Yoni 16:8 - The Keyagana NT and 25 OT books

⁸ Emiʼnenoʼaeʼmo ma mopafi vayaʼai hosu kavaʼapigi fatago kavaʼnigi agoti huʼna apatesuva kavaʼnigi huno alino apave lisigeʼa agegae.

Yoni 16:8 ပူးပေါင်းရင်းမြစ်များ

Yoni 16:7

lama gemo lapa nepauve, huno, lapa maesugetapa magoʼe huta alagepa hutapa maisayafeʼmo lapataleʼna uʼna haiguve. Lapataleʼna ohaisuvana lapa maesiya vekamo aliʼna atesugeno lapakaetegamo emi noʼmegaiyaʼmonanafa lapataleʼna uʼna haisuvaʼmoʼmo lapa maesiya vekamo aliʼna atesugeno eminegaiye.

Yoni 16:9

Nagaefeʼmo apakesamo afiʼa fatago nosayaʼmofeʼmo hosu kavaʼapimo alino apave lisigeʼa agegae.

Yoni 8:46

Lapakaepatiʼmo haiya vekamoʼa hosu kavaʼnimo alino nave ligiye. Lama gemo nehisuvana na kava higetapaeʼmo alagi lama gemo nehiye, hutapa nosae.

Yoni 8:9

Ani gemo afiʼnagenoʼaeʼmo yuʼilaga vekaʼapimoʼa hosu kavaʼapimo alino apave liʼnigeʼapaeʼmo muki vayaʼamo ataleʼa ute ute huʼnae. Hogoteʼa asole kafugamo maiʼnaya vayaʼmo utageʼapaeʼmo henagaʼamo aise kafugamo maiʼnaya vayaʼmo magoke magoke vayaʼmo ute ute huʼa uʼnae. Ataleʼa utageno Yesuʼa agaiʼageʼmo maiʼnigeno ani a kanomo he tino maiʼniye.

Apa 2:37

Ani gemo afiʼnagenoʼaeʼmo apaipafiʼmo aeʼnigeʼa Pitaʼe muki apa vayaʼefeʼmo huʼapaeʼmo, Vayatimogitapae, huʼa, haiya kavaʼmo hisune, huʼa ge huʼa apafi geʼnae.

1 Kolitiyani 14:24

Hugayaʼmonanafa alita anupa huta maiʼnetapaeʼmo mago vayaʼamogitapamo Gotitegati gemo alita aeta hakalo hutapa hapa nepaisagenoʼaeʼmo mago agesa afino fatago osuʼnisiya vekamoʼmofi saufamo agesa afino fatago hugefeʼmo nehisiya vekamoʼmofi huno eno neʼafisigenoʼaeʼmo Goti geʼamoʼmo aipafiʼmo kevegana huno haeteno agoti huno atesigenoʼaeʼmo hosu kavaʼamo agegaiye.

Yuti 1:15

Muki vayaʼmo agoti huno apateteno agaefeʼmo mono nosaya vayaʼai apaipafatiʼmo mono nosaya hosu kavaʼapimo alino apave liteno mono nosaya vayaʼmogi lokiya geʼapimo kame huʼa ateʼnaya geʼapimo alino apave lisigeʼapaeʼmo hosu kavaʼmo huʼnone, huʼa hisayafeʼmo eminegaiye.