Yoni 17:25 - The Keyagana NT and 25 OT books

²⁵ O Afo, huʼna, fatago kavaʼageʼmo nehana vekamogae, huʼna, ma mopafi vayaʼmogimo okageʼnayaʼmonanafa nagaemo kageʼnogeʼapaeʼmo mani vayaʼmogi kageteʼapaeʼmo, Gotiʼa Afoʼamoʼmo alino ateʼnigeno emineʼniye, huʼa afiʼnae.

Yoni 17:25 ပူးပေါင်းရင်းမြစ်များ

Aiyeya 45:21

Lapakaemo eta agotileʼmo getapimo aeta hakalo hiyo. Magokepiʼmo maiʼnetapaeʼmo ge huge afige hutapa maiyo. Ina laʼmo afole aisiya kavafeʼmo akeyavilagamo aeno hakalo huʼniye. Nagaiʼnigeʼmo aeʼna hakalo huʼna hapa paiʼnofiye. He, alu gotiʼmo oʼmaiʼniye. Nagaemo fatago kavaʼageʼmo nehuva Gotiʼnamo apakufamo aliʼna katiʼna neʼapatova Gotiʼnamo maiʼnove. Alu gotiʼa alagi oʼmaiʼniye.

Matiyu 11:27

Afoʼnimoʼmo aliʼyaʼamo alisuvafeʼmo muki yaʼamo namiʼniye. Muki vayaʼmogimo mafaʼneʼamo nageʼa alagepa osuʼnayaʼmonanafa Afoʼnimokeʼmo nageno alagepa huʼniye. Muki vayaʼmogimo afoʼnimoʼmo ageʼa alagepa osuʼnayaʼmonanafa nagaemo ageʼna alagepa huʼneʼna nahauʼnigeʼna ageʼneʼna aliʼna apave liʼnova vayaʼmogiʼeʼmo ageʼa alagepa huʼa agege huʼnone.

Matiyu 16:16

Saimoni Pitaʼa geʼaleʼmo aeno atagaina hunoʼaeʼmo, Kalaisi vekamo maiʼnane. Maige maige huno neʼmaiya Goti mafaʼneʼamo maiʼnane, huno ha paiʼniye.

Luki 10:22

Hutenoʼaeʼmo, Afoʼnimoʼmo muki yateʼe vayaʼaiteʼeʼmo yagaisuvafeʼmo alino nateʼniye. Muki vayaʼmogimo mafaʼneʼamo ageʼa alagepa huʼa oʼageʼnafa afoʼamokeʼmo ageno alagepa huno ageʼniye. Ani kavaʼmo huʼa vayaʼmogimo muki yaʼmo Afoʼamoʼmo ageʼa alagepa huʼa oʼageʼnafa mafaʼneʼamokeʼmo ageno alagepa huno ageʼniye. Ani kavaʼmo huno mafaʼneʼamoʼmo lekana paino apateʼnisiya vayaʼmo alino apave lisigeʼapaeʼmo muki yaʼmo Afoʼamoʼmo ageʼa alagepa huʼa agegae, huno hapa paiʼniye.

Yoni 1:18

Muki vayapatiʼmo magoke vekamoʼmo alagi Gotiʼmo oʼageʼniyaʼmonanafa Gotiʼa aiya magoke mafaʼneʼamoʼmo muki yaʼmo Afoʼamo haopaleʼmo maiʼniya mafaʼneʼamokeʼmo alino lave liʼnigeta ageʼnone.

Yoni 15:21

Apakaemo alino nateʼnigeʼna emiʼneʼnova vekamo oʼageʼnayanageʼa vayaʼnimo maiʼnayaʼmofeʼmo lapakaetegamo muki ani agufa kavakeʼmo hugae.

Yoni 16:27

Lapakaemo nagaefeʼmo lapau lapayamopafiʼmo lapauʼnigetapaeʼmo Gotitegatiʼmo emineʼniye, hutapa lapakesamo afita fatago nehayaʼmofeʼmo Afoʼnimoʼmo agaiʼamo lapakaefeʼmo hau ayamopafiʼmo hauʼniye.

