Yoni 17:6 - The Keyagana NT and 25 OT books

⁶ Nagaemo ma mopafi vayapatiʼmo apavaleka namiʼnana vayaʼmo kagikamo aepaʼamo aliʼna apave liʼnove. Ani vayaʼmo vayakamo maiʼnageka ago apavaleka namiʼnane. Apakaemo kagae gemo aliteʼa gekaleʼmo yagaiʼa ateʼneʼa akame huʼnae.

Yoni 17:6 ပူးပေါင်းရင်းမြစ်များ

Samu 119:11

Kagaetegamo hosu kavaʼmo osisuvafeʼmo gekamo naipafiʼmo aliʼna fala ki maleʼnove.

Samu 22:22

Naganaʼnimogifeʼmo kagaemo naha maeʼnana kavafeʼmo nava gemo aeʼna hakalo huʼna hapa paiguve. Aliʼa anupa huʼa neʼmaiya vayaʼai folagapatiʼmo kagikaleʼmo aliʼna asaga huguve.

Hatu maeno apate'niya gemae 9:16

Faliʼnaesinaʼmonanafa nagaemo himamuʼnimo kagaetetiʼmo aliʼna apave lisugeʼapaeʼmo ma mopafiʼmo muki haopalegamo maiʼnaya vayaʼmo ala nagi vekamoʼnaeʼmo nava gemo aeʼa hakalo huʼa hapa paisayafeʼmo aliʼna he tiʼna kateʼnove.

Mai'naya kavane 2:10

Afiteka agesana kavaʼmoʼmo kaipafiʼmo faleno uno haisigeka alagepa huka maigane. Afiteka agesana kavaʼmoʼmo haga nekahausigeno afiʼka aeto hisana kavaʼmoʼa yagaino kategaiye.

Mai'naya kavane 23:23

Lama gemo miya faitekaeʼmo halate miya faisayafeʼmo maketimo osuvo. Ani kavaʼmo huka afiteka agesana yaʼmo alige aliʼna kaya malesuva gemo afige afika aeto hisana gemo alige huteka oʼatalo.

Yoni 1:18

Muki vayapatiʼmo magoke vekamoʼmo alagi Gotiʼmo oʼageʼniyaʼmonanafa Gotiʼa aiya magoke mafaʼneʼamoʼmo muki yaʼmo Afoʼamo haopaleʼmo maiʼniya mafaʼneʼamokeʼmo alino lave liʼnigeta ageʼnone.

Yoni 12:28

Afo, huno, kagikaleʼmo alika asaga huvo, huno huʼnigeno kokuʼnapatiʼmo ge hunoʼaeʼmo, nagiʼnileʼmo aliʼna asaga huʼnovanageʼna halate magoʼe huʼna nagiʼnileʼmo aliʼna asaga huguve, huno huʼniye.

Yoni 15:19

Lapakaemo ma mopafi vayaʼmo maiʼnaesinana ma mopafi vayaʼmogimo vayaʼapieʼmo hapauʼniya agufa kavaʼmo huʼa lapakaefeʼmo hapau apayamopafiʼmo hapauʼniesine. Hapauʼniyesinaʼmonanafa nagaemo ma mopafi vayapatiʼmo lekana paiʼna lapateʼnogetapa ma mopafi vayapiʼmo oʼmaiʼnayaʼmofeʼmo lapakaefeʼmo apaini nehae.

Yoni 15:3

Nagaemo hatagauʼna aliʼna alagepa hugekana huʼna aliʼna lapaya maleʼnova geletiʼmo hosu kavatapimo sese huʼna lapateʼnogetapa yaveyave vayaʼmo maiʼnae.

Yoni 15:7

Lapakaemo nagaepiʼmo aeta hanitapa maiʼnisageno geʼnimo lapaipafiʼmo haneʼninagetapa lapauʼnisiya yafeʼmo Gotifeʼmo ge hutapa afi gesagenoʼaeʼmo afaʼa lapamigiye.

Yoni 17:12

Nagaemo ma mopafiʼmo apakaeʼeʼmo magokepi lokaeʼna maiʼneʼnaeʼmo kagikaletiʼe himamukaletiʼeʼmo yagaiʼna apateʼnogeʼa afaʼa maiʼnayaʼmonanafa magoke vekaeʼmo kagae mukufi gemoʼmo hunoʼaeʼmo, afela hegaiye, huno huʼniya gemo afole aisiyafeʼmo alagi afela heʼniye.

Yoni 17:14

Nagaemo kagae gemo aliʼna apamiʼnogeʼa aliʼnageʼapaeʼmo ma mopafi vayaʼmogimo apakaefeʼmo apaini huʼnae. Ma mopafi vayaʼmo oʼmaiʼnayaʼmofeʼmo apakaefeʼmo apaini huʼnae.

