Yoni 18:16 - The Keyagana NT and 25 OT books

¹⁶ Pitaʼa kegiʼya malaga hiʼyanaleʼmo maiʼnigeno alu vekamo hogote vekamo mono huʼa neʼapataya vayaʼaiteʼmo yagaino neʼapateya vekamoʼa alu vekamo ageʼniyaʼmofeʼmo ani vekamo Yesuʼeʼmo kegiʼya yuʼilagamo uʼana haiʼnaʼae. Ani vekamoʼa halate lamino hiʼyanale neʼyagaiya aʼmafaʼneʼeʼmo ha paiteno Pitaʼa avalelino uno haiʼniye.

Yoni 18:16 ပူးပေါင်းရင်းမြစ်များ

Matiyu 26:69

Ani afinaʼmo Pitaʼa no kegiʼya yuʼilaga itopaleʼmo maiʼnigeno aliʼyaʼmo neʼaliya aʼmafaʼnemoʼmo eno agaefeʼmo, kagaemo Yesuʼa Galeliya kotega vekaʼeʼmo neʼmaina vekamo maiʼnane, huno huʼnigeno

Matiyu 27:15

Yagaino neʼapateya gamani vekamoʼmo Yu vayaʼai hopa Pasova afinaʼmo kalavusifiʼmo maiʼnaya vayapatiʼmo lekana paiʼnaya vayakeʼmo muki kafugaʼae kafugaʼaeʼmo magoke magoke vayaʼmo hatu maeno apategeʼa ute ute huʼnae.

Maki 15:6

Pailatiʼa Yu vayaʼai hopa afinaʼmo Pasova neʼyaʼmo yagita nehaya afinaʼmo kalavusi huʼa apateʼnaya vayapatiʼmo muki vayaʼmogimo kafugaʼae kafugaʼaeʼmo magoke vekamo lekana paiʼa ateʼnaya vekamo ategeno ute ute huʼnae.

Luki 23:18

Maiʼniyaʼmonanafa muki vayaʼamogi magokepiʼmo aeʼa lago huʼa alopa gefatiʼmo huʼapaeʼmo, ani vekamo amagiyo, amagiyo, huʼa huteʼa Malamasiʼa hatu maeka ategeno lagaetegamo eno, huʼa huʼnae.

Apa 12:13

Pitaʼa uno kegiʼya kitaleʼmo hakalu hakalu huno amagiʼnigenoʼaeʼmo aliʼyaʼmo neʼaliya aʼmafaʼnemo agiʼamo Lotaʼa afiteno emineʼniye.