Yoni 19:31 - The Keyagana NT and 25 OT books

³¹ Ani afinaʼmo Pasova neʼyaʼmo alo huʼa neʼmalaya afinaʼmo haneʼniyaʼmofeʼmo egamo hogote Sapati hopa afinaʼmo malipu yosaleʼmo nili aiʼnaya vayaʼmo malipu yosaleʼmo apakufaʼamo hanesiyafeʼmo Yu vayaʼmogi ohapauʼniyaʼmofeʼmo ati vayaʼmogi Pailatifeʼmo huʼapaeʼmo, Uʼa apaiyamo aiʼa lo aeteʼa apakufaʼamo aliniʼuʼa akaiʼa ataleyo, huʼa ha paiʼnae.

Yoni 19:31 ပူးပေါင်းရင်းမြစ်များ

Hatu maeno apate'niya gemae 12:16

Napa vani afinaʼe seveni afinaʼeʼmo alitapa anupa hutapa maiʼnetapa monoʼmo hugae. Lapakaemo ani lole afinaʼmo muki alu aliʼya alu aliʼyaʼmo oʼaligae. Neʼyatapimo nesaya yaʼmo alo hugae.

Mai'naya kavane 12:10

Fatago vayaʼmogi afuʼapimofi hosiʼapimofi pulumakaʼapimofi huʼa alagepa huʼa maisayafeʼmo apakesamo neʼafiyaʼmonanafa hosu vayaʼmogimo afuʼapimofi hosiʼapimofi pulumakaʼapimofi huʼa neʼyaʼapimo ohanege alagepa huʼa oʼmaige apakafu kige hisayafeʼmo apakesamo noʼafiye.

Matiyu 27:62

Ani haniʼilagamo utesigeʼa alo nehaya afinaʼmo mono huʼa neʼapataya vayaʼaiteʼmo yagaiʼa neʼapataya vayaʼe Falasi vayaʼeʼmo Pailatitegamo uʼa,

Maki 15:42

Yegemo uno lamino falegefe huʼnigenoʼaeʼmo Yosefeʼa Alamatiya kotega hogote kanisole vekamoʼmo Gotiʼa yagaino apateʼniya kavaʼmo afole aisiya afinafeʼmo agava maiʼniya vekamo eʼniye. Ani afinaʼmo alo nehaya afinaʼmo haneʼniyaʼmofeʼmo egamo Sapati afinaʼmo afole aigiye, huno huteno Yosefeʼa lokiyaʼamo alitenoʼaeʼmo koli aipamo okaliʼnigeno uno Pailatifeʼmo hunoʼaeʼmo, Yesu agufaʼamo aligesuve, huno afi geʼnigeno

Yoni 19:1

Inagi Pailatiʼa ati vekaeʼmo hunoʼaeʼmo, nofi kayotetiʼmo amagiyo, huno ha paiʼnigeno amagiʼniye.

Yoni 19:14

Ani afinaʼmo Pasova neʼyaʼmo alo nehaya afinaʼmo haneʼniye. Yegemo haine neʼegenoʼaeʼmo Pailatiʼa hunoʼaeʼmo, ageyo, huno, yagaino nelapateya kini vekatapimo maiʼniye, huno hapa paiʼnigeʼapaeʼmo,

Yoni 19:42

Yu vayaʼmogi Pasova neʼyaʼmo alo huʼa neʼmalaya hopa afinaʼmo ago hogo huʼnigeno ani yafa kaʼmo haopaleʼmo haneʼniyaʼmofeʼmo alini eʼana yafa kapiʼmo kiʼana ateʼnaʼae.

Yasuva 8:29

Yasuvaʼa Ai taonifi kini vekamo mago yosaleʼmo aneʼmu aeno asai maleteno agufaʼamo afaʼa ateʼnigeno hanelinuno une tiʼniye. Uneʼamo Yasuvaʼa vayaʼaifeʼmo huʼnigeʼa agufaʼamo aliʼa ani taonimo yafa lafi kegiʼyamo kipateʼmo yaga auʼa ataleʼnae. Apakaemo asole yafaʼmo aliʼa agufaleʼmo aluʼmo ai maleʼnae. Hemenimo ani yafa aluʼmo afaʼa haneʼniye.