Yoni 17:3 - The Keyagana NT and 25 OT books

³ Kagaemo lama geʼageʼmo nehana Gotigaʼe Yesu Kalaisiʼmo alika ateʼnanageno emineʼniya vekaʼeʼmo anakeʼa alagepa huʼnaya vayaʼmogimo maige maige huʼa maisaya yaʼmo ago aliʼnae.

Yoni 17:3 ပူးပေါင်းရင်းမြစ်များ

Samu 9:10

O Ala kava nene, huʼna, Hapa maesanafeʼmo kagaetegamo neʼaya vayaʼmo apataleka oʼuganaʼmofeʼmo kagikamo afiʼa alagepa huʼa afiʼnaya vayaʼmogimo kagaefekeʼmo aliʼa amufa nekamiye.

Mai'naya kavane 8:35

Kahauya huʼa neʼnagaya vayaʼmo afaʼa maisaya yaʼmo aligae. Apakaemo Ala kava neʼmoʼa fikumo hapa maeno apamisigeʼa aligae.

Aiyeya 53:11

Agupi mafaʼnemoʼmo lusi kava huno kana huʼniya aliʼyaʼmo alisigeno neʼyaʼmo afole aigiyaʼmofeʼmo aipamoʼmo ha gegaiye. Aliʼyaʼnimo neʼaliya fatago vekamoʼmo hosu kavaʼapimo aligiyaʼmofeʼmo agaemo ageʼa alagepa huʼa agesaya kavatetiʼmo asole vayaʼaifeʼmo, naulagaleʼmo fatago vayaʼmo maiʼnae, huno hapa paigiye.

Aiyeya 61:1

Ala kava neʼmoʼa kagemi yaʼapimo ohaneʼnisiya vayaʼaifeʼmo alagepa faigoko gemo aeʼna hakalo huʼna hapa paisuvafeʼmo nagenopafiʼmo uvelimo ago lakino nateʼniyaʼmofeʼmo Ala kava neʼmo Aunemeʼamo emineno nagaeteʼmo maiʼniye. Agaemo alino nateʼnigeʼna eʼna hosu kavaʼapieʼmo apaipamoʼmo kana nehiya vayaʼaina aliʼna hapageʼna apatege kalavusifi maiʼnaya vayaʼaifeʼmo huʼnaeʼmo, hatu maeʼna lapateʼnove, huʼna hapa paige seli nofitetiʼmo kino apateʼniya vayaʼaifeʼmo huʼnaeʼmo, kalavusifatiʼmo afaʼa ugae, huʼna hapa paige hisuvafeʼmo alino nateʼnigeʼna eʼnove.

Maki 9:37

Ina lagimo ani agufa mafaʼnemo aliʼa falu fala huʼa neʼatesafi ina kava huʼa aliʼa falu fala huʼa neʼnatae. Aliʼa falu fala huʼa neʼnataya vayaʼmogi ina kava huʼa alino nateʼnigeʼna emiʼneʼnova vekaʼeʼmo aliʼa falu fala huʼa nelaʼataʼae, huno hapa paiʼniye.

Luki 9:48

Apakaefeʼmo hunoʼaeʼmo, ina lagimo nagaetefeʼmo mani agufa aise mafaʼnemo aliʼa falu fala huʼa neʼatesafi ina kavaʼmo huʼa aliʼa falu fala huʼa neʼnatae. Ina lagimo aliʼa falu fala huʼa neʼnatafi ina kavaʼmo huʼa alino nateʼnigeʼna emiʼneʼnova vekaʼeʼmo aliʼa falu fala huʼa neʼatae. Lapakaepatiʼmo mago henagamo maiʼnisiya vekamoʼmo hogote vekamo maigiye, huno hapa paiʼniye.

Yoni 10:36

Gotiʼa ani gemo ma mopafi vayaʼaifeʼmo huʼniyaʼmonanafa nagaemo huʼnaeʼmo, Goti mafaʼneʼamo maiʼnove, huʼna huʼnovaʼmofeʼmo muki yaʼmo Afoʼamoʼmo aote vekamo lekana paino ateʼnenoʼaeʼmo alino ateʼnigeno emineʼniya vekaeʼmo, Gotifeʼmo huka faipa huka neʼatane, hutapa nehafiye.

