Yoni 18:20 - The Keyagana NT and 25 OT books

²⁰ muki afinaʼmo vaya apaulagaleʼmo maiʼneʼnaeʼmo aeʼna hakalo huʼna hapa paiʼnove. Nagaemo aliʼa anupa huʼa maiʼnayategamo uʼna alopa mono nopinagi muki asole mono nopinagi huʼna aliʼna apaya maleʼnove. Mago gemo fala okiʼna muki geʼamo huʼna afole aiʼna hapa paiʼnove.

Yoni 18:20 ပူးပေါင်းရင်းမြစ်များ

Samu 22:22

Naganaʼnimogifeʼmo kagaemo naha maeʼnana kavafeʼmo nava gemo aeʼna hakalo huʼna hapa paiguve. Aliʼa anupa huʼa neʼmaiya vayaʼai folagapatiʼmo kagikaleʼmo aliʼna asaga huguve.

Samu 40:9

Nagaemo asole vayaʼmo eʼa aliʼa anupa huʼa maiʼnaya yateʼmo fatago kavakaeʼmo alagepa faigoko gekamo aeʼna hakalo huʼna hapa paiʼnove. Ago nageʼnanana afaʼa oʼmaiʼna gekamo aeʼna hakalo huʼna hapa nepauve.

Aiyeya 45:19

Nagaemo fala kiʼna afagitega hani huʼniya kotegatiʼmo ge osuʼnove. Nagaemo Yekopu aginago vayaʼaifeʼmo huʼnaeʼmo, fiku kahauya hutapa nageyo, huʼna hapa opaiʼnofa lapa maesuvafekeʼmo kahauya hutapa nageyo, huʼna hapa paiʼnove. Ala kava neʼmoʼnamo fatago gemo huʼnaeʼmo, lama gemo nehuve.

Matiyu 24:26

Mago vayaʼmogimo, Ageyo, huʼa, muga kaʼme kotegamo maiʼniye, huʼa lapa paigayanagi alagi oʼviyo. Mago vayaʼmogimo lapa paiʼapaeʼmo, Ageyo, huʼa, ani nopiʼmo fala kino maiʼniye, huʼa lapa paigayanagi alagi oʼafiyo.

Matiyu 26:55

Hapa paiteno asole vayaʼaifeʼmo hunoʼaeʼmo, lapakaemo naipe alige kayoʼmo alige hulita eʼnayana nagaefeʼmo hutapaeʼmo, vayaʼmo apamagiteno kumaya neʼaliya vekamo maiʼniye, hutapa lapakesamo neʼafifiye. Nagaemo muki afinaʼae afinaʼaeʼmo alopa mono nopiʼmo aliʼna apaya neʼmalogetapaeʼmo eta oʼnatafauʼnayaʼmonanafa

Matiyu 26:65

Mono huʼa neʼapataya vayaʼaiteʼmo yagaino neʼapateya vekamoʼmo ani gemo afiteno agaiʼa kukenaʼamo alino apake aitenoʼaeʼmo, Gotifeʼmo huno faipa huno ateʼniye. Magoʼe faigoko gemo eʼa laha paisaya vayaʼaifeʼmo ge osugune. Hemenimo Gotifeʼmo huno faipa huno ateʼniya gemo ago afiʼnagi

Matiyu 4:23

Yesuʼa Galeliya haopalegamo umenitata huno muki Yu vayaʼai mono nopiʼmo alino apaya malege Gotiʼa yagaino apatesiya kavafeʼmo alagepa faigoko gemo aeno hakalo huno hapa paige muki alu kaita alu kaitaʼmo hapauʼniya vayaʼmo alino hapageno apatege muki hosu apakufamo kaliʼniya vayaʼmo alino alagepa huno apatege huno maiʼniye.

