Yoni 19:9 - The Keyagana NT and 25 OT books

⁹ Halate Pailatiʼa agoti nopiʼmo uno haino Yesufeʼmo hunoʼaeʼmo, haiyategatiʼmo eʼnane, huno afi geʼnigenoʼaeʼmo Yesuʼa ge osuno afaʼa maiʼniye.

Yoni 19:9 ပူးပေါင်းရင်းမြစ်များ

Aiyeya 53:7

Yesuʼmo muki anonaʼapilefeʼmo miya faisiyafeʼmo Gotiʼa kana yaʼmo amige vayaʼmogi aliʼa afepiʼmo atege huʼnayaʼmonanafa ge osuno afaʼa maiʼniye. Vayaʼmogimo aikeli sipisipimo amagisayafeʼmo avaleliʼa neʼvaya agufa kava huʼa avaleliʼa uʼnae. Vayaʼmogimo sipisipimo ayokaʼmo lagaunagenoʼaeʼmo age noʼaiya agufa kava huno ge osuno afaʼa maiʼniye.

Matiyu 26:63

Halate agaefeʼmo hukaeʼmo, maige maige huno neʼmaiya Gotitegatiʼmo alagi lama gemo nehuve, huka huvo. Kalaisi vekamo Goti mafaʼneʼamo maiʼnisanana laha paiyo, huno afi geʼnigenoʼaeʼmo,

Matiyu 27:27

Pailati ati vayaʼamogimo avaleli uʼa gamani vayaʼai nopiʼmo uʼa haiʼa ateʼneʼapaeʼmo muki ati vayaʼaifeʼmo ge huʼnageʼa eʼa aliʼa anupa huʼa maiʼnae.

Luki 23:9

Inagi Yesufeʼmo loka huno ge huno afi ge afi ge huʼniyaʼmonanafa geʼaleʼmo aeno atagaina huno ge osuʼniye.

Yoni 18:28

Saufamo kotilamiyapiʼmo Kaiyafasi notegatiʼmo Yesuʼmo avaleliʼa ala gamani vekamo notegamo uʼnayaʼmonanafa hopa afinaʼmo Pasova neʼyaʼmo nesayafeʼmo apakesa afiteʼapaeʼmo, fiku yanageno lagufamo alino hosu huno lategaiye. Yu nofi vekamo oʼmaiʼniyaʼmofeʼmo noʼafiʼmo uta ohaigune, huʼa huteʼa agotimo nehaya nopiʼmo uʼa ohaiʼnae.

Yoni 18:33

Pailatiʼa halate agoti nopiʼmo uno haino Yesufeʼmo hunoʼaeʼmo, Yu vayaʼaiteʼmo alaʼapimo yagaika neʼapatana kini vekamo maiʼnapiye, huno afi geʼnigenoʼaeʼmo,

Yoni 18:34

Kagaikamo kagesa afika ani gemo nehapi Yu vayaʼmogimo nava gemo huʼa kaha paiʼnagekaeʼmo nehane, huno afi geʼnigeno

Yoni 18:37

Pailatiʼa hunoʼaeʼmo, ani gemo huʼnanaʼmofeʼmo ala vekaʼapimo yagaika neʼapatana kini vekamo maiʼnapiye, huno afi geʼnigenoʼaeʼmo, he, ani gemo alagi lama gemo nehane. Itaʼnimoʼmo alino nateʼnigeʼnaeʼmo magoke kavaʼmo huʼna lama geleʼmo ha maesuvafeʼmo ma mopafiʼmo afole aiʼnove. Muki vayaʼmo lama gemo ao vayaʼmogi geʼnimo neʼafiye, huno ha paiʼnigeno

Yoni 19:10

Pailatiʼa hunoʼaeʼmo, nagaefeʼmo naha opaigapiye. Nagaefeʼmo yagaika apatesana vekamo maigane, huʼa lekana paiʼa nateʼnayaʼmofeʼmo afaʼa ateyo, huʼna hisugeʼa katesageka afaʼa ugane. Amagiyo, huʼna hisuvana malipu yosaleʼmo nili aiteʼa aliʼa he tiʼa kategae, huno ha paiʼnigeno

Yoni 19:8

Pailatiʼa ani gemo afitenoʼaeʼmo magoʼe huno koli huʼniye.

Yoni 8:14

Yesuʼa hunoʼaeʼmo, nagaiʼniekeʼmo ani faigoko gemo huʼna naha maeʼna nehuvaʼmonanafa he alagi lama gemo nehuve. Haiya kotegatiʼmo eʼnofi haiya kotegamo visufi huʼna ago ageʼnovaʼmofeʼmo alagi lama gemo nehuve. Lapakaemo haiya kotegatiʼmo eʼnofi haiya kotegamo visufi hutapa oʼnageʼnae.

Filipai 1:28

Kame vayatapieʼmo koliʼapimo osutapa lokiya vaita maiyo. Lapakaemo ani kavatetiʼmo, alagi afela hegae, hutapa alita apave lisageʼa agegae. Agegayaʼmonanafa lapakaemo agetapaeʼmo, lagufamo alino katino lategaiye, hutapa agesagenoʼaeʼmo Gotiʼa lapa maegaiyaʼmofeʼmae.