Yoni 17:2 - The Keyagana NT and 25 OT books

² Kagaemo muki ma mopafi vayaʼaiteʼmo yagaino apatesiyafeʼmo lekana paika ateʼnane. Apavaleka amiʼnana vayaʼmo afaʼa maige maige huʼa maisaya yaʼmo alino apamisiyafeʼmo himamuʼamo ago amiʼnane.

Yoni 17:2 ပူးပေါင်းရင်းမြစ်များ

Samu 110:1

Ala kava neʼmoʼa Ala kava neʼnieʼmo, lamaga nahaopaleʼmo faika maime maime neʼugeʼnao kame vayakamo aliʼna kaiya afeʼalumelaga apateno, huno ha paiʼniye.

Neniyo 7:14

Ani akeyaʼvilagamo neʼmaiya vekamoʼmo ani vekamo alino kini vekamo ateteno ha le konali yaʼe yagaino apatesiya himamuʼeʼmo amiʼniye. Muki vayanagi muki nofi vayaʼenagi muki alu apakemo alu apakemo neʼaiya vayanagi huʼa aiyafi maisageno yagaino apatesiyafeʼmo alino ateʼniye. Agaemo muki afinaʼmo yagaino apateno alagi yagaino apateno hano osugiye. Yagaino apatesiya kavaʼmo afaʼa aliʼa oʼatalegae.

Matiyu 11:27

Afoʼnimoʼmo aliʼyaʼamo alisuvafeʼmo muki yaʼamo namiʼniye. Muki vayaʼmogimo mafaʼneʼamo nageʼa alagepa osuʼnayaʼmonanafa Afoʼnimokeʼmo nageno alagepa huʼniye. Muki vayaʼmogimo afoʼnimoʼmo ageʼa alagepa osuʼnayaʼmonanafa nagaemo ageʼna alagepa huʼneʼna nahauʼnigeʼna ageʼneʼna aliʼna apave liʼnova vayaʼmogiʼeʼmo ageʼa alagepa huʼa agege huʼnone.

Matiyu 25:46

He, agaemo kayotetiʼmo apamagime apamagime uno apamagino hano osugiyaʼmonanafa fatago vayaʼmo alagepa huʼa maige maige huʼa maigae, huno hapa paiʼniye.

Matiyu 28:18

Yesuʼa apakaetegamo enoʼaeʼmo, muki himamuʼamo kokuʼnapinagi ma mopafi kavatenagi vayaʼaitenagi huʼna yagaisuva himamuʼamo ago namiʼniye.

Yoni 17:24

Afo, huʼna, nahauʼniyanagi apavaleka namiʼnana vayaʼnimo nagaetegamo eʼa maiʼneʼa namiʼnana ha le konali yaʼnimo agesayafeʼmo nahauʼniye. Ma mopamo alo osuʼnana afinaʼmo nagaefeʼmo kahau kayamopafiʼmo kahauʼniyaʼmofeʼmo ha le konali yaʼnimo namiʼnane.

Yoni 17:6

Nagaemo ma mopafi vayapatiʼmo apavaleka namiʼnana vayaʼmo kagikamo aepaʼamo aliʼna apave liʼnove. Ani vayaʼmo vayakamo maiʼnageka ago apavaleka namiʼnane. Apakaemo kagae gemo aliteʼa gekaleʼmo yagaiʼa ateʼneʼa akame huʼnae.

Yoni 17:9

Nagaemo nunumuʼmo huʼna neʼapatove. Nagaemo ma mopafi vayaʼaifeʼmo nunumuʼmo huʼna noʼapatofa apavaleka namiʼnana vayaʼmo vayakamo maiʼnayaʼmofeʼmo nunumuʼmo huʼna neʼapatove.

Yoni 3:35

Muki yaʼmo Afoʼamoʼmo mafaʼneʼaeʼmo hau ayamopafiʼmo hauʼnigenoʼaeʼmo muki yateʼe vayaʼaiteʼeʼmo yagaino apatesiya himamuʼamo amiʼniye.

Yoni 4:14

ina lagimo nagaemo apamisuva aniʼmo nesafigeno halate magoʼe huno anifeʼmo alagi ohapaugiye. Nagaemo aniʼmo apamisugeno apaipafatiʼmo meti anikana huno eno haineno afaʼa maisaya yaʼmo apamisigeʼa alagepa huʼa maige maige huʼa maigae, huno ha paiʼnigenoʼaeʼmo,

Yoni 6:27

Lapakaemo kasalisiya neʼyaʼmo alisayafekeʼmo aliʼyaʼmo oʼalitapa hanege hanege huno hanesiya neʼyaʼmo lapamisigetapa alagepa hutapa maige maige hutapa maisaya yaʼmo alisayafekeʼmo aliʼyaʼmo aliyo. Vemo Mafaʼnemoʼmo ani agufa neʼyaʼmo lapamigiye. Muki yaʼmo Afoʼamoʼmo Gotiʼa lekana paiʼna ateʼnove, huno alino apave lisiyafeʼmo himamuʼamo amiʼniye, huno hapa paiʼnigeʼapaeʼmo,

Yoni 6:37

Muki vayaʼamo muki yaʼmo Afoʼamoʼmo apavaleno neʼnamiya vayaʼamo nagaetegamo egae. Nagaetegamo eʼa maiʼnisaya vayaʼmo alagi aliʼna hapafaiʼna oʼapatalegauve.