Matiyu 9:35

Yesuʼa muki alopa taonifiʼe aise taonifiʼeʼmo uneno huno Yu vayaʼai mono nopiʼmo alino apaya malege Gotiʼa yagaino neʼapateya kavafeʼmo alagepa faigoko gemo aeno hakalo huno hapa paige muki alu kaita alu kaitaʼmo hapauʼniya vayaʼmo alino hapageno apatege huno uneno huno maiʼniye.

Maki 8:32

Yesuʼa ani gemo huno afole aino hapa paiʼnigeno Pitaʼa amasage huno avalelinuno ge haunoʼaeʼmo, ani agufa hosu kateʼmo visanafeʼmo kagesa oʼafiyo, huno huʼnigeno

Luki 21:37

Muki afinaʼae afinaʼaeʼmo alopa mono nopiʼmo alino apaya malege malege huno maiʼnigeno haniʼmo nehigenoʼaeʼmo Alifiʼaepa avefiʼmo uno haino havaete havaete huno maiʼniye.

Luki 4:15

Agaemo Yu vayaʼai mono nopiʼmo alino apaya maleʼnigeʼapaeʼmo agiʼaleʼmo aliʼa asaga huʼa ateʼnae.

Yoni 18:21

Na kava higekaeʼmo ge huka nafi nekane. Geʼnimo aliʼna apaya maleʼnova vayaʼmogimo ani gemo ago afiʼnayanagi ge huka apafi go, huno ha paiʼnigeno

Yoni 6:59

Yesuʼa mani gemo Kapeneyamu taonifiʼmo mono nopiʼmo alino apaya maleʼniye.

Yoni 7:14

Hopa afinaʼmo eno folaga huʼniya afinaʼmo Yesuʼa Yu vayaʼai alopa mono nopiʼmo uno haino aepa faino alino apaya maleʼniye.

Yoni 7:26

Ageyo, huʼa, agaemo afole yateʼmo maiʼnenoʼaeʼmo gemo aeno hakalo huno hapa nepaigeʼapaeʼmo gemo nosae. Mesaiya vekamo maiʼniye, huʼa ageʼnafiye.

Yoni 7:28

Yesuʼa alopa mono nopiʼmo alino apaya malenoʼaeʼmo alopa gefatiʼmo hapa painoʼaeʼmo, nagetetapa emineʼnova koʼmo ago ageʼnafiye. Nagaiʼnimo nagesamo afiʼna eminoʼmeʼnofa alino nateʼnigeʼna emineʼnova vekamo lama geʼageʼmo nehiya vekamo lapakaemo alagi oʼageʼnae.

Yoni 7:4

Mago vekamoʼmo muki vayaʼmogimo aliʼyaʼamo agesayafeʼmo hauʼnigenoʼaeʼmo fala kino noʼmaifa afole yatekeʼmo maiʼneno aliʼyaʼmo neʼaliye, huʼa ha paiʼnae.

Yoni 8:2

Egaʼamo kotilamiyapiʼmo halate atagi nenuno Yulusalemu taonifi alopa mono nopiʼmo uno haino maiʼnigeʼapaeʼmo agaetegamo eʼa aliʼa anupa huʼa maiʼnageno itopaleʼmo maiʼnenoʼaeʼmo aepa faino alino apaya maleʼniye.

Yoni 8:26

Nagaemo asole kavatapieʼmo agoti huʼna lapatesuva kavafeʼmo lapa paisuva gemo haneʼniyaʼmonanafa alino nateʼnigeʼna emiʼneʼnova vekamoʼa alagi lama gemo nehigeʼna afiteʼnaeʼmo ma mopafi vayaʼaifeʼmo hapa nepauve.

Apa 26:26

Ala kini vekamoʼmo ani kavafeʼmo ava gemo ago afiʼniyaʼmofeʼmo koli osuʼna aeʼna hakalo huʼna ha nepauve. Ago afole yategamo afole aiʼniyaʼmofeʼmo ago afiʼnovana ani kavafeʼmo ava gemo ago afiʼniye.