Yoni 17:16

Nagaemo ma mopafi vekamo oʼmaiʼnova kava huʼa ma mopafi vayaʼmo oʼmaiʼnae.

Yoni 17:2

Kagaemo muki ma mopafi vayaʼaiteʼmo yagaino apatesiyafeʼmo lekana paika ateʼnane. Apavaleka amiʼnana vayaʼmo afaʼa maige maige huʼa maisaya yaʼmo alino apamisiyafeʼmo himamuʼamo ago amiʼnane.

Yoni 17:24

Afo, huʼna, nahauʼniyanagi apavaleka namiʼnana vayaʼnimo nagaetegamo eʼa maiʼneʼa namiʼnana ha le konali yaʼnimo agesayafeʼmo nahauʼniye. Ma mopamo alo osuʼnana afinaʼmo nagaefeʼmo kahau kayamopafiʼmo kahauʼniyaʼmofeʼmo ha le konali yaʼnimo namiʼnane.

Yoni 17:26

Nagaefeʼmo kahau kayamopafiʼmo kahauʼniya kavakamo apakaepiʼmo hanesigeʼna apakaepiʼmo maisuvafeʼmo kagikamo aepaʼamo aliʼna apave liʼnovanageʼna magoʼe huʼna aliʼna apave liguve, huno nunumuʼmo huʼniye.

Yoni 17:7

Hemenimo apakaemo ago ageʼnayana muki namiʼnana yaʼmo kagaetegatikeʼmo eʼniye, huʼa ageʼnae.

Yoni 18:9

Yesuʼa hogoteno nunumuʼmo hunoʼaeʼmo, apavaleka namiʼnana vayapatiʼmo magoke vekamo ataleʼnogeno uno afela oseʼnifa mukiʼamo afaʼa maiʼnae, huno huʼniya gemo afole aisiyafeʼmo ani gemo huʼniye.

Yoni 6:37

Muki vayaʼamo muki yaʼmo Afoʼamoʼmo apavaleno neʼnamiya vayaʼamo nagaetegamo egae. Nagaetegamo eʼa maiʼnisaya vayaʼmo alagi aliʼna hapafaiʼna oʼapatalegauve.

Yoni 6:39

Muki yaʼmo Afoʼamoʼmo alino nateʼnigeʼna emiʼneʼnova vekamoʼa hauʼniyanageʼna muki apavaleno namiʼniya vayapatiʼmo magoke vekamo alagi afaʼa atalesugeno afela hesiyafeʼmo ohauʼniyanageʼna ma mopamo hano hisiya afinaʼmo muki vayaʼamo aliʼna he tiʼna apatesuvafekeʼmo hauʼniye.

Yoni 8:51

Lama gemo lapa nepauve, huno, Geʼnimo akame nehaya vayaʼmo ofaligae, huno hapa paiʼnigeʼapaeʼmo,

Yoni 8:52

Hemenimo lagaemo afiʼnonana hosu aune vekamo kaipafiʼmo maiʼniye, huta ago afiʼnone. Emalehamuʼa ago faliʼnigeʼa Gotitegati gemo alini eʼa aeʼa hakalo huʼa hapa nepaiya vayaʼmo ago faliʼnayaʼmonanafa kagaemo hukaeʼmo, geʼnimo akame nehaya vayaʼmo ofaligae, huka nehane.

Apa 13:48

Alu nofi vayaʼmogimo ani gemo afiteʼa apamogaga aiteʼapaeʼmo, ani gemo Goti geʼamo alagepa gemo haneʼniye, huʼa huteʼa Ala kava neʼmo agiʼaleʼmo aliʼa asaga huʼa ateʼnae. Gotiʼa na magi vayaʼmo alagepa huʼa maige maige huʼa maisayafeʼmo lekana paino apateʼnisifigeʼa ani vayaʼmo apakesamo afiʼa fatago huʼnae.

Lomu 11:2

Gotiʼa akeyaʼvilaga hunoʼaeʼmo, mafaʼneʼnimo maiʼnae, huno huʼniya vayaʼmo alino oʼapataleʼniye. Goti mukufi avoʼmo kae maleʼniya gemoʼa Ilaiyafeʼmo ava gemo huʼniya gemo lapakaemo afiʼnafiye. Ilaiyaʼa Gotifeʼmo,

2 Kolitiyani 4:6

Gotiʼa hani huʼniya yapifeʼmo, aeka ha lo, huno huʼniya Gotiʼa laipafifeʼmo hunoʼaeʼmo, aeka ha lo, huno huʼnigeno Goti ha le konali yaʼamo Kalaisi augosafatiʼmo aeno ha leʼnigeta ageʼnone.

Kolosi 3:16

Lapaipamo alo higenoʼao Kalaisifeʼmo ava gemo lapaipafiʼmo magoʼe huno hanege hanege huno alagi haneno. Alagepa huta lapakesamo afiʼnetapa konagatapimo afalu afalu kavaʼmo hutapa alita apaya maletapaeʼmo hosu kavaʼmo osisayafeʼmo ehetapiye, huta hapa paiyo. Lapaipafiʼmo Gotifeʼmo hao ke nehetapaeʼmo samu yokemo huge mono yokemo huge Ala kava neʼmo agiʼaleʼmo aliʼa neʼasagaya yokemo huge hutapa maiyo.

2 Timoti 1:13

Kagaemo aliʼna kaya maleʼnogeka afiʼnana geleʼmo atafauka alagi huvo. Ani gemoʼa kaita haugekana huno ohaneʼneno vayaʼmo alino hapageno neʼapateya gemo akame hisana kavaʼmo auneʼamo aliʼna kave liʼnove. Kalaisi Yesupiʼmo maiʼnekaeʼmo kagesamo afika fatago nehukaeʼmo kahau kayamopafiʼmo kahauʼninageka ani geleʼmo atafauka alagi huvo.

Himulu 2:12

Agaemo hunoʼaeʼmo, Nagaemo naganaʼnimogifeʼmo ala kagikaeʼmo kava gemo huʼna aeʼna hakalo huʼna hapa paiguve. Aliʼa anupa huʼa maiʼnisaya siosi vayaʼai folagapatiʼmo yokemo huʼna kagikaleʼmo aliʼna asaga huʼna kategauve, huno huteno

Himulu 3:6

Hapa paiʼniyaʼmonanafa Kalaisiʼa afamo anaga vayaʼai afoʼapimoʼmo Mafaʼneʼamoʼmo Goti afamo anaga vayaʼaleʼmo yagaino neʼapate. Lagaemo alagepa huta maige maige huta maigune, huta lole lagesamo oʼafita lavayagunagu huteta koli osuta lamogaga neʼaitaeʼmo oʼataleta atafauta alagi huta maime maime neʼuta atupa afinaʼeʼmo ani kavaʼmo huta maiʼnisunaʼmoʼmo Goti afamo anaga vayaʼamo maiʼnone.

1 Pita 1:1

Nagaemo Pitaʼnamo Yesu Kalaisi apa vekaʼamo maiʼneʼnaeʼmo Goti vayaʼamo kalagaʼmo hageta uteta hutapa Ponitasi kotega maige Galesiya kotega maige Kapanosiya kotega maige Esiya kotega maige Mitiniya kotega maige huʼnaya vayaʼmogitapaeʼmo mani gemo avoʼmo nekaove.

1 Yoni 5:20

Lagaemo ageʼnonana Goti Mafaʼneʼamo emineno lama ge Gotiʼa ageta alagepa hisunafeʼmo lagesamo afisuna yaʼmo lamiʼniye. Lagaemo lama ge vekafiʼmo maiʼnetaeʼmo Mafaʼneʼamo Yesu Kalaisipiʼmo maiʼnone. Ani vekamo lama ge Gotiʼa maiʼnenoʼaeʼmo alagepa huta maige maige huta maisuna yaʼmo afoʼamoʼmo maiʼniye.

Leveleseni 2:13

Lapakeʼnovana Sataniʼa yagaino neʼapateya koteʼmo maiʼnageʼna lapakeʼnove. Nagiʼnimo oʼataletapa atafauta alagi hutapa maiʼnae. Mago vayaʼmogimo lama ge nava gemo huʼniya vekamo agiʼamo Anitipasiʼa Sataniʼmo neʼmaiya kotegamo lapakae folagapiʼmo kamitimo amagiʼnayaʼmonanafa lapakaemo oʼnataletapa nagaefeʼmo magoʼe hutapa lapakesamo afita fatago nehae.

Leveleseni 3:10

Nagaemo huʼnaeʼmo, oʼataletapa atafauta alagi hutapa maime maime viyo, huʼna lapa paiʼnova geleʼmo yagaitapa ateʼnayaʼmofeʼmo yagaiʼna lapatesugeʼa muki ma mopafi vayaʼmogimo lapamalageka hisaya afinaʼmo faita kasalo paetapa afaʼa maigae.

Leveleseni 3:8

Nehaya kavatapimo ago lapakeʼnove. Ageyo, huʼna, Lapaulagaleʼmo ago kitamo yakiʼna lapateʼnovanageʼa mago vayaʼmogi eʼa kitamo kiʼa olapategae. Lapakeʼnovana lokiyatapimo aiseʼamo haneʼniyaʼmonanafa geʼnimo akame hutetapaeʼmo nagiʼnilefeʼmo oʼaliʼnone, hutapa hega oʼaeʼnageʼna lapakeʼnove.