Yoni 11:42

Muki afinaʼmo geʼnimo neʼafine, huʼna ago afiʼnove. Afiʼnovaʼmonanafa manileʼmo nagaeʼeʼmo magokepiʼmo lokaeʼa maiʼnaya vayaʼmogimo afiteʼapaeʼmo, Gotiʼa alino ateʼnigeno emineʼniye, huʼa apakesamo afiʼa fatago hisayafeʼmo ani gemo nehuve, huno huteno

Yoni 14:26

Hemenimo lapa nepauvaʼmonanafa muki yaʼmo Afoʼamoʼmo aote Aunemeʼamoʼmo lapa maesiya vekamo nagiʼniletiʼmo alino atesigeno lapakaetegamo emineno muki geʼamo alino lapaya maleteno lapaipa lapakesamo alino he tino lapatesigetapa lapa nepauva geeʼmo lapakesa afita ho hugae.

Yoni 17:18

Kagaemo ma mopafi vayaʼaitegamo alika nateʼnanageʼna emiʼneʼnova kava huʼna ma mopafi vayaʼaitegamo aliʼna apateʼnogeʼa uʼnae.

Yoni 17:21

Apakaemo mukiʼamogi magokeʼageʼmo maiʼneʼa Afoʼnimogamo nagaepiʼmo maiʼnanageʼna kagaepiʼmo maiʼnova kava huʼa laʼagaepiʼmo magokeʼageʼmo maisayafeʼmo nunumuʼmo huʼna neʼapatove. Magokeʼageʼmo maiʼnisageʼapaeʼmo ma mopafi vayaʼmogi apaketeʼapaeʼmo nagaefeʼmo, Gotiʼa alino ateʼnigeno emineʼniye, huʼa apakesamo afiʼa fatago hisayafeʼmo nunumuʼmo huʼna neʼapatove.

Yoni 17:23

Nagaemo apakaepiʼmo maiʼnogeka nagaepiʼmo maiʼnanaʼmofeʼmo magokeʼageʼmo maisayafeʼmo nunumuʼmo huʼna neʼapatove. Magokeʼageʼmo maiʼnisageʼa ma mopafi vayaʼmogimo apaketeʼapaeʼmo, Gotiʼa alino ateʼnigeno emineʼniye. Gotiʼa Mafaʼneʼaeʼmo hau ayamopafiʼmo hauʼniya kava huno apakaefeʼmo hau ayamopafiʼmo hauʼniye, huʼa hisayafeʼmo nunumuʼmo huʼna neʼapatove.

Yoni 17:25

O Afo, huʼna, fatago kavaʼageʼmo nehana vekamogae, huʼna, ma mopafi vayaʼmogimo okageʼnayaʼmonanafa nagaemo kageʼnogeʼapaeʼmo mani vayaʼmogi kageteʼapaeʼmo, Gotiʼa Afoʼamoʼmo alino ateʼnigeno emineʼniye, huʼa afiʼnae.

Yoni 17:8

Ani kavaʼmo huʼna namiʼnana gemo apamiʼnogeʼa aliteʼapaeʼmo, Gotitegatiʼmo emineʼniye, huʼa nageteʼapaeʼmo Gotiʼa alino ateʼnigeno emineʼniye, huʼa apakesa afiʼa fatago nehae.

Yoni 3:17

Gotiʼa ma mopafi vayaʼmo agoti huno apatetenoʼaeʼmo, hosu kavaʼmo huʼnae, huno hisiyafeʼmo mafaʼneʼamo alino ateʼnigeno emiʼnoʼmeʼnifa apakufamo alino katino apateteno hapau vaisiyafeʼmo alino ateʼnigeno emineʼniye.

Yoni 3:34

Gotiʼa alino ateʼnigeno eʼniya vekamoʼa Goti geʼamo hapa nepaiye. Gotiʼa Aunemeʼamo alino fako huno magoʼamo maleteno oʼamiʼnifa mukiʼamo alagi amiʼniyaʼmofeʼmo Goti geʼamo aeno hakalo huno hapa nepaiye.

Yoni 5:44

Vayaʼmogi lapakitapileʼmo aliʼa asaga huʼa lapatesayafeʼmo lapauʼniyaʼmonanafa Gotiʼa lapakitapileʼmo alino magokeʼamokeʼmo asaga huno lapatesiya kavafeʼmo kahauya nosayaʼmofeʼmo haiya kava hutapa nagaefeʼmo lapakesamo afitapa fatago hugae.