Yoni 16:3

Muki yaʼmo Afoʼamoʼmo ageʼa alagepa osuʼnaya kava huʼa nagaemo nageʼa alagepa osuʼnayaʼmofeʼmo ani agufa kavaʼmo lapakaetegamo hugae.

Yoni 16:30

Hemenimo lagaemo ago kageʼnonana mago vekamoʼa kagaefeʼmo mago geeʼmo loka huno kafi gesiyafeʼmo agava oʼmaika hogoteka vayaʼai apaipafiʼmo neʼapakanageta kageʼnone. Muki kavaʼmo neʼaganaʼmofeʼmo kagaefeʼmo Gotitegatiʼmo emikeʼnane, huta lagesa afita fatago nehune, huʼa ha paiʼnagenoʼaeʼmo,

Yoni 17:11

Hemenimo ma mopafiʼmo magoʼe huʼna oʼmaiʼna ataleʼna kagaetegamo uʼna haiguvaʼmonanafa apakaemo ma mopafiʼmo maiʼnae. Afo, huʼna, kaote vekamo maiʼneka alagepa kavaʼageʼmo nehana vekae, huʼna, ani kavaʼmo hutaʼa magokeʼageʼmo maiʼnoʼa kava huʼa apavaleka namiʼnana vayaʼmo magokeʼageʼmo maiʼnayanageʼa ani kava huʼa maisayafeʼmo himamukaletiʼmo yagaika apato.

Yoni 17:18

Kagaemo ma mopafi vayaʼaitegamo alika nateʼnanageʼna emiʼneʼnova kava huʼna ma mopafi vayaʼaitegamo aliʼna apateʼnogeʼa uʼnae.

Yoni 17:21

Apakaemo mukiʼamogi magokeʼageʼmo maiʼneʼa Afoʼnimogamo nagaepiʼmo maiʼnanageʼna kagaepiʼmo maiʼnova kava huʼa laʼagaepiʼmo magokeʼageʼmo maisayafeʼmo nunumuʼmo huʼna neʼapatove. Magokeʼageʼmo maiʼnisageʼapaeʼmo ma mopafi vayaʼmogi apaketeʼapaeʼmo nagaefeʼmo, Gotiʼa alino ateʼnigeno emineʼniye, huʼa apakesamo afiʼa fatago hisayafeʼmo nunumuʼmo huʼna neʼapatove.

Yoni 17:23

Nagaemo apakaepiʼmo maiʼnogeka nagaepiʼmo maiʼnanaʼmofeʼmo magokeʼageʼmo maisayafeʼmo nunumuʼmo huʼna neʼapatove. Magokeʼageʼmo maiʼnisageʼa ma mopafi vayaʼmogimo apaketeʼapaeʼmo, Gotiʼa alino ateʼnigeno emineʼniye. Gotiʼa Mafaʼneʼaeʼmo hau ayamopafiʼmo hauʼniya kava huno apakaefeʼmo hau ayamopafiʼmo hauʼniye, huʼa hisayafeʼmo nunumuʼmo huʼna neʼapatove.

Yoni 17:3

Kagaemo lama geʼageʼmo nehana Gotigaʼe Yesu Kalaisiʼmo alika ateʼnanageno emineʼniya vekaʼeʼmo anakeʼa alagepa huʼnaya vayaʼmogimo maige maige huʼa maisaya yaʼmo ago aliʼnae.

Yoni 17:8

Ani kavaʼmo huʼna namiʼnana gemo apamiʼnogeʼa aliteʼapaeʼmo, Gotitegatiʼmo emineʼniye, huʼa nageteʼapaeʼmo Gotiʼa alino ateʼnigeno emineʼniye, huʼa apakesa afiʼa fatago nehae.

