Yoni 2:11 - The Keyagana NT and 25 OT books

¹¹ Yesuʼa hogote afinaʼmo ani noʼagaya agufa aune kavaʼmo Kena taonifiʼmo huʼniye. Ani taonifiʼmo ha le konali yaʼamo alino apave liʼnigeʼapaeʼmo geʼamo neʼafiya vayaʼmogimo agaefeʼmo apakesamo afiʼa fatago huʼnae.

Yoni 2:11 ပူးပေါင်းရင်းမြစ်များ

1 Kini 17:24

Inagi ani a kanomoʼmo Ilaiyafeʼmo hunoʼaeʼmo, Ani kavatetiʼmo kageʼnovana kagaemo Goti vekaʼamo maiʼnane. Kavayafatiʼmo Ala kava neʼmo geʼamo alagi lama geʼageʼmo nehane, huno ha paiʼniye.

Samu 72:19

Ha le konali agiʼaleʼmo muki afinaʼmo aliʼa asaga hiyo. Ala agiʼamoʼmo muki ma mopafiʼmo aino atagu faeno uneno hisigeʼa muki vayaʼmogimo agiʼaleʼmo aliʼa asaga hiyo. He, lama ge, lama ge.

Samu 96:3

Ala agiʼamo amitetapaeʼmo aliʼyaʼmo aliʼniya kavaʼaenagi lokiya kavaʼmo huʼniya kavaʼaenagi huta muki vayaʼaifeʼmo ava gemo huta hapa paiyo.

Hatu maeno apate'niya gemae 14:31

Isaleli vayaʼmogi Ala kava neʼmoʼa Isipi vayaʼaitegamo lusi kavaʼmo huʼnigeʼa ageteʼapaeʼmo Ala kava nefeʼmo koli huteʼa aliʼyaʼamo neʼaliya vekamo Moseseʼa huʼniya geʼaeʼmo apakesamo afiʼa fatago huʼnae.

Hatu maeno apate'niya gemae 4:9

Ani lole noʼagaya agufa kaune kavaʼmo ageteʼapaeʼmo apakesamo afiʼa fatago osisagekaeʼmo mago alopa anipatiʼmo he fika mopafiʼmo lakigeno aniʼmoʼa kolaʼmo alino hamaleno, huno ha paiʼniye.

Aiyeya 40:5

Ala kava neʼmo hale konali yaʼamo afole yateʼmo afole aisigeʼa muki ma mopafi vayaʼmogimo agegae. Ala kava neʼmo avayafatikeʼmo mani gemo eʼniyaʼmofeʼmae.

Malakai 2:2

Naginileʼmo alita asaga hutapa natesayafeʼmo geʼnimo afitetapa alita lapaipafiʼmo oʼmalesayaʼmoʼmo lokiya hosu lifanamo huʼna lapatesugeno lapakaeteʼmo hosu kavaʼmo afole aigiye. Nagaemo fiku lapa maeʼna lapamiʼnova yaʼmo aliʼna hosu huʼna atalegauve. Lapakaemo geʼnimo oʼafitapa ina agufa ge nehiye, hutapa nehayaʼmofeʼmo nagaemo fikumo lapa maeʼna lapamiʼnova yaʼmo ago aliʼna hosu huʼna ataleʼnove.

Yoni 1:14

Ani vekamo agiʼamo Goti Geʼamoʼmo emineno agufamo aliteno nata neno emineno lagaeʼeʼmo magokepi lokaeno maiʼniye. Lagaeʼeʼmo lokaeno maiʼnigeta ageʼnonana ha le konali yaʼamo Afoʼamoʼmo aiya magoke mafaʼneʼamo aeto agufa kumani mafaʼneʼamo ha le konali yaʼamoʼa aeno ha leʼnigeta ageʼnone. Fiku laha maeno lamisiya kavaʼaʼe lama geʼaʼeʼmo aipafiʼmo havai teʼnigeno aeno ha leʼnigeta ageʼnone.

Yoni 1:17

Ani kavatefeʼmo Gotiʼa Mosesetetiʼmo keʼaepa geʼamo lamiʼniyaʼmonanafa Yesu Kalaisitetiʼmo fiku laha maeno lamiteno lama geʼamo alino afole aino ateʼniye.

Yoni 1:43

Egaʼamo Yesuʼa Galeliya kotegamo visiyafeʼmo neʼunoʼaeʼmo Filipiʼmo uno agetenoʼaeʼmo, eka nakame huvo, huno ha paiʼniye.

Yoni 1:50

Yesuʼa hunoʼaeʼmo, fiki yosa aepafiʼmo maiʼnanageʼna kageʼnove, huʼna kaha paiʼnovaʼmofeʼmo kagesamo afika fatago nehapiye. Henagaʼamo mani kavaʼmo aeno agaseʼniya kavaʼmo afole aisigeka agegane, huno ha paitenoʼaeʼmo,

Yoni 10:41

Maiʼnigeʼapaeʼmo asole vayaʼmo agaetegamo eʼa apakaemo huʼapaeʼmo, Yoniʼa noʼagona agufa aune kavaʼmo osuʼniyaʼmonanafa muki geʼamo ani vekaeʼmo ava gemo huʼniya gemo alagi lama gemo huʼniye, huʼa huʼnae.

Yoni 11:15

Nagaemo agaeʼeʼmo ani afinaʼmo magokepi lokaeʼna oʼmaiʼnovaʼmofeʼmo lapakaetefeʼmo nagesamo afiteʼna namogaga neʼauve. Nagaefekeʼmo lapakesamo afitapa fatago hisayafeʼmae. Agaetegamo vigetao, huno hapa paiʼniye.

Yoni 11:47

Afiteʼa kanisole vayanagi mono huʼa neʼapataya vayaʼaiteʼmo yagaiʼa neʼapataya vayanagi Falasi vayanagi huʼa aliʼa anupa huʼa maiʼneʼapaeʼmo, na agufa kavaʼmo hisune. Ani vekamoʼa noʼagona agufa asole aune kavaʼmo nehiye.

Yoni 12:18

Ani noʼagaya agufa aune kavaʼmo huʼniya kavafeʼmo ava gemo huʼnageʼa afiʼnayaʼmofeʼmo asole vayaʼmo agaeʼeʼmo uʼa fotu huʼnae.

Yoni 12:37

Yesuʼa asole noʼagaya agufa aune kavaʼmo apaulagaleʼmo huʼniyaʼmonanafa agaefeʼmo alagi apakesamo afiʼa fatago osuʼnae.

Yoni 12:41

Aiyeyaʼa Yesu ha le konali yaʼamo ageʼniyaʼmofeʼmo ani agufa gemo huno ava gemo huʼniye.

Yoni 14:13

Lapakaemo nagiʼniletiʼmo na agufa kavafeʼmo nunumuʼmo hutapa nafi gesafi Afoʼnimo ha le konali yaʼamo aliʼna lapave lisuvafeʼmo ani kavaʼmo afaʼa huguve.

Yoni 16:27

Lapakaemo nagaefeʼmo lapau lapayamopafiʼmo lapauʼnigetapaeʼmo Gotitegatiʼmo emineʼniye, hutapa lapakesamo afita fatago nehayaʼmofeʼmo Afoʼnimoʼmo agaiʼamo lapakaefeʼmo hau ayamopafiʼmo hauʼniye.

Yoni 16:30

Hemenimo lagaemo ago kageʼnonana mago vekamoʼa kagaefeʼmo mago geeʼmo loka huno kafi gesiyafeʼmo agava oʼmaika hogoteka vayaʼai apaipafiʼmo neʼapakanageta kageʼnone. Muki kavaʼmo neʼaganaʼmofeʼmo kagaefeʼmo Gotitegatiʼmo emikeʼnane, huta lagesa afita fatago nehune, huʼa ha paiʼnagenoʼaeʼmo,

Yoni 2:1

Lole afinaʼmo utegeno mago vekamoʼmo aʼmo aliʼnigeʼapaeʼmo Kena taonimo Galeliya kotegamo neʼyaʼmo neʼnae. Yesu itaʼamoʼmo ani nopiʼmo uno haino maiʼniye.

Yoni 2:23

Pasova neʼyaʼmo neʼnaya afinaʼmo Yesuʼa Yulusalemu taonifiʼmo maiʼnenoʼaeʼmo noʼagaya agufa aune kavaʼmo huʼnigeʼapaeʼmo asole vayaʼmogimo ageteʼa agaefeʼmo apakesamo afiʼa fatago huʼnae.

Yoni 3:2

Agaemo mago haniʼilagamo Yesutegamo eno, Tisao, huno, lagaemo kageʼnonana Gotiʼa alino kateʼnigeka eka alika apaya neʼmalana vekamo maiʼnane. Gotiʼa kaha oʼmaeʼniyesinana noʼagona agufa kaune kavaʼmo afaʼa nosanesine, huno ha paiʼniye.

Yoni 4:3

Yesuʼa Falasi vayaʼmogi afiʼnaya apaipa apakesamo apaketenoʼaeʼmo Yutiya kotegatiʼmo ataleno Galeliya kotegamo halate aino atagi neno ugefeʼmo huʼniye. Gotiʼa Sameliya kotega folagapiʼmo ka valino ateʼnigeno uʼniye.

Yoni 4:46

Yesuʼa Galeliya kotegamo uno avaʼyi huteno ani Kena taonifiʼmo mago afinaʼmo anilafatetiʼmo nofi alagafati aniʼmo alino hamaleno ateʼniya taonifiʼmo halate uʼniye. Mago gamani vekamo ani taonifi maiʼnigeno mafaʼneʼamo Kapeneyamu taonifiʼmo maiʼniyana kaita hauʼniye.

Yoni 4:54

Yesuʼa Yutiya kotegatiʼmo ataleno Galeliya kotegamo eʼniya afinaʼmo lole afinaʼmo noʼagaya agufa aune kavaʼmo huʼniye.

Yoni 5:23

Muki vayaʼamogi muki yaʼmo Afoʼamo agiʼaleʼmo aliʼa asaga huʼa neʼataya kava huʼa Mafaʼneʼamo agiʼaleʼmo aliʼa asaga huʼa atesayafeʼmo alino ateʼnigeno emineʼniye. Ina lagimo Mafaʼneʼamo agiʼaleʼmo aliʼa asaga huʼa noʼatesafi ani kavaʼmo huʼa muki yaʼmo Afoʼamoʼmo alino ateʼnigeno emineʼniya vekamo agiʼaleʼmo aliʼa asaga huʼa noʼatae.

Yoni 6:14

Apakaemo ageʼnayana Yesuʼa noʼagaya agufa aune kavaʼmo huno alino apave liʼnigeʼa ageteʼapaeʼmo, Gotitegati gemo alinineno aeno hakalo huno hapa paisiya vekamo ma mopafiʼmo afole aigiye, huʼa huʼnaya vekamo agaekeʼmae, huʼa huʼnae.

Yoni 6:2

Agaemo alagena kavaʼmo huno kaita hapauʼniya vayaʼaina alino hapageno apateʼnigeʼa ageʼnayaʼmofeʼmo asole vayaʼmo akame huʼa uʼnae.

Yoni 6:26

Yesuʼa hunoʼaeʼmo, alagi lama gemo lapa nepauve, huno, noʼagaya agufa aune kavaʼmo agetapa aeto huʼnayaʼmofeʼmo nagesayafeʼmo oʼmeʼnafa peleti mayamo lapamiʼnogetapa netapa lapamu huʼnayaʼmofeʼmo nagesayafeʼmo eʼnae.

Yoni 6:30

Lama gemo nehane, huta hisunafeʼmo haiya agufa noʼagona kaune kavaʼmo huka lave ligane. Na agufa kavaʼmo hugane.

Yoni 7:31

Asole ve aʼnemogimo agaefeʼmo apakesamo afiʼa fatago huteʼapaeʼmo, Mesaiya vekamo enoʼaeʼmo magoʼe huno noʼagona agufa aune kavaʼmo huteno ani vekamo aeno agasegaifiye, huʼa huʼnae.

Yoni 9:16

Mago Falasi vayaʼamogimo huʼapaeʼmo, Sapati afina keʼaepa gemo akame nosiyaʼmofeʼmo Gotitegatiʼmo emiʼnoʼmeʼniye, huʼa huʼnageʼapaeʼmo mago vayaʼamogimo huʼapaeʼmo, haiya agufa kavaʼmo huno hosu kavaʼmo nehisiya vekamoʼa ani agufa noʼagona agufa aune kavaʼmo afaʼa hugiye, huʼa huʼnae. Ani gemo huteʼa aliʼa fako huʼa lole nofi vayaʼmo maiʼnae.

2 Kolitiyani 3:18

Gotiʼa laugosafatiʼmo kenamo ago alino ataleʼnigeta alaveʼyofatiʼmo laugosamo neʼagona kava huta Ala kava neʼmo ha le konali yaʼamo neʼagonagenoʼaeʼmo Ala kava neʼmo Aunemeʼamoʼmo alino hamaleno nelategetaeʼmo ha le konali yaʼamo alime alime uta Ala kava nekana huta hamaleme hamaleme neʼune.

2 Kolitiyani 4:17

Aise hanageke yaʼmo aise afinaʼmo neʼaluna kavaʼmoʼa alino alo huno nelateyanageta anonaʼaleʼmo lusi kava huno aeno agaseʼniya ha le konali yatimo hanege hanege huno hanesiya ha le konali yatimo aligune.

2 Kolitiyani 4:6

Gotiʼa hani huʼniya yapifeʼmo, aeka ha lo, huno huʼniya Gotiʼa laipafifeʼmo hunoʼaeʼmo, aeka ha lo, huno huʼnigeno Goti ha le konali yaʼamo Kalaisi augosafatiʼmo aeno ha leʼnigeta ageʼnone.

1 Yoni 5:13

Nagaemo mani gemo Goti Mafaʼneʼamo agiʼalefeʼmo lapakesamo afita fatago nehaya vayaʼmogita hutapaeʼmo, maige maige huta maisuna yaʼmo aliʼnone, hutapa afitetapa agesayafeʼmo mani gemo avoʼmo kaeʼnove. Lapakaemo afitetapa lapakesamo afita fatago hume hume visayafeʼmo avoʼmo kaeʼnove.