Yoni 17:24 - The Keyagana NT and 25 OT books

²⁴ Afo, huʼna, nahauʼniyanagi apavaleka namiʼnana vayaʼnimo nagaetegamo eʼa maiʼneʼa namiʼnana ha le konali yaʼnimo agesayafeʼmo nahauʼniye. Ma mopamo alo osuʼnana afinaʼmo nagaefeʼmo kahau kayamopafiʼmo kahauʼniyaʼmofeʼmo ha le konali yaʼnimo namiʼnane.

Yoni 17:24 ပူးပေါင်းရင်းမြစ်များ

Aepa Gemae 45:13

Nageʼnageʼna utapa afoʼnimofeʼmo ala nagiʼnieʼmo ha paige muki ageʼnaya kavafeʼmo ha paige hutetapa malage hutapa afoʼnimoʼmo manileʼmo avalelitapa emiteyo, huno hapa paiʼniye.

Matiyu 25:21

aliʼyaʼmo afoʼamoʼmo ha painoʼaeʼmo, aliʼyakamo oʼataleʼnanaʼmofeʼmo aliʼna amufa nekamuve, huno, alagepa kavaʼmo huʼnane. Aise yateʼmo alagepa huka yagaiʼnanaʼmofeʼmo alopa yateʼeʼmo afaʼa yagaisanafeʼmo kavalegauvanagi eka nagaeʼeʼmo kamogaga aiyo, huno ha paiʼniye.

Matiyu 25:23

aliʼyaʼmo afoʼamoʼmo hunoʼaeʼmo, aliʼyakamo oʼataleʼnanaʼmofeʼmo aliʼna amufa nekamuve, huno, alagepa kavaʼmo huʼnane. Aise yateʼmo alagepa huka yagaiʼnanaʼmofeʼmo alopa yateʼeʼmo afaʼa yagaisanafeʼmo kavalegauvanagi eka nagaeʼeʼmo kamogaga aiyo, huno ha paiʼniye.

Matiyu 25:34

Apateʼnenoʼaeʼmo ala kini vekaʼapimoʼmo lamaga haopaleʼmo maiʼnisaya vayaʼaifeʼmo hunoʼaeʼmo, Afoʼnimoʼmo alino auleno lapateʼniya vayanagi eyo. Gotiʼa ma mopamo alo huʼniya afinaʼmo lapamisiyafeʼmo alo huno lapateʼniye. Mafaʼneʼapimogimo afoʼapimogi yaʼmo neʼaliya kava hutapa uta haita muki yaʼnimo aliyo.

Matiyu 26:29

Lapa nepauve, huno, halate nofi alagafati aniʼmo oʼneʼna maime maime neʼuʼna Afoʼnimoʼmo yagaino neʼapateya koteʼmo saufa afinaʼmo afole aisigeʼnaeʼmo lapakaeʼeʼmo magokepi lokaeta maiʼneta negaune, huno hapa paiʼniye.

Luki 12:37

Aepa vekamo esiya afinafeʼmo ohavaeʼa afaʼa yagaiʼa maiʼnaya vayaʼmo aulena vayaʼmo maiʼnae. Lama gemo lapa paiʼnaeʼmo hapao ke hetenoʼaeʼmo, eta haitetapa hiʼyalamuteʼmo siyateʼmo maiyo, huno hapa paiteno aliʼyaʼmo neʼaliya kukenamo vailiʼneno neʼyaʼmo fako huno apamigiye.

Luki 23:43

lama gemo kaha nepauve, huno, hemenitomo Palanaisi koteʼmo uka haisanagetaʼa nagaeʼeʼmo maiguʼae, huno ha paiʼniye.

Yoni 1:14

Ani vekamo agiʼamo Goti Geʼamoʼmo emineno agufamo aliteno nata neno emineno lagaeʼeʼmo magokepi lokaeno maiʼniye. Lagaeʼeʼmo lokaeno maiʼnigeta ageʼnonana ha le konali yaʼamo Afoʼamoʼmo aiya magoke mafaʼneʼamo aeto agufa kumani mafaʼneʼamo ha le konali yaʼamoʼa aeno ha leʼnigeta ageʼnone. Fiku laha maeno lamisiya kavaʼaʼe lama geʼaʼeʼmo aipafiʼmo havai teʼnigeno aeno ha leʼnigeta ageʼnone.

Yoni 12:26

Aliʼyaʼnimo alisayafeʼmo hisaya vayaʼmogi nagae nakamekeʼmo hiyo. Ani kavaʼmo huʼa aliʼyaʼnimo neʼalisaya vayaʼmogi nagae nakamekeʼmo huteʼa uʼna maisuva koteʼmo uʼa maigae. Inagi Afoʼnimoʼmo aliʼyaʼnimo neʼalisaya vayaʼai apakiʼapileʼmo alino asaga huno apategaiye, huno hapa paiʼniye.

Yoni 14:3

Haiʼna notapimo alo huʼna lapateteʼnaeʼmo nagaegiʼeʼmo magokepi uta haita lokaeta maisunafeʼmo emiʼneʼna lapavalesugeta uta haigune.

Yoni 15:9

Afoʼnimoʼmo nagaefeʼmo hau ayamopafiʼmo hauʼniya kava huno lapakaefeʼmo nahau nayamopafiʼmo nahauʼniye. Nahau nayamopafiʼmo nahauʼniya kavapiʼmo aeta hanitapa maiyo.

