Yoni 17:17 - The Keyagana NT and 25 OT books

¹⁷ Lama gekaletiʼmo apavaleka apaote apato. Gekamo alagi lama geʼageʼmo haneʼniye.

Yoni 17:17 ပူးပေါင်းရင်းမြစ်များ

Samu 119:104

Namiʼnana keʼaepa gemoʼmo gemo aepaʼamo neʼafuva kavaʼmo alino namiʼniyaʼmofeʼmo muki aigofe gelefeʼmo naini huʼnove.

Samu 119:11

Kagaetegamo hosu kavaʼmo osisuvafeʼmo gekamo naipafiʼmo aliʼna fala ki maleʼnove.

Samu 119:144

Kavayafatiʼmo huʼnana keʼaepa gekamo fatago kavaʼamoʼmo alagi hanege hanege huno muki afinaʼaeʼmo hanegaiye. Kagaemo gemo aepaʼamo afisuva kavaʼmo namigeʼnao afaʼa maino.

Samu 119:160

Akeyaʼvilaga aepa faiʼnana afiʼnatetiʼmo haneʼniya gekamo alagi lama gemo haneʼniye. Muki gekamo alika fako nehana gekamoʼmo hanege hanege huno muki afinaʼaeʼmo hanegaiye.

Samu 119:9

Haiya kava huno neya vekamoʼmo nehiya kavaʼamo afaʼa aeno kalo paeno atalegaiye. Agaemo gekamo alagepa huno afisiya kavatetikeʼmo afaʼa aeno kalo paeno atalegaiye.

Samu 12:6

Ala kava neʼmo geʼamo alagi lama geʼageʼmo haneʼniye. Vayaʼmogimo siluva yafaʼmo atafiʼmo seveni afinaʼmo kaete kaete huʼnagenoʼaeʼmo muki oʼaniʼya faiʼniya yaʼamo leno kalo paeno ataleʼnigeno siluva yafaʼageʼmo afole neʼaiya kava huno Goti geʼamo alagi lama geʼageʼmo haneʼniye.

Luki 8:11

Aeʼna kalafefa gemo nehuva gemo aepaʼamo haneʼniyana avina yakana huno Goti geʼamo haneʼniye.

Luki 8:15

Mago avina yaʼmo alagepa mopafiʼmo asagauno aiʼniya avina yakana huʼa mago vayaʼmogi Goti geʼamo afiteʼapaeʼmo aliʼa lama ge apaipamo kanale apaipafiʼmo maleteʼapaeʼmo alagepa kateʼmo uge uge huʼa maiʼneʼapaeʼmo alagepa alagamo neʼae.

Yoni 15:3

Nagaemo hatagauʼna aliʼna alagepa hugekana huʼna aliʼna lapaya maleʼnova geletiʼmo hosu kavatapimo sese huʼna lapateʼnogetapa yaveyave vayaʼmo maiʼnae.

Yoni 17:19

Kagaemo lama gekaletiʼmo apavaleka apaote apatesanafeʼmo nagaemo aliʼyakamo alisuvafeʼmo aliʼna naote nateʼnove.

Yoni 8:32

Lama geʼamo afitapa aeto hisageno lama geʼaletiʼmo hatu maeno lapatesigetapa afa vayaʼmo maigae, huno hapa paiʼniye.

Yoni 8:40

Gotiʼa naha paiʼnigeʼna afiteʼnaeʼmo alagi lama gemo lapa nepauvaʼmonanafa lapakaemo namagisayafekeʼmo nehae. Emalehamuʼa ani agufa kavaʼmo osuʼniye.

Apa 15:9

Gotiʼa lagaetegamo mago alu kavaʼmo huge alu nofi vayaʼaitegamo mago alu kavaʼmo huge nosifa magoke aiyaya kavakeʼmo nehunoʼaeʼmo apakesamo afiʼa fatago nehaya kavatetikeʼmo apaipafatiʼmo aeno kalo paeno ataleʼniye.

2 Kolitiyani 3:18

Gotiʼa laugosafatiʼmo kenamo ago alino ataleʼnigeta alaveʼyofatiʼmo laugosamo neʼagona kava huta Ala kava neʼmo ha le konali yaʼamo neʼagonagenoʼaeʼmo Ala kava neʼmo Aunemeʼamoʼmo alino hamaleno nelategetaeʼmo ha le konali yaʼamo alime alime uta Ala kava nekana huta hamaleme hamaleme neʼune.

Efasasi 4:21

Kalaisiʼa alino lapaya maleʼnigetapa afiʼnisayana lama gemo afoʼamoʼmo geʼamo afiʼnae.

Efasasi 5:26

Agaemo siosi vayaʼamo alino apaote apateʼneno Goti geʼaletiʼmo aniʼmo falegekana huno faleno apatesiyafeʼmo siosi vayaʼalefeʼmo falino apateʼniye.

2 Tesaloniyani 2:13

Ala kava neʼmoʼa hau ayamopafiʼmo hauʼniya konagatimogitapae, huta, Gotiʼa aepa faiʼniya afinatetiʼmo lekana paino lapateʼniye. Aunemeʼamoʼmo alino lapaote lapatesigetapa lama geʼaeʼmo lapakesamo afita fatago hisageno Gotiʼa lapakufamo alino katino lapatesiyafeʼmo lekana paino lapateʼniyaʼmofeʼmo muki afinaʼmo Gotifeʼmo hao ke heta lapatesuna kavaʼmo haneʼniye.

Yemisi 1:21

Inagi muki hosu oʼaniʼya kavaʼmo lapaipafiʼmo havai teʼniya kavaʼmo alita ataletetapa Goti aiyafiʼmo ape huta maiʼnetapa lapaipafiʼmo faiʼniya geʼamo aliyo. Ani gemokeʼmo lapakufamo afaʼa alino katino lapategaiye.