Yoni 19:6 - The Keyagana NT and 25 OT books

⁶ Mono huʼa neʼapataya vayaʼaiteʼmo yagaiʼa neʼapataya vayaʼe alopa mono noteʼmo neʼyagaiya ati vayaʼmogiʼeʼmo ageteʼapaeʼmo, malipu yosaleʼmo nili aiteka alika he tika ato. Malipu yosaleʼmo nili aiteka alika he tika ato, huʼa alopa gefatiʼmo huʼnagenoʼaeʼmo Pailatiʼa hunoʼaeʼmo, amagisuva kavaʼmo aepaʼamo oʼageʼnovanagi lapakaitapigeʼmo avalelituta malipu yosaleʼmo nili aitetapa alita he tita ateyo, huno hapa paiʼniye.

Yoni 19:6 ပူးပေါင်းရင်းမြစ်များ

Matiyu 26:58

Pitaʼa apamasa hulinuno mono huʼa neʼapataya vayaʼaiteʼmo yagaino neʼapateya vekamo kumateʼmo uno haino na agufa kavaʼmo afole aisifi huno agesiyafeʼmo mono no kumateʼmo kava neʼyagaiya vayaʼeʼmo fai maiʼniye.

Matiyu 27:22

Atesuvana Kalaisiʼae, hutapa agi neʼaya vekamo Yesutegamo na agufa kava hisuve, huno apafi geʼnigeʼapaeʼmo, malipu yosaleʼmo nili aiyo, huʼa ha paiʼnae.

Matiyu 27:24

Pailatiʼa apaketenoʼaeʼmo lusi kava huʼa apano aeteʼa geʼnileʼmo ago huʼa aeʼa ati kaeʼnayaʼmofeʼmo afaʼa aeʼna oʼapaka segauve, huno agesamo afiteno muki vayaʼai apaulagaleʼmo aniʼmo alino ayaʼmo sese hutenoʼaeʼmo, mani alagepa vekamo falisiya vaiʼmo nagae yaʼmo ohaneʼnifa lapakaitapi yaʼmo haneʼniye, huno hapa paiʼnigeʼapaeʼmo

Luki 23:4

Pailatiʼa mono huʼa neʼapataya vayaʼaiteʼmo yagaiʼa neʼapataya vayaʼe muki vayaʼefeʼmo hunoʼaeʼmo, agoti huʼna atesuva kavaʼmo aepaʼamo oʼageʼnove, huno hapa paiʼnigeʼapaeʼmo

Yoni 18:3

Yosa hoyafiʼmo maiʼnageʼapaeʼmo mono huʼa neʼapataya vayaʼaiteʼmo yagaiʼa neʼapataya vayanagi Falasi vayanagi gamani ati vayanagi alopa mono noteʼmo neʼyagaiya ati vayanagi huʼa aliʼa apateʼnageʼa uʼnae. Ata kani aeʼa alige lamufi kani aeʼa alige kayoʼmo alige naipemo alige hutageno Yutasiʼa apavalelino eʼniye.

Yoni 18:31

Pailatiʼa hunoʼaeʼmo, kanalenagi avalelitutapa keʼaepa getapiletiʼmo agoti hutapa ateyo, huno hapa paiʼnigeʼapaeʼmo, gamani vayaʼmogitapamo, agoti hutapa apatetetapaeʼmo kamiti oʼapamagiyo, hutapa laha paiʼnae. Lagae agotilegageʼmo apavalelitapa eyo, hutapa ago laha paiʼnae, huʼa ha paiʼnae.

Yoni 18:38

Pailatiʼa hunoʼaeʼmo, ani lama gemo na agufa geeʼmo huʼnane, huno afi genoʼaeʼmo Pailatiʼa halate kumatega uno lamino Yu vayaʼaifeʼmo, amagisuva kavaʼmo aepaʼamo oʼageʼnove.

Yoni 19:15

malipu yosaleʼmo nili aiyo, nili aiyo, huʼa huteʼa nili aiteka alika he tika ato, huʼa alopa gefatiʼmo huʼnae. Pailatiʼa hunoʼaeʼmo, yagaino nelapateya kini vekatapimo malipu yosaleʼmo nili aiteʼna aliʼna he tiʼna atesufiye, huno apafi geʼnigeʼapaeʼmo mono huʼa neʼapataya vayaʼaiteʼmo yagaiʼa neʼapataya vayaʼmogimo, Sisakeʼmo yagaino nelateya kini vekatimo maiʼniye, huʼa ha paiʼnae.

Yoni 19:4

Pailatiʼa halate kumatega uno lamino, afiyo, huno, amagisuva kavaʼmo aepaʼamo oʼageʼnovaʼmofeʼmo lapakaemo hutapaeʼmo, amagisiya kavaʼmo aepaʼamo oʼageʼniye, hutapa agesayafeʼmo lapakaetegamo avaleliʼna emiʼnegauve, huno hapa paiʼniye.

Apa 2:23

Hogoteno Gotiʼa agesa afitenoʼaeʼmo, ani kavaʼmo afaʼa afole aigiye, huno ge hu maleʼnenoʼaeʼmo ago alino lapayapiʼmo ateʼniye. Ateʼnigetapa avalelitutapa hosu vayaʼmo keʼaepa gemo akame nosaya vayaʼai apayapiʼmo ateʼnae. Lapakaemo ani vayaʼai apayapatiʼmo Yesuʼmo malipu yosaleʼmo nili aitetapa alita he tita atetetapa kamitimo amagiʼnae.

Apa 7:52

Lapakinago vayaʼmogi Gotitegati gemo alini eʼa aeʼa hakalo huʼa hapa nepaiya vayaʼaifeʼmo muki vayaʼmogi apaini huʼa apateʼnae. Goti aliʼyaʼamo neʼaliya vayaʼmogi, Alagepa kavaʼageʼmo nehiya vekamo eminegaiye, huʼa huʼnageʼapaeʼmo lapakinago vayaʼmogi apamagiʼnageʼa ago faliʼnae. Hemenimo lapakaeʼeʼmo kutulu yaʼmo alitetapa ava gemo huʼnaya vekamo ago amagiʼnageno faliʼniye.