼaliya vayaʼmo eʼa fala kiʼa neʼmaiya nokana hutapa alita ha maletapa ateʼnae, huno hapa paiʼniye.

Luki 2:49

Na kava higetanaeʼmo nagaefeʼmo kahauya nehaʼae. Afoʼnimo aliʼyaʼamo alisuva kavafeʼmo lanakesamo oʼafiʼnaʼafiye, huno hana paiʼniyaʼmonanafa

Yoni 10:29

Afoʼnimoʼa sipisipi anagaʼamo apavalelineno neʼnamiya vekamoʼmo muki vayaʼaina ago aeno apakaseʼniyanageʼa muki vayaʼmogi Afoʼnimo ayapatiʼmo afaʼa aliʼa ha ofalegae.

Yoni 2:15

Agaemo nofiʼmo alino ana aeno nofi kayoʼmo alo huno aliʼneno sipisipiʼe pulumaka anagaʼeʼmo alino hapafaitalegeʼa kumatega apaune hetaleʼa uʼa lamiʼnae. Agaemo alu nofi vayaʼai monimo aliteʼa Yu nofi vayaʼai monimo aliteʼa neʼapamiya vayaʼai hiʼyalamuʼapimo alino agoʼya faino ataleteno laga moniʼapimo alino aino atagu faeno ataleʼniye.

Yoni 20:17

afoʼnimotegamo uʼna ohaiʼnovaʼmofeʼmo nanu okiyo. Naganaʼnimogifeʼmo uka hapa paikaeʼmo, kokuʼnapi Afoʼnimoʼmo Gotiʼnimotegamo Afotapimoʼmo Gotitapimotegamo uʼna haiguve, huno huʼniye, huka uka hapa paiyo, huno ha paiʼniye.

Yoni 5:17

Yesuʼa geʼapileʼmo aeno atagaina huno hapa painoʼaeʼmo, afoʼnimoʼmo aliʼyaʼamo oʼataleno muki afinaʼmo alime alime eno hemeniʼeʼmo aliʼyaʼmo neʼaliya agufa kavaʼmo huʼna aliʼyaʼamo neʼaluve, huno hapa paiʼniye.

Yoni 8:49

mago hosu aune vekamo naipafiʼmo oʼmaiʼniye. Nagaemo Afoʼnimo agiʼaleʼmo aliʼna asaga huʼna neʼatovaʼmonanafa lapakaemo nagiʼnileʼmo alita afepi neʼnatae.

1 Timoti 6:5

Apaipa apakesamoʼmo kasaliʼniya yakana agufa apakesamo afiteʼa lama gemo oʼaliʼa ataleʼa alu ge alu gemo huteʼapaeʼmo afa gemo nehae. Mono kavatiletiʼmo akamelegamo magoʼe yaʼmo aligune, huʼa apakesamo neʼafiye. Ani agufa vayaʼmo maika halove huka apato.

2 Pita 2:3

Apakaemo hapaʼye huʼninageʼa aigofe geʼapiletiʼmo lapakaetetiʼmo muki kagemi yatapiʼe monitapiʼeʼmo alisayafeʼmo hugae. Muki afinaʼmo agoti huno apatesiya vekamo fikumo noʼmaifa alo hunoʼageʼmo neʼmaiye. Alino apagoʼya lagauno apatalesiya vekamo muki afinaʼmo au nokale.