Yoni 2:12 - The Keyagana NT and 25 OT books

¹² Henagaʼamo Yesuʼagi itaʼamoʼagi aganaʼamogimogi geʼamo neʼafiya vayaʼagi huʼa Kapeneyamu taonifiʼmo uʼa aise afinaʼmo maiʼnae.

Yoni 2:12 ပူးပေါင်းရင်းမြစ်များ

Matiyu 11:23

Kapeneyamu taoniyo, huʼna, kokuʼnapiʼmo alino asagauno lapatesigetapa uta haigafiye. Haʼao, ata kopikeʼmo uta lamigae. Taonitapifiʼmo noʼagaya agufa lokiya naune kavaʼmo huʼnova agufa kavaʼmo mago vayaʼmogi Sotomi taonifiʼmo huʼnaesinana Sotomi taonimo afaʼa haneme haneme eno hemeniʼeʼmo afaʼa haneʼniyesine.

Matiyu 12:46

Yesuʼa vayaʼaifeʼmo gemo hapa nepaigeʼapaeʼmo itaʼamoʼe aganaʼamogiʼeʼmo eʼa avaʼyi huteʼa gemo ha paisayafeʼmo kumatega agava maiʼnae.

Matiyu 4:13

Agaemo Nasalasa taonifiʼmo uno oʼmaiʼnifa Galeliya kotega ani kotu agiʼnaleʼmo haneʼniya taonimo Sepalani koteʼe Nafatalai koteʼeʼmo haneʼniya taonimo Kapeneyamu taonifiʼmo uno maiʼniye.

Maki 6:3

Lagaemo ageʼnonana noʼmo nekiya vekamo maiʼniye. Maliya mafaʼnemo maiʼnigeta ageteta aganaʼamogimo Yemisiʼagi Yosesiʼagi Yutasiʼagi Saimoniʼagi huta apaketeta asaʼamogiʼeʼmo magokepi lokaeta maiʼnone, huʼa huteʼa hosu apaipamo kaliʼa ateteʼa apakameʼyamo amiʼnae.

Yoni 2:2

Ani vayaʼmogimo Yesuʼe geʼamo neʼafiya vayaʼefeʼmo ge huʼnageʼa eʼa maiʼnae.

Yoni 4:46

Yesuʼa Galeliya kotegamo uno avaʼyi huteno ani Kena taonifiʼmo mago afinaʼmo anilafatetiʼmo nofi alagafati aniʼmo alino hamaleno ateʼniya taonifiʼmo halate uʼniye. Mago gamani vekamo ani taonifi maiʼnigeno mafaʼneʼamo Kapeneyamu taonifiʼmo maiʼniyana kaita hauʼniye.

1 Kolitiyani 9:5

Mago Goti apa vayaʼamogimogi Ala kava neʼmo agufale aganaʼamogimogi Pitamogi huʼa Kalisitini hamaleʼnaya aʼneʼapimo apavaleliʼa uʼnae. Ani kavaʼmo hisuva himamuʼnimo ohaneʼnifiye.

Galesiya 1:19

mago alu apa vayaʼamo oʼapakeʼnovaʼmonanafa Yemisiʼa Ala kava neʼmo aganaʼamoʼmo ageʼnove.