Yoni 6:39

Muki yaʼmo Afoʼamoʼmo alino nateʼnigeʼna emiʼneʼnova vekamoʼa hauʼniyanageʼna muki apavaleno namiʼniya vayapatiʼmo magoke vekamo alagi afaʼa atalesugeno afela hesiyafeʼmo ohauʼniyanageʼna ma mopamo hano hisiya afinaʼmo muki vayaʼamo aliʼna he tiʼna apatesuvafekeʼmo hauʼniye.

Lomu 6:23

Na kavaʼmo nehagenoʼaene. Hosu kavaʼmo aliʼyaʼamo neʼaliya vayaʼai miyaʼapimo falisaya kavaʼmo haneʼniyaʼmonanafa Gotiʼa fikumo hapa maeno neʼapamiya kavaʼmo alagepa huʼa maige maige huʼa maisaya kavaʼmo haneʼniye. Agaemo Ala kava netimo Yesu Kalaisipiʼmo neʼmaiya vayaʼmo neʼapamiye.

1 Kolitiyani 15:25

Kalaisiʼa hemenimo yagaino apateme apateme neʼviyanageno muki kame vayaʼamo alino aiyafiʼmo apategaiye.

Filipai 2:10

Amiʼniyaʼmofeʼmo muki kokuʼnapi vayanagi ma mopafi vayanagi ma mopamo afeʼalumelaga vayanagi huʼa apaleʼya faiʼneʼapaeʼmo

1 Timoti 1:16

Maiʼnovaʼmonanafa Yesu Kalaisiʼa maige maige huʼa maisaya yaʼmo alisayafeʼmo apakesamo afiʼa fatago hisaya vayaʼmo hogoteno nagaemo nageno nataleʼniya kavaʼamo alino apave lisiyafeʼmo hau huno nateʼniye. Alino apave lisigeʼa ageteʼapaeʼmo, alagi hosu vekaleʼmo huʼniya agufa alagepa kavaʼmo lagaeteʼeʼmo afaʼa hugiye, huʼa apakesamo afisayafeʼmo hau huno nateʼniye.

Himulu 1:2

Hemenimo henaga afinaʼmo Mafaʼneʼaletiʼmo laha paiʼniye. Mafaʼneʼapimogimo afoʼapimogi muki yaʼapimo neʼaliya kava huno Mafaʼneʼamoʼmo muki yaʼamo alisiyafeʼmo ago lekana paino ateʼniye. Gotiʼa agaetetikeʼmo muki yaʼmo alo huʼniye.

1 Pita 3:22

Kalaisiʼa he tino kokuʼnapiʼmo uno haino Goti lamaga haopaleʼmo maiʼneno muki vayaʼaiteʼmo yagaino neʼapate. Gotiʼa enisole vayanagi yagaiʼa neʼapataya vayanagi lokiya apauneʼapameʼe vayanagi huno alino Kalaisi aiyafiʼmo apateʼnigeno yagaino neʼapate.

1 Yoni 1:2

Mani vekamo afaʼa neʼmaiya yaʼmo aepa vekamo afole aiʼnigeta agetetaeʼmo agaefeʼmo faigoko geʼamo aeta hakalo huta lapa nepaune. Agaemo maige maige huʼa neʼmaiya yaʼmo afoʼamoʼmo Goti muki yaʼmo Afoʼamoʼeʼmo magokepi lokaeno maiʼneno lagaetegamo afole aiʼniya vekaeʼmo ava gemo huta lapa nepaune.

1 Yoni 2:25

Kalaisiʼa lapa maegauve, huno hu maleʼniya polomasi gemoʼa hunoʼaeʼmo, maige maige hutapa maisaya yaʼmo lapamiguve, huno laha paiʼniye.

1 Yoni 5:20

Lagaemo ageʼnonana Goti Mafaʼneʼamo emineno lama ge Gotiʼa ageta alagepa hisunafeʼmo lagesamo afisuna yaʼmo lamiʼniye. Lagaemo lama ge vekafiʼmo maiʼnetaeʼmo Mafaʼneʼamo Yesu Kalaisipiʼmo maiʼnone. Ani vekamo lama ge Gotiʼa maiʼnenoʼaeʼmo alagepa huta maige maige huta maisuna yaʼmo afoʼamoʼmo maiʼniye.

Yuti 1:21

Lapakaefeʼmo Ala kava netimo Yesu Kalaisiʼa hau huno lapatesigetapaeʼmo maige maige hutapa maigayaʼmofeʼmo agava maiyo. Agava maiʼnetapaeʼmo Gotiʼa lapakaefeʼmo hau ayamopafiʼmo hauʼniya agufa kavategageʼmo maiyo.