Yoni 17:2

Kagaemo muki ma mopafi vayaʼaiteʼmo yagaino apatesiyafeʼmo lekana paika ateʼnane. Apavaleka amiʼnana vayaʼmo afaʼa maige maige huʼa maisaya yaʼmo alino apamisiyafeʼmo himamuʼamo ago amiʼnane.

Yoni 17:22

Magokeʼageʼmo maiʼnoʼa kava huʼa magokeʼageʼmo maisayafeʼmo namiʼnana ha le konali yaʼnimo apamiʼnove.

Yoni 17:5

O Afo, huno, kagaeʼeʼmo magokepi lokaeʼna maiʼneʼnaeʼmo kaulagaleʼmo ha le konali yaʼnimo ma mopamo alo osuʼnana afinatetiʼmo aliʼnova ha le konali yaʼnimo alika namiyo.

Yoni 6:37

Muki vayaʼamo muki yaʼmo Afoʼamoʼmo apavaleno neʼnamiya vayaʼamo nagaetegamo egae. Nagaetegamo eʼa maiʼnisaya vayaʼmo alagi aliʼna hapafaiʼna oʼapatalegauve.

Yoni 6:39

Muki yaʼmo Afoʼamoʼmo alino nateʼnigeʼna emiʼneʼnova vekamoʼa hauʼniyanageʼna muki apavaleno namiʼniya vayapatiʼmo magoke vekamo alagi afaʼa atalesugeno afela hesiyafeʼmo ohauʼniyanageʼna ma mopamo hano hisiya afinaʼmo muki vayaʼamo aliʼna he tiʼna apatesuvafekeʼmo hauʼniye.

Yoni 8:58

alagi lama gemo lapa nepauve, huno, Emalehamuʼa itaʼamoʼmo alino oʼateʼniya afinatetiʼmo nagaemo hogoteʼna muki afinaʼmo alagi maiʼnova vekamo maiʼnove, huno hapa paiʼnigeʼapaeʼmo

1 Kolitiyani 13:12

Hosu laveʼyofatiʼmo apaugosamo neʼagaya kava huta hemenimo hani huʼnigeta alagepa huta noʼagonaʼmonanafa henagaʼamo Ala kava neʼmo augosafiʼmo ageta alagepa hugune. Hemenimo aiseʼamo neʼagovanageʼna Gotiʼa nageʼniya kava huʼna henagaʼamo alagi ageʼna alagepa huguve.

2 Kolitiyani 3:18

Gotiʼa laugosafatiʼmo kenamo ago alino ataleʼnigeta alaveʼyofatiʼmo laugosamo neʼagona kava huta Ala kava neʼmo ha le konali yaʼamo neʼagonagenoʼaeʼmo Ala kava neʼmo Aunemeʼamoʼmo alino hamaleno nelategetaeʼmo ha le konali yaʼamo alime alime uta Ala kava nekana huta hamaleme hamaleme neʼune.

2 Kolitiyani 4:6

Gotiʼa hani huʼniya yapifeʼmo, aeka ha lo, huno huʼniya Gotiʼa laipafifeʼmo hunoʼaeʼmo, aeka ha lo, huno huʼnigeno Goti ha le konali yaʼamo Kalaisi augosafatiʼmo aeno ha leʼnigeta ageʼnone.

2 Kolitiyani 5:8

Lagufaʼamo ataleta uta haita Ala kava neʼeʼmo maisunafeʼmo koli osuta he, kanalene, huta nehune.

Filipai 1:23

Lole kavaʼmoʼa heno navayu hulino neʼviye. Ma mopamo ataleʼna uʼna Kalaisiʼeʼmo maisuva naipamo nekaliye.

1 Tesaloniyani 4:17

He netisagenoʼaeʼmo agaemo afaʼa maiʼnona vayaʼeʼmo lavalesigeta apakaegiʼeʼmo magokepi lokaeta uta haita hiyapiʼmo Ala kava neʼeʼmo fotu huteta muki afinaʼmo agaeʼeʼmo maige maige huta maigune.

1 Pita 1:21

Lapakaemo agaetetiʼmo Gotifeʼmo lapakesamo afita fatago nehae. Agaemo faliʼniyatetiʼmo ago alino he tino ateteno ha le konali yaʼamo amiʼnigetapaeʼmo Gotifeʼmo lapakesamo afita fatago hutetapa agava maiʼnetapaeʼmo lapavayagunagu nehae.

1 Yoni 3:2

Nahauʼniya vayaʼmogitapae, huʼna, hemenimo Goti mafaʼneʼamo maiʼnonanageta henagaʼamo haiya agufa vayaʼmo maisupi, huta oʼafiʼnonaʼmonanafa agaemo emineno afole aisigetaeʼmo agaekana huta maigune, huta afiʼnone. Haiya agufa vekamo maiʼnifi, huta ageta aeto hugunaʼmofeʼmo agaekana huta maigune.

Leveleseni 21:22

Ala kava neʼmo Gotiʼa muki lokiyaʼaʼe vekaʼe aikeli sipisipi vekaʼeʼmo aote taonifi mono nokana huʼana maiʼnaʼaʼmofeʼmo mono noʼmo oʼageʼnove.

Leveleseni 3:21

Nagaemo kamemo huʼa aeʼa neʼapakasaya vayaʼmo apamisugeʼa fai maiʼneʼna yagaiʼna neʼapatova siyateʼmo nagaeʼeʼmo fai maigae. Nagaemo kamemo huʼna aeʼna apakaseʼnogeno afoʼnimoʼmo fai maiʼneno yagaino neʼapateya siyaʼamo namiʼnigeʼna fai maiʼnova kava huʼa nagaeʼeʼmo fai maigae.