Yoni 3:17

Gotiʼa ma mopafi vayaʼmo agoti huno apatetenoʼaeʼmo, hosu kavaʼmo huʼnae, huno hisiyafeʼmo mafaʼneʼamo alino ateʼnigeno emiʼnoʼmeʼnifa apakufamo alino katino apateteno hapau vaisiyafeʼmo alino ateʼnigeno emineʼniye.

Yoni 6:19

apakaemo latapa kayotetiʼmo aniʼmo avaleʼa ataleme ataleme aise afagiʼaleʼmo neʼuʼapaeʼmo agayana Yesuʼa ani agotofuleʼmo sipi haopaleʼmo eʼnigeʼa ageteʼapaeʼmo koli nehagenoʼaeʼmo

Yoni 7:29

Agaemo alino nateʼnigeʼna agaetegatiʼmo emiʼneʼnovaʼmofeʼmo ageʼnove, huno hapa paiʼnigeʼapaeʼmo

Yoni 8:19

Afokamoʼmo haiyate maiʼniye, huʼa ge huʼa afi geʼnagenoʼaeʼmo, lapakaemo nagaemo nagetapa aeto osuʼnayaʼmofeʼmo Afoʼnimo agetapa aeto osuʼnae. Nagetapa aeto huʼnaesinana Afoʼnimoʼeʼmo agetapa aeto huʼnaesine, huno hapa paiʼniye.

Yoni 8:55

Gotitimoʼmo maiʼniye, hutapa nehayaʼmonanafa oʼageʼnageʼna nagaekeʼmo ageʼnove. Oʼageʼnove, huʼna nehuvesinana lapakaekana huʼna aigofe gemo nehuva vekamo maiʼnovesine. Nagaemo ago ageʼnovaʼmofeʼmo geʼamo akame nehuve.

Apa 17:23

Lapakae taoni folagapiʼmo umenitata nehuʼnaeʼmo mono nehaya yatapimo ago ageʼnove. Ageʼnovana mago ofalini yaʼmo maleʼnetapa neʼapamiya hiʼyalamuteʼmo mago avoʼmo kae maleʼnaya gemoʼa hunoʼaeʼmo, Oʼageʼnona Goti hiʼyalamune, huʼa avoʼmo kae maleʼnageʼna ageʼnove. Lapakaemo ani Gotifeʼmo mono nehayaʼmonanafa oʼageʼnae. Hemenimo ani Gotifeʼmo nagaemo ava gemo aeʼna hakalo huʼna lapa nepauve.

Apa 26:18

Apakaemo nagaefeʼmo apakesamo afiʼa fatago hisageʼna hosu kavaʼapimo aliʼna atalesugeʼa Goti apaote vayaʼaʼeʼmo hetamaʼapimo aliteʼa magokepi lokaeʼa maisayafeʼmo kagaemo uka apaulagamo alika ayakeka apateteka hani huʼnisiya yategatiʼmo apayate alinika aika atagi nekeka ha le yategamo apategane. Sataniʼa yagaino neʼapateya kegiʼyafatiʼmo apayate alika apavalelikeka Gotiʼa neʼyagaiya kegiʼyafiʼmo apategane, huno naha paiʼniye, huno ha paiʼniye.

Lomu 1:28

Apakaemo Gotifeʼmo lama ge huʼa apakesa afisayafeʼmo ohapauʼniyaʼmofeʼmo Gotiʼa magoʼe huno apatafauno oʼmaiʼnifa afaʼa apakeno apataleʼnigeʼno hosu apaipa apakesakeʼmo alino he tino apateʼnigeʼa osisaya agufa kavaʼmo nehae.

Lomu 3:11

Mago afiʼnaya vayaʼmo oʼmaiʼnae. Gotiʼmo agesayafeʼmo kahauya nehaya vayaʼmo oʼmaiʼnae.

Lomu 3:26

He, hemenimo Gotiʼa fatago kavaʼamo ago alino lave nelinoʼaeʼmo Yesufeʼmo lagesamo afita fatago nehuna vayaʼmogitaeʼmo hunoʼaeʼmo, naulagaleʼmo fatago vayaʼmo maiʼnae, huno nehunoʼaeʼmo, fatago vekamo maiʼnove, huno alino lave lisiyafeʼmo Yesuʼa afole yateʼmo ago alino afole aino ateʼniye.

1 Kolitiyani 1:21

Gotiʼa afiʼniya geʼaletiʼmo ani kavafeʼmo hunoʼaeʼmo, afiteʼa ageʼnaya kavatetiʼmo nageʼa aeto osugae, huno huteno kaʼmo akani maleʼniye. Agaemo negi nagi gemo haneʼniye, huʼa apakesamo neʼafiya faigoko geʼamo aeta hakalo huta hapa nepauna geʼaletiʼmo Kalaisifeʼmo apakesamo afiʼa fatago nehaya vayaʼai apakufamo alino katino neʼapate.

1 Kolitiyani 15:34

Negi nagi kavaʼmo osutapa alagepa hutapa lapakesamo afitetapa hosu kavatapimo ataleyo. Lapavagagemo hisiyafeʼmo nagaemo, magoʼamogitapamo Gotiʼa oʼageʼnae, huʼna lapa nepauve.

2 Kolitiyani 4:4

Ma mopafi vayaʼmogi gotiʼapimoʼa apakesamo afiʼa fatago nosaya vayaʼai apakesamo afisaya apaulagamo alino fali kaeno apateʼnigeʼapaeʼmo afaʼa noʼagae. Kalaisiʼa Goti auneʼamo alagi maiʼniyaʼmonanafa apakaemo Kalaisi ha le konali yaʼaeʼmo alagepa faigoko geʼamoʼmo aeno ha neleya konali yaʼamo afaʼa oʼagegae.

2 Tesaloniyani 1:8

Kalaisiʼa Gotiʼmo oʼagege Ala kava netimo Yesu Kalaisifeʼmo alagepa faigoko geʼamo oʼafige huʼa neʼmaiya vayaʼmo anonaʼapilefeʼmo ata kayotetiʼmo apamagigiye.

Himulu 8:11

Ani afinaʼmo muki ala apaki vayaʼe aise apaki vayaʼmogiʼeʼmo nagaemo nageʼa alagepa hugayaʼmofeʼmo muki vayaʼamogimo apao vayaʼe konagaʼapimogiʼeʼmo, Ala kava neʼmo agetapa aeto hiyo, huʼa aliʼa apaya oʼmalegae.

1 Yoni 1:9

Lagaemo Gotifeʼmo, ani hosuʼmo kava huʼnove, ina hosu kavaʼmo huʼnove, huta aeta hakalo huta ha paisunagenoʼaeʼmo alagi alino ataleteno, afaʼa ateyo, huno huteno, muki hosu kavatimo aeno kalo paeno atalesiyafeʼmo agaemo huguve, huno hu maleʼniya geʼamo alagi akame huno fatago kavaʼamo hugiye.

Leveleseni 13:8

Muki ma mopafi vayaʼmo afaʼa maisaya yaʼmo aliʼnisaya vayaʼai apakiʼapimo avoʼmo kae maleʼniya mukufiʼmo apakiʼapimo avoʼmo okaeʼnisiya vayaʼmogimo afela afulefeʼmo mono hugae. Ani mukumo ma mopamo faino ateʼniya afinaʼmo kamiti amagiʼnaya sipisipi vekamo mukuʼamo haneʼniye.

Leveleseni 16:5

Aniteʼmo neʼyagaiya enisole vekamoʼmo hunoʼaeʼmo, O Ala kava nene, huno, Kagaemo fatago vekamo maiʼnane. Hogoteka maiʼneka hemeniʼeʼmo neʼmainanageka henagaʼaʼeʼmo alagi maisana vekamo maiʼnane. Kagaemo kavaʼapimo alika fako huka apatetekaeʼmo fatago kavaʼmo nehane.