Yoni 18:12 - The Keyagana NT and 25 OT books

¹² Inagi gamani ati vayanagi apakaeteʼmo yagaino neʼapateya vekagi alopa mono noteʼmo neʼyagaiya ati vayanagi huʼa Yesuʼmo atafauʼa ayatalateʼmo nofi kiʼa ateʼnae.

Yoni 18:12 ပူးပေါင်းရင်းမြစ်များ

Aepa Gemae 22:9

Inagi anakaemo Gotiʼa ha paiʼniya koteʼmo uʼana avaʼyi huteʼanaeʼmo Emalehamuʼa yafa hiʼyalamuʼmo hu maleteno agotofuleʼmo atamo alino alagepa huno maletenoʼaeʼmo mafaʼneʼamo Aisaki aiyalateʼe ayatalateʼeʼmo nofi kiteno yafa hiʼyalamute atamo agotofuleʼmo alino havaeno ateʼniye.

Aepa Gemae 40:3

kalavusi huno anateʼnigeno ami vayaʼaiteʼmo yagaino neʼapateya vekamoʼmo yagaino anateʼniye.

Samu 118:27

Ala kava neʼmo Gotiʼa maiʼniye. Agaemo ha le yaʼamo alino lamiʼniye. Ofalini afumo alita hiʼyalamuteʼmo maleʼnetapa nofitetiʼmo kita atafau maleyo.

Matiyu 26:57

Yesuʼmo atafauʼa avaleliʼa hogote vekamo mono huʼa neʼapataya vayaʼaiteʼmo yagaino neʼapateya vekamo agiʼamo Kaiyafasi nopiʼmo keʼaepa gemo avoʼmo kaeʼa aliʼa apaya neʼmalaya vayaʼe vayatama vayaʼeʼmo aliʼa anupa huʼa maiʼnaya nopiʼmo avaleli uʼa haiʼnae.

Matiyu 27:2

Nofitetiʼmo ayatalateʼmo kiʼa ateteʼa avaleli uʼa gamani vekamo yagaino neʼapateya vekamo Pailati ayapiʼmo ateʼnae.

Matiyu 27:27

Pailati ati vayaʼamogimo avaleli uʼa gamani vayaʼai nopiʼmo uʼa haiʼa ateʼneʼapaeʼmo muki ati vayaʼaifeʼmo ge huʼnageʼa eʼa aliʼa anupa huʼa maiʼnae.

Maki 14:53

Apakaemo Yesuʼa avaleliʼuʼa mono huʼa neʼapataya vayaʼaiteʼmo hogote vekamo yagaino neʼapateya vekamo nopiʼmo uʼa haiʼnae. Muki vayaʼamo mono huʼa neʼapataya vayaʼaiteʼmo yagaiʼa neʼapataya vayanagi vayatama vayanagi keʼaepa gemo avoʼmo kaeʼa aliʼa apaya neʼmalaya vayaʼnagi huʼa maiʼnae.

Maki 15:1

Gotilamiyapiʼmo malage huʼa mono huʼa neʼapataya vayaʼaiteʼmo yagaiʼa apateʼnaya vayanagi vayatama vayanagi keʼaepa gemo avoʼmo kaeʼa aliʼa apaya neʼmalaya vayanagi magoʼe kanisole vayanagi huʼa ge huge afige huʼnae. Huteʼapaeʼmo Yesuʼa ayatalateʼmo nofi kiʼa ateteʼa avaleliʼuʼa kiyape vekamo agiʼamo Pailati ayapiʼmo ateʼnae.

Luki 22:54

Apakaemo kalavusi huʼa ateteʼa avaleli uʼa mono huʼa neʼapataya vayaʼaiteʼmo yagaino neʼapateya vekamo nopiʼmo uʼa haiʼnageno Pitaʼa apasa hulino uʼniye.

Yoni 18:3

Yosa hoyafiʼmo maiʼnageʼapaeʼmo mono huʼa neʼapataya vayaʼaiteʼmo yagaiʼa neʼapataya vayanagi Falasi vayanagi gamani ati vayanagi alopa mono noteʼmo neʼyagaiya ati vayanagi huʼa aliʼa apateʼnageʼa uʼnae. Ata kani aeʼa alige lamufi kani aeʼa alige kayoʼmo alige naipemo alige hutageno Yutasiʼa apavalelino eʼniye.

Apa 10:1

Mago vekamo agiʼamo Koniliyasiʼa Sisaliya taonifiʼmo maiʼnenoʼaeʼmo ami ati vayaʼaiteʼmo yagaino apateʼniye. Ami ati vayaʼaifeʼmo apaki aeʼapaeʼmo Itali kotega vayane, huʼa apaki aeʼnae.

Apa 21:31

Apano aeʼnaya vayaʼmogimo huʼapaeʼmo, faligiye, huʼa huteʼa neʼamagigenoʼaeʼmo mago vekamoʼmo Lomu ati vayaʼaiteʼmo yagaino neʼapateya vekalegamo uno ha painoʼaeʼmo, Muki Yulusalemu vayaʼmogi apano neʼae, huno ha paiʼnigenoʼaeʼmo

Apa 21:37

Ati vayaʼmogi Poloʼa yafa nopiʼmo avaleliʼa uʼa haigefeʼmo nehagenoʼaeʼmo Poloʼa hogote vekamo yagaino neʼapateya vekaeʼmo hunoʼaeʼmo, Mago gemo afaʼa kaha paisufiye, huno afi geʼnigenoʼaeʼmo, Galiki gefatiʼmo nehapiye.

Apa 23:10

Lusi kava huʼa ge vaiʼnagenoʼaeʼmo ati vayaʼaiteʼmo hogote vekamo yagaino neʼapateya vekamoʼmo hunoʼaeʼmo, Poloʼa heʼa avayu hulitata hisageno faligiye, huno agesa afitenoʼaeʼmo ati vayaʼaifeʼmo hunoʼaeʼmo, Utapa folagapatiʼmo avaletapa lapayateʼmo alita asagaulitetapa yafa nopiʼmo uta haitapa ateyo, huno hapa paiʼniye.