Yoni 16:7 - The Keyagana NT and 25 OT books

⁷ lama gemo lapa nepauve, huno, lapa maesugetapa magoʼe huta alagepa hutapa maisayafeʼmo lapataleʼna uʼna haiguve. Lapataleʼna ohaisuvana lapa maesiya vekamo aliʼna atesugeno lapakaetegamo emi noʼmegaiyaʼmonanafa lapataleʼna uʼna haisuvaʼmoʼmo lapa maesiya vekamo aliʼna atesugeno eminegaiye.

Yoni 16:7 ပူးပေါင်းရင်းမြစ်များ

Samu 68:18

O Ala kava nene, huʼna, Kagaemo muga anagamo uka haiʼnane. Kagaemo apatafauka kalavusi huka apateʼnana vayaʼmo apavalelika uka haiʼnane. Gotiʼa ma mopafi vayaʼaina apamisanafeʼmo fikumo kamiʼniye. Gekamo oʼafiʼnaya vayaʼeʼmo alisayafeʼmo kamiʼniye. Gotiʼmo Ala kava neʼmoʼa apakaeʼeʼmo magokepiʼmo lokaeno maisiyafeʼmae.

Luki 24:49

Afiyo, huno, Afoʼnimoʼmo polomasi gemo hunoʼaeʼmo, Nauneʼnameʼmo aliʼna lapamiguve, huno lapa paiʼniyanageʼna Goti Aunemeʼamo aliʼna atesugeno emineno lapakaeʼeʼmo maigiye. Emiʼnegaiyaʼmonanafa hogoteta uta Yulusalemu taonifikeʼmo agava maime maime neʼvigenoʼao Goti Aunemeʼamoʼmo emineno lokiya vaino lapategaiye, huno hapa paiʼniye.

Luki 4:25

Geʼnimo afiyo. Ilaiyaʼa maiʼniya afinaʼmo loleʼe magoʼe kafugaʼe sigisiʼa kai leʼeʼmo ko oʼaiʼnigeʼapaeʼmo muki haopalegamo neʼyafeʼmo kafu huʼnaya afinaʼmo afole aiʼniye. Ani afinaʼmo muki kogu aʼne anagaʼmo Isaleli kotegamo maiʼnayaʼmonanafa

Luki 9:27

Lama gemo lapa nepauve, huno, Manile he tiʼa maiʼnaya vayapatiʼmo mago vayaʼmo ofaliʼa afaʼa maiʼneʼapaeʼmo Gotiʼa yagaino apatesiya kavaʼmo afole aisigeʼa agegae, huno hapa paiʼniye.

Yoni 14:26

Hemenimo lapa nepauvaʼmonanafa muki yaʼmo Afoʼamoʼmo aote Aunemeʼamoʼmo lapa maesiya vekamo nagiʼniletiʼmo alino atesigeno lapakaetegamo emineno muki geʼamo alino lapaya maleteno lapaipa lapakesamo alino he tino lapatesigetapa lapa nepauva geeʼmo lapakesa afita ho hugae.

Yoni 14:28

Nagaemo huʼnaeʼmo, lapataleʼna haiteʼnaeʼmo halate emiʼnegauve, huʼna lapa paiʼnogetapa ago afiʼnae. Nagaefeʼmo lapau lapayamopafiʼmo lapauʼniyesinana Afoʼnimoʼmo ago aeno nagaseʼniya vekalegamo uʼna haisuvafeʼmo lapamogaga neʼaiyesine.

Yoni 14:3

Haiʼna notapimo alo huʼna lapateteʼnaeʼmo nagaegiʼeʼmo magokepi uta haita lokaeta maisunafeʼmo emiʼneʼna lapavalesugeta uta haigune.

Yoni 15:26

Nagaemo lapa maesiya vekamo alagi lama gemo aepa Aunemeʼamo Afoʼnimotegatiʼmo aliʼna atesugeno emineno nagaefeʼmo faigoko geʼnimo hugiye.

Yoni 16:8

Emiʼnenoʼaeʼmo ma mopafi vayaʼai hosu kavaʼapigi fatago kavaʼnigi agoti huʼna apatesuva kavaʼnigi huno alino apave lisigeʼa agegae.

Yoni 7:39

Yesuʼa Goti Aunemeʼamo agaefeʼmo apakesamo afiʼa fatago nehaya vayaʼmogi alisaya Aunemeʼaeʼmo ava gemo huno hapa paiʼniye. Ani afinaