Yoni 19:1 - The Keyagana NT and 25 OT books

¹ Inagi Pailatiʼa ati vekaeʼmo hunoʼaeʼmo, nofi kayotetiʼmo amagiyo, huno ha paiʼnigeno amagiʼniye.

Yoni 19:1 ပူးပေါင်းရင်းမြစ်များ

Samu 129:3

Apakaemo lusi kava huʼa lakamelegamo lagaʼmulale huʼnaya kavaʼmoʼa lagufamo aiʼa atalagauʼnae. Apakaemo hoyafiʼmo ani nekafiya agufa kavaʼmo huʼnageno asole yatala lamuʼmo laleʼniye.

Aiyeya 53:5

Goti geʼamo amagita ataleʼnona kavatilefekeʼmo amagiʼnagenoʼaeʼmo kolaʼamoʼmo huʼniye. Hosu kavatilefekeʼmo lusi kava huʼa amagiʼnae. Nofi kayotetiʼmo amagiʼnaya kavatetiʼmo Gotiʼeʼmo alino lao yaʼmo huno lateʼniye. Fugaginaʼamoʼmo huʼniya kavatetiʼmo alino lahageno lateʼniye.

Matiyu 20:19

alu nofi vayaʼmogi apayapiʼmo avaleʼa apamisageʼa kigi huʼa atege nofi kayotetiʼmo amagige huteʼa malipu yosaleʼmo nili aiteʼa aliʼa he tiʼa ategae. Loleʼe magoʼe afinaʼmo maitesigeno halate alino he tino ategaiye, huno hapa paiʼniye.

Matiyu 23:34

Ani kavatefeʼmo nagaemo Gotitegati gemo alini eʼa aeʼa hakalo huʼa hapa nepaiya vayanagi afiteʼa ageʼnaya vayanagi aliʼa apaya neʼmalaya vayanagi huʼna aliʼna apatesugeʼa lapakaetegamo ugae. Lapakaemo mago vayaʼmo apamagige mago vayaʼmo malipu yosaleʼmo nili aitetapa alita he tita apatege mago vayaʼmo mono notapifiʼmo nofi kayotetiʼmo apamagige mago vayaʼmo taoniʼafi taoniʼafiʼmo vegala aege hugae.

Luki 18:33

nofi kayotetiʼmo amagige huteʼa kamitimo amagisageno faliteno loleʼe magoʼe afinaʼmo utesigeno halate he tigiye, huno hapa paiʼnigeʼapaeʼmo

Luki 23:16

nofi kayotetiʼmo amagiteʼna afa atesugeno ugiye, huno hapa paiʼniye.

Luki 23:23

magoʼe magoʼe huʼa alopa gefatiʼmo magokepiʼmo aeʼa lago huʼa huʼapaeʼmo, malipu yosaleʼmo nili aiyo, nili aiyo, huʼa huge huge huʼnaya gemoʼmo Pailati geleʼmo ago huʼa aeʼa ati kaeʼnayaʼmofeʼmo

2 Kolitiyani 11:24

Naya magokayagaʼa afinaʼmo Yu vayaʼmogi nofi kayotetiʼmo teti naeniʼa afinaʼmo namagiʼnae.

Himulu 11:36

Mago vayaʼmogimo apakesamo afiʼa fatago huʼnaya vayaʼaifeʼmo huʼa faipa huʼa apateteʼa nofi kayotetiʼmo apamagiʼnae. Mago vayaʼmogimo apakesamo afiʼa fatago huʼnaya vayaʼmo seli nofitetiʼmo kiʼa apateteʼa kalavusi huʼa apateʼnae.

1 Pita 2:24

Agaiʼageʼmo hosu kavatimo agufafiʼmo aliteno malipu yosaleʼmo faliʼniye. Hosu kavatilefeʼmo falitetaeʼmo alagepa kavaʼalefeʼmo afaʼa maisunafeʼmo faliʼniye. Amagiʼnageno fugaginaʼamoʼmo huʼniya kavaʼaletiʼmo Gotiʼa alino auleno lapateʼniye.