Yoni 6:57

Muki yaʼmo Afoʼamoʼmo afaʼa maisaya yaʼmo aepa vekamoʼa alino nateʼnigeʼna emineʼnove. Agaemo afaʼa maisuva yaʼmo aepa vekamo maiʼnigeʼna nagufafati nameʼanimo neʼnaya vayaʼmo afaʼa maisaya yaʼmo aepa vekaʼapimo maiʼnove.

Yoni 7:29

Agaemo alino nateʼnigeʼna agaetegatiʼmo emiʼneʼnovaʼmofeʼmo ageʼnove, huno hapa paiʼnigeʼapaeʼmo

Yoni 8:19

Afokamoʼmo haiyate maiʼniye, huʼa ge huʼa afi geʼnagenoʼaeʼmo, lapakaemo nagaemo nagetapa aeto osuʼnayaʼmofeʼmo Afoʼnimo agetapa aeto osuʼnae. Nagetapa aeto huʼnaesinana Afoʼnimoʼeʼmo agetapa aeto huʼnaesine, huno hapa paiʼniye.

1 Kolitiyani 15:34

Negi nagi kavaʼmo osutapa alagepa hutapa lapakesamo afitetapa hosu kavatapimo ataleyo. Lapavagagemo hisiyafeʼmo nagaemo, magoʼamogitapamo Gotiʼa oʼageʼnae, huʼna lapa nepauve.

1 Kolitiyani 8:4

Nehiyaʼmofeʼmo aigofe gotiʼapimogi afu ameʼamo neʼapamiya ofalinimo nesupi oʼnesupi ani kavafeʼmo avoʼmo kaegesuve. Aigofe gotiʼapimogimo ma mopafi ina agufa yaʼmo haneʼnigeno magoke Gotiʼa agaiʼageʼmo maiʼniyana mago alu gotigimo alagi oʼmaiʼnae, huta ago afiʼnone.

2 Kolitiyani 4:6

Gotiʼa hani huʼniya yapifeʼmo, aeka ha lo, huno huʼniya Gotiʼa laipafifeʼmo hunoʼaeʼmo, aeka ha lo, huno huʼnigeno Goti ha le konali yaʼamo Kalaisi augosafatiʼmo aeno ha leʼnigeta ageʼnone.

Filipai 3:10

Nagaemo Kalaisina ageʼna alagepa huʼna agesuvafeʼmo neʼnahaiye. Faliʼniyatetiʼmo he tiʼniya himamuʼamoʼa naipafiʼmo aliʼyaʼmo alisigeʼna agegesuve. Kana yaʼmo aliʼniya kavatefeʼmo magoke agufa kava huʼna kana yaʼmo alisuvafeʼmo neʼnahaiye. Faliʼniyanageʼna atafa naipamo hano hisiyafeʼmo faliteʼna agaekana huʼna maigesuve.

Filipai 3:8

Ataleʼnovanageʼna hemenimo huʼnaeʼmo, hogote yaʼmo aeno agaseʼniya yaʼmo Ala kava neʼnimo Kalaisi Yesuʼa ageʼna alagepa huʼna agesuvafeʼmo muki yaʼnimo ago ataleʼnove. Hosuʼniya neʼyaʼmo alini uʼa neʼatalaya neʼyakana huno haneʼniye, huʼna huteʼna Kalaisiʼa alisuvafeʼmo aliʼna yaga auʼna ataleʼnove.

1 Tesaloniyani 1:9

Ani vayaʼmogimo lagaefeʼmo huʼapaeʼmo, apakaemo Tesaloniyani vayaʼaitegamo uʼnageʼapaeʼmo aigofe gotiʼapimogi apataleʼa aiʼa afe leʼa Gotitegamo eʼa afaʼa neʼmaiya lama ge Goti aliʼyaʼamo neʼaliye.

2 Tesaloniyani 1:8

Kalaisiʼa Gotiʼmo oʼagege Ala kava netimo Yesu Kalaisifeʼmo alagepa faigoko geʼamo oʼafige huʼa neʼmaiya vayaʼmo anonaʼapilefeʼmo ata kayotetiʼmo apamagigiye.

