Yoni 19:19 - The Keyagana NT and 25 OT books

¹⁹ Pailatiʼa mago gemo avoʼmo kaeteno mago vekamo amiʼnigeno agenopaleʼmo malipu yosaleʼmo nili ai maleʼniye. Ani gemoʼmo hunoʼaeʼmo, Yesuʼa Nasalasa vekamo Yu vayaʼaiteʼmo ala vekaʼapimo yagaino neʼapateya kini vekamae, huno avoʼmo kae maleʼniye.

Yoni 19:19 ပူးပေါင်းရင်းမြစ်များ

Matiyu 27:37

Apakaemo mago avoʼmo kae maleʼniya gemo aliʼa agenopale yosaleʼmo nili ai maleʼnae. Ani gemo ina hosu kavaʼmo huʼniye, huʼa huteʼa agoti huʼa ateʼnaya gemoʼa hunoʼaeʼmo, Mani vekamo Yesuʼae. Yu vayaʼaiteʼmo ala kini vekaʼapimoʼae, huno avoʼmo kaeteno nili ai maleʼniye.

Luki 23:38

Avoʼmo kaenoʼaeʼmo, mani vekamo Yu vayaʼmogi ala kini vekaʼapimae, huno avoʼmo kaeteno malipu yosaleʼmo Yesu agenopaleʼmo nili ai maleʼniye. Ani avoʼmo kaeʼniya gemo Galiki gefatiʼmo kaege Latini gefatiʼmo kaege Himulu gefatiʼmo kaege hu maleʼniye.

Maki 15:26

Pailatiʼa mago avoʼmo ina kava huʼnigetaeʼmo amagiʼnone, huʼa avoʼmo nekaya agufa avoʼmo kaeʼniye. Ani gemo avoʼmo kaenoʼaeʼmo, Yu vayaʼaiteʼmo ala vekaʼapimo yagaino neʼapateya kini vekae, huno avoʼmo kaeteno agenopaleʼmo maleʼniye.

Yoni 19:14

Ani afinaʼmo Pasova neʼyaʼmo alo nehaya afinaʼmo haneʼniye. Yegemo haine neʼegenoʼaeʼmo Pailatiʼa hunoʼaeʼmo, ageyo, huno, yagaino nelapateya kini vekatapimo maiʼniye, huno hapa paiʼnigeʼapaeʼmo,

Apa 3:6

Pitaʼa hunoʼaeʼmo, monimo alagi oʼaliʼnovaʼmonanafa aliʼnova yaʼmo kamiguve. Yesu Kalaisiʼa Nasalasa taonifi vekamo agiʼaletiʼmo he tika umenitata huvo, huʼna kaha nepauve,

Yoni 19:21

Inagi mono huʼa neʼapataya vayaʼaiteʼmo yagaiʼa neʼapataya vayaʼmogimo Pailatifeʼmo huʼapaeʼmo, Yu vayaʼaiteʼmo ala vekaʼapimo yagaino neʼapateya kini vekamae, huka avoʼmo okaeka Yu vayaʼaiteʼmo yagaiʼna neʼapatova kini vekaʼapimo maiʼnove, huno huʼniye, huka avoʼmo kao, huʼa ha paiʼnageno

Yoni 19:12

Pailatiʼa ani gemo afitenoʼaeʼmo Yesuʼmo afaʼa atesigeno visiya kafeʼmo kahauya huʼniyaʼmonanafa Yu vayaʼmogimo huʼapaeʼmo, atesanageno visiyana Sisaʼa hogote vekamo ala vekaʼapimo yagaino neʼapateya vekamo ao vekamo oʼmaiʼnane. Ala vekaʼapimo yagaiʼna neʼapatova kini vekamo maiʼnove, huʼa nehaya vayaʼmo Sisa kameʼamo maiʼnae, huʼa alopa gefatiʼmo huʼnae.

Yoni 19:3

Yu vayaʼaiteʼmo yagaika neʼapatana kini vekamo maiʼnananagi alagepa huka maiyo, huʼa huteʼa apayaʼmo aliʼa ataleli eʼa amagite amagite huʼnae.

Yoni 18:33

Pailatiʼa halate agoti nopiʼmo uno haino Yesufeʼmo hunoʼaeʼmo, Yu vayaʼaiteʼmo alaʼapimo yagaika neʼapatana kini vekamo maiʼnapiye, huno afi geʼnigenoʼaeʼmo,

Yoni 1:49

Tisao, huno, Goti mafaʼneʼamo maiʼneka Isaleli vayaʼaiteʼmo yagaika neʼapatana kini vekaʼapimo maiʼnane, huno ha paiʼniye.

Apa 26:9

Ani kavaʼmo huʼna Nasalasa vekamo Yesufeʼmo naini huʼna ategauve, huʼna nagesamo afiteʼna agiʼaleʼmo aliʼna afepi ateʼnove.

Matiyu 2:23

Nasalasa taonifiʼmo uno maiʼniye. Gotitegati gemo alini eʼa aeʼa hakalo huʼa hapa nepaiya vayaʼmogi huʼapaeʼmo, Nasalasa vekae, huʼa agi aegae, huʼa huʼnaya gemo afole aisiyafeʼmo Nasalasa taonifiʼmo uno maiʼniye.

Luki 18:37

Yesuʼa Nasalasa taonifi vekamo neʼe, huʼa ha paiʼnageno afitenoʼaeʼmo