Yoni 17:19 - The Keyagana NT and 25 OT books

¹⁹ Kagaemo lama gekaletiʼmo apavaleka apaote apatesanafeʼmo nagaemo aliʼyakamo alisuvafeʼmo aliʼna naote nateʼnove.

Yoni 17:19 ပူးပေါင်းရင်းမြစ်များ

Aiyeya 62:1

Gotiʼa hunoʼaeʼmo, Afaʼa oʼmaiʼna Saiyoni taonifiʼmo maiʼnaya vayaʼmo hapa maesuvafeʼmo ge huguve. Nagaemo maiʼna haga oleʼna aliʼyakeʼmo alime alime neʼugenoʼaeʼmo Yulusalemu taonifiʼmo maiʼnaya vayaʼai fatago kavaʼapimoʼmo aeno ha lege apakufamo aliʼna katina apatesuva kavaʼmoʼa lamugana huno aeno ha lege hugiye.

Yoni 10:36

Gotiʼa ani gemo ma mopafi vayaʼaifeʼmo huʼniyaʼmonanafa nagaemo huʼnaeʼmo, Goti mafaʼneʼamo maiʼnove, huʼna huʼnovaʼmofeʼmo muki yaʼmo Afoʼamoʼmo aote vekamo lekana paino ateʼnenoʼaeʼmo alino ateʼnigeno emineʼniya vekaeʼmo, Gotifeʼmo huka faipa huka neʼatane, hutapa nehafiye.

Yoni 15:13

Mago vekamoʼa ao vayaʼaifeʼmo hau ayamopafiʼmo hauʼninageno falino apatesaiyana ani agufa hau ayamopafiʼmo hauʼniya kavaʼamoʼmo muki vayaʼmogimo hapau apayamopafiʼmo hapauʼniya kavaʼapimoʼa ago aeno agaseʼniye.

Yoni 15:3

Nagaemo hatagauʼna aliʼna alagepa hugekana huʼna aliʼna lapaya maleʼnova geletiʼmo hosu kavatapimo sese huʼna lapateʼnogetapa yaveyave vayaʼmo maiʼnae.

Yoni 17:17

Lama gekaletiʼmo apavaleka apaote apato. Gekamo alagi lama geʼageʼmo haneʼniye.

Yoni 17:20

Nagaemo mani vayaʼaifekeʼmo nunumuʼmo huʼna noʼapatofa geʼapiletiʼmo nagaefeʼmo apakesamo afiʼa fatago hisaya vayaʼefeʼmo nunumu huʼna neʼapatove.

2 Kolitiyani 4:15

Lagaemo lapa maesunafeʼmo muki mani agufa kana yaʼmo alita neʼmaune. Gotiʼa asole vayaʼaina fikumo hapa maeno neʼapamiya kavaʼamo aino atagu faeno uneno hisigeʼa magoʼe magoʼe huʼa hao ke heteʼapaeʼmo Goti agiʼaleʼmo aliʼa asaga huʼa atesayafeʼmae.

2 Kolitiyani 7:14

Nagaemo Taitasifeʼmo lapakitapileʼmo aliʼna asaga huʼna lapateʼnova gelefeʼmo navagage nosiye. Lapa paiʼnona gemo lama gemo haneʼniya kava huno Taitasifeʼmo lapakitapileʼmo alita asaga huta lapateʼnona gemo afole yategamo afole aiʼnigeno lama gemo haneʼniye.

2 Kolitiyani 8:9

Ala kava netimo Yesu Kalaisiʼa fikumo lapa maeno lapamiʼniya kavafeʼmo ava gemo ago afiʼnae. Hogoteno yahauve vekamo maiʼniyaʼmonanafa lapakaemo yahauve vayaʼmo maisayafeʼmo kagemi yaʼamo oʼhaneʼniya vekamo hamaleʼniye.

Kolosi 1:6

Alagepa faigoko geʼamo lapakaeteʼmo eno afole aiʼniya gemoʼa ma mopafi muki haopalegaʼeʼmo eno afole aiteno neʼyaʼamo alino neʼate. Mani gemo Gotiʼa fikumo hapa maeno neʼapamiya gemo afitetapaeʼmo lama gemo haneʼniye, hutapa afiʼnaya afinatetiʼmo lapakaepatiʼeʼmo neʼyaʼmo alino neʼate.

1 Tesaloniyani 4:7

Ani kavatefeʼmo Gotiʼa kumai heʼa ugekana agufa kavaʼmo hisunafeʼmo keya aeno ge osuʼnifa laote alagepa kavaʼmo hisunafekeʼmo keya aeno ge huʼniye.

2 Timoti 2:10

Nagaemo lekana paino apateʼniya vayaʼmo Kalaisi Yesupiʼmo maiʼnisageno Gotiʼa apakufamo alino katino apatesigeʼapaeʼmo ha le konali yaʼamo aliteʼa maige maige huʼa maisayafeʼmo Goti aliʼyaʼamo oʼataleʼna neʼaliʼnaeʼmo muki alu kana ya alu kana yaʼmo neʼaluve.

Taitasi 2:14

Agaemo muki keʼaepa gemo amagita ataleʼnona kavategatiʼmo miya faino hatu maeno latetenoʼaeʼmo hosu kavatimo aeno kalo paeno lateʼnigeta agaiʼa vayaʼamo maiʼneta layamukiki huta alagepa kavaʼmo huta maisunafeʼmo agaiʼa agufaʼamo ofalinigana huno Gotina amiʼniye.

Himulu 10:29

Inagi mago vekamoʼmo Goti Mafaʼneʼaeʼmo, ina agufa vekamae, huteno agiʼaleʼmo alino afepi atege kotalake kolaʼamo alino aote maleʼniya kolaʼaeʼmo ina agufa kolane, huno agesamo afige fikumo hapa maeno neʼapamiya Aunemeʼaeʼmo huno faipa huno atege huʼnisiyana anonaʼalefeʼmo magoʼe huno lusi kayoʼmo apamigiye, huʼa apakesamo afigae.

Himulu 2:11

Yesuʼa apavaleno apaote apateʼniya vekamoʼe apavaleno apaote apateʼniya vayaʼaʼeʼmo magoke agufa yaʼmo aliʼnayaʼmofeʼmo naganaʼnimogitapae, huno hapa paisiyafeʼmo avagage nosiye.

Himulu 9:13

Mono huʼa neʼapataya vayaʼmogimo pulumakamo kolaʼmo alige mememo kolaʼmo alige aikeli pulumakamo amagiʼa atafiʼmo kaeʼnaya laʼnefamo alige huʼneʼa vayaʼai apakufaleʼmo aiʼa fuli fuli huʼa faleʼa apateteʼapaeʼmo mono hisayafeʼmo apakufaletiʼmo aeʼa kalo paeʼa apateʼnae.

Himulu 9:18

Ani kavaʼmo huno Gotiʼa atafa kotalakemo afaʼa fikumo osuʼnifa kotalakemo afole aisiyafekeʼmo kolatetiʼmo ani kavaʼmo huʼniye.

Himulu 9:26

Huʼniyaʼmonanafa Kalaisiʼa ani kavaʼmo osuʼnifa muki afinaʼae afinaʼaeʼmo ofalinimo amisiyafeʼmo kolaʼamo aliteno uno ohaiʼniye. Muki afinaʼae afinaʼaeʼmo agaiʼamo ofalini amisiyafeʼmo ma mopamo alo huʼniya afinatetiʼmo falite falite hume hume neʼeyesine. Huʼniyesinaʼmonanafa hemeni atupa afinaʼmo agaiʼa agufamo ofalini huteno hosu kavaʼapimo alagi alino atalesiyafeʼmo magoke afinaʼmo emineno vayaʼai apaulagaleʼmo afole aiʼniye.

1 Yoni 3:18

Aise mafaʼneʼnimogitapae, huʼna, lavayaʼaletikeʼmo geʼageʼmo hutaeʼmo, lahau layamopafiʼmo nelahaiye, huta osuta alagi lama ge huno lahau layamopafiʼmo lahauʼninageta alagepa kavaʼmo higetao.

1 Yoni 3:3

Muki vayaʼamogimo, ani kavaʼmo afole aigiye, huʼa huteʼa agava maiʼneʼa apamogaga neʼaiya vayaʼmo apakaiʼapimo sese huʼa neʼapatae. Agaemo yaveyaveʼage aipaʼe vekamo maiʼniyanageʼa agaekana huʼa maisayafeʼmae.