Himulu 3:1

Gotiʼa lapakaefeʼmo kokuʼnapiʼmo uta haitapa magokepi lokaeta maisayafeʼmo keya aeno ge huʼniya lapaote konagaʼnimogitapae, huʼna, Yesufekeʼmo lapakesamo afifi hutapa maiyo. Lagaemo lagesamo afita fatago hutaeʼmo, Goti apa vekaʼamo maiʼneno hogote mono vekamo mono huno nelateya vekamo maiʼniye, huta aeta hakalo nehune.

2 Pita 1:2

Lapakaemo Gotiʼe Ala kava netimo Yesuʼeʼmo lapakaemo anaketa aeto huʼnaya kavatetiʼmo fikumo lapa maeʼana lapamisaʼageno lapaipamoʼmo falu hino.

2 Pita 1:3

Gotiʼa yalagisa vekamoʼmo himamuʼaletiʼmo alagepa huta maiʼneta Gotifekeʼmo alagepa huta mono hisunafeʼmo muki yaʼamo fikumo laha maeno lamiʼniye. Lagaemo Gotiʼmo ageta alagepa huta ageʼnona kavatetiʼmo muki yaʼamo lamiʼnigeta aliʼnone. Ha le konali yaʼamo aliteta agaekana huta maisunafeʼmo lagaefeʼmo eyo, huno keya aeno ge huʼniye.

2 Pita 1:8

Mani kavaʼmo magoʼe magoʼe hutapa hisayana Ala kava netimo Yesu Kalaisiʼmo agetapa aeto huʼnaya kavatetiʼmo afaʼa oʼmaitapa alagamo aegae.

1 Yoni 1:2

Mani vekamo afaʼa neʼmaiya yaʼmo aepa vekamo afole aiʼnigeta agetetaeʼmo agaefeʼmo faigoko geʼamo aeta hakalo huta lapa nepaune. Agaemo maige maige huʼa neʼmaiya yaʼmo afoʼamoʼmo Goti muki yaʼmo Afoʼamoʼeʼmo magokepi lokaeno maiʼneno lagaetegamo afole aiʼniya vekaeʼmo ava gemo huta lapa nepaune.

1 Yoni 1:3

Lagaemo afiteta ageʼnona kavafeʼmo ava gemo hutaeʼmo lapakaemo lagaeʼeʼmo afalu afalugana huta maisunafeʼmo aeta hakalo huta lapa nepaune. Lagaemo Afotimoʼe mafaʼneʼamo Yesu Kalaisiʼeʼmo afalu afalugana huta neʼmaune.

1 Yoni 2:23

Muki vayaʼamogi, Yesuʼa Kalaisi vekamo oʼmaiʼniye, huʼa aeʼa hakalo huʼa hapa nepaiya vayaʼai apaipafiʼmo muki yaʼmo Afoʼamoʼmo avaleʼa oʼateʼnae. Muki vayaʼamogimo, Yesuʼa Kalaisi vekamo maiʼniye, huʼa aeʼa hakalo huʼa hapa nepaiya vayaʼai apaipafiʼmo muki yaʼmo Afoʼamoʼe Mafaʼneʼaʼeʼmo anavaleʼa anateʼnageʼana neʼmaiʼae.

1 Yoni 4:6

Lagaemo Goti vayaʼamo maiʼnone. Gotiʼa ageʼa aeto huʼnaya vayaʼmogimo getimo neʼafiye. Goti vayaʼamo oʼmaiʼnaya vayaʼmogimo getimo noʼafiye. Ani kavatefeʼmo lama ge Aunemeʼamo agege aigofe aunemeʼamo agege hugune.

1 Yoni 5:20

Lagaemo ageʼnonana Goti Mafaʼneʼamo emineno lama ge Gotiʼa ageta alagepa hisunafeʼmo lagesamo afisuna yaʼmo lamiʼniye. Lagaemo lama ge vekafiʼmo maiʼnetaeʼmo Mafaʼneʼamo Yesu Kalaisipiʼmo maiʼnone. Ani vekamo lama ge Gotiʼa maiʼnenoʼaeʼmo alagepa huta maige maige huta maisuna yaʼmo afoʼamoʼmo maiʼniye.