Yoni 19:17 - The Keyagana NT and 25 OT books

¹⁷ Avaleli uʼnagenoʼaeʼmo agaiʼamo malipu yosaʼamo alino kofilino uno taonimo alino ataleno malaga mago aupilaga agiʼamo Anuʼayamufagayagamo uno avaʼyi huʼniye. Himulu gefatiʼmo agiʼamo Gogata haopalene.

Yoni 19:17 ပူးပေါင်းရင်းမြစ်များ

Aepa Gemae 22:6

Emalehamuʼa ofalinimo kaesiya atamo alino Aisaki agiʼnaleʼmo kofino ateteno neleya ataʼe haginaʼeʼmo Emalehamuʼa alitegeʼana uʼnaʼae.

1 Kini 21:13

Inagi lole hosu vekalaʼmo eʼana Nemoti haopaleʼmo fai maiʼneʼanaeʼmo anakaemo vayaʼai apaulagaleʼmo gemo huʼana aliʼana Nemotipikeʼmo faiʼana ateteʼana huʼanaeʼmo, Nemotiʼmo Gotifenagi kini vekaenagi huno afiʼnoʼageno hosu gemo huʼniye, huʼana huʼnaʼae. Vayaʼmogimo ani gemo afiteʼapaeʼmo Nemotiʼmo taonifatiʼmo avaleliʼa malaga uʼa lamiʼa yafa kayotetiʼmo kamitimo amagiʼnae.

Matiyu 10:38

Mago vayaʼmogimo malipu yosaʼapimo aliʼa kofiliʼeʼa nakame huʼa noʼvisayana vayaʼnimo alagi maisaya agufa kavaʼmo huʼa oʼmaiʼnae.

Matiyu 16:24

Huno ha paiteno Yesuʼa geʼamo neʼafiya vayaʼaifeʼmo hapa painoʼaeʼmo, mago vekamoʼmo nakame hisiyafeʼmo hauʼnisiyana agaiʼamo hauʼnisiya kavaʼmo ataleno agaiʼa malipu yosaʼamo alino kofilino nakame hino.

Matiyu 27:37

Apakaemo mago avoʼmo kae maleʼniya gemo aliʼa agenopale yosaleʼmo nili ai maleʼnae. Ani gemo ina hosu kavaʼmo huʼniye, huʼa huteʼa agoti huʼa ateʼnaya gemoʼa hunoʼaeʼmo, Mani vekamo Yesuʼae. Yu vayaʼaiteʼmo ala kini vekaʼapimoʼae, huno avoʼmo kaeteno nili ai maleʼniye.

Maki 10:21

Yesuʼa agetenoʼaeʼmo agaefeʼmo hau ayamopafiʼmo hauʼnigenoʼaeʼmo, magoke kavakamoʼmo kanale osuʼniye. Muki keʼaepa gemo akame huteka uka haika hapaisanafeʼmo uka muki kagemiyakamo alinikuka maketi hugeʼa miya faitesageka alisana monimo alinikeka kagemi yaʼapimo ohaneʼnisiya vayaʼaina apamigenoʼao alopa kagemiyakamo kokuʼnapiʼmo haneno. Apamiteka eka nakame huvo, huno ha paiʼnigeno

Maki 15:26

Pailatiʼa mago avoʼmo ina kava huʼnigetaeʼmo amagiʼnone, huʼa avoʼmo nekaya agufa avoʼmo kaeʼniye. Ani gemo avoʼmo kaenoʼaeʼmo, Yu vayaʼaiteʼmo ala vekaʼapimo yagaino neʼapateya kini vekae, huno avoʼmo kaeteno agenopaleʼmo maleʼniye.

Maki 15:32

Kalaisi vekamo Isaleli vayaʼaiteʼmo yagaino neʼapateya kini vekamogeno aino akaino eminesigeta agetetaeʼmo lama gemo nehiye, huta hugune, huʼa huteʼa huʼa faipa huʼa ateʼnae. Ani agufa gemo huʼana lole vekalaʼmo agaeʼeʼmo magokepi nili aiteʼa aliʼa he tiʼa anateʼnaya vekalaʼmoganiʼeʼmo huʼana faipa huʼana ateʼnaʼae.

Maki 8:34

Agaemo muki vayaʼe geʼamo neʼafiya vayaʼefeʼmo ge huʼnigeʼa eʼnageno hapa painoʼaeʼmo, ina lagimo nakame hugefe huʼnisafi apakaiʼapimo hapauʼniya kavafeʼmo haʼao, huʼa huteʼa ataleʼa malipu yosaʼapimo aliʼa kofiliʼa nakame hiyo.

Luki 14:27

Ina lagimo malipu yosaʼapimo aliʼa kofiliʼa nakame nosisafigeʼa geʼnimo neʼafiya vayaʼmo afaʼa oʼmaigae.

Luki 23:26

Avaleliʼa neʼvagenoʼaeʼmo Saimoniʼa Sailini taonifi vekamo kahaufilagatiʼmo neʼegeʼa fotu huteʼapaeʼmo atafauʼa malipu yosamo aliʼa agiʼnaleʼmo kofiʼa ateʼnageno kofino alinino Yesu akame huno uʼniye.

Luki 23:33

Mago aupilaga agiʼamo Anu Ayamufagayagamo uʼa avaʼyi huteʼa Yesuʼe gamani keʼaepa gemo amagiʼana ataleʼnaʼa vekalaʼeʼmo malipu yosaleʼmo nili aiteʼa aliʼa he tiʼa apateʼnae. Mago vekamo lamaga haopaleʼmo aliʼa he tiʼa ateteʼa mago vekamo hoga haopaleʼmo aliʼa he tiʼa ateʼnae.

Luki 23:38

Avoʼmo kaenoʼaeʼmo, mani vekamo Yu vayaʼmogi ala kini vekaʼapimae, huno avoʼmo kaeteno malipu yosaleʼmo Yesu agenopaleʼmo nili ai maleʼniye. Ani avoʼmo kaeʼniya gemo Galiki gefatiʼmo kaege Latini gefatiʼmo kaege Himulu gefatiʼmo kaege hu maleʼniye.

Luki 9:23

Yesuʼa muki vayaʼaifeʼmo hunoʼaeʼmo, mago vekamoʼmo nakame hisiyafeʼmo huʼnisiyana hauʼniya kavafeʼmo, haʼao alagi oʼnahaiye, huno huteno muki afinaʼae afinaʼaeʼmo malipu yosaʼamo alino kofilino nakame hino.

Yoni 19:13

Pailatiʼa ani gemo afitenoʼaeʼmo Yesuʼmo kumatega avalelino uno lamino fai maiʼneno agoti huno neʼapateya siyateʼmo fai maiʼniye. Asole latapa yafaʼmo mopafi maleʼnaya yafateʼmo siyamo maleteno fai maiʼniya yatefeʼmo Himulu gefatiʼmo agiʼamo Gamatagayagae, huʼa agi aeʼnae.

Yoni 5:2

Yulusalemu taonifiʼmo sipisipi anagaʼmo uʼa lamiteʼa eʼa hai eteʼa nehaya kipaʼmo haneʼniya yateʼmo ani kotuʼmo haneʼniye. Ani ani kotufeʼmo Himulu gefatiʼmo agiʼamo Metasaitagayagae.

Apa 7:58

taonifatiʼmo heʼa halauliʼuʼa yafa kayotetiʼmo amagiʼnae. Agoti huʼa ateʼnaya vayaʼmogi kukenaʼapimo asagiʼa neya vekamo Soloʼmo yagaino maisiyafeʼmo aiyafiʼmo maleʼnae.