Yoni 18:17 - The Keyagana NT and 25 OT books

¹⁷ Ani aʼmafaʼnemoʼa Pitafeʼmo hunoʼaeʼmo, kagaemo ani vekamo geʼamo neʼafina vekamo maiʼnapiye, huno afi geʼnigenoʼaeʼmo Pitaʼa, haʼao, huno ha paiʼniye.

Yoni 18:17 ပူးပေါင်းရင်းမြစ်များ

Matiyu 26:33

Pitaʼa hunoʼaeʼmo, Kagaetegamo afole aisiya hosu kavatefeʼmo asagauʼa aisayana nagaemo asagauʼna oʼaiguve, huno ha paiʼnigenoʼaeʼmo,

Luki 22:54

Apakaemo kalavusi huʼa ateteʼa avaleli uʼa mono huʼa neʼapataya vayaʼaiteʼmo yagaino neʼapateya vekamo nopiʼmo uʼa haiʼnageno Pitaʼa apasa hulino uʼniye.

Yoni 18:16

Pitaʼa kegiʼya malaga hiʼyanaleʼmo maiʼnigeno alu vekamo hogote vekamo mono huʼa neʼapataya vayaʼaiteʼmo yagaino neʼapateya vekamoʼa alu vekamo ageʼniyaʼmofeʼmo ani vekamo Yesuʼeʼmo kegiʼya yuʼilagamo uʼana haiʼnaʼae. Ani vekamoʼa halate lamino hiʼyanale neʼyagaiya aʼmafaʼneʼeʼmo ha paiteno Pitaʼa avalelino uno haiʼniye.

Yoni 18:25

Yesufeʼmo ge huno afi geʼnigenoʼaeʼmo Pitaʼa ataleʼmo he tino loto huno maiʼniye. Apakaemo huʼapaeʼmo, kagaeʼeʼmo geʼamo neʼafiya vayapati vekamo maiʼnapiye, huʼa afi geʼnagenoʼaeʼmo, haʼao, nagaemo ani vayapati vekamo oʼmaiʼnove, huno hapa paiʼniye.

Yoni 18:5

Yesuʼa Nasalasa taonifi vekamo agesunafeʼmo neʼone, huʼa ha paiʼnagenoʼaeʼmo, ani vekamo nagaemo maiʼnove, huno hapa paiʼniye. Yutasiʼa kutulu yaʼmo aliʼniya vekaʼeʼmo magokepi he tiʼa maiʼnae.

Yoni 18:8

Nagaemo, ani vekamo maiʼnove, huʼna ago lapa paiʼnove. Lapakaemo nagaemo nagesayafeʼmo eʼnayaʼmofeʼmo mani vayaʼmo afaʼa apatalegeʼa viyo, huno hapa paiʼniye.

Yoni 21:15

Neʼyaʼmo neteʼapaeʼmo Yesuʼa Saimoni Pitafeʼmo hunoʼaeʼmo, Yoni mafaʼneʼamo Saimoniyo, huno, nagaefeʼmo kahau kayamopafiʼmo kahauʼnigeka ani vayaʼaina aeka apakaseka maiʼnapiye, huno afi geʼnigenoʼaeʼmo, Ala kava nene, huno, ago nageʼnanana kagaefeʼmo nahauʼniye, huno ha paiʼnigenoʼaeʼmo, nagae aikeli sipisipi vayaʼmo neʼyaʼmo apamiyo, huno ha paiʼniye.

Apa 12:13

Pitaʼa uno kegiʼya kitaleʼmo hakalu hakalu huno amagiʼnigenoʼaeʼmo aliʼyaʼmo neʼaliya aʼmafaʼnemo agiʼamo Lotaʼa afiteno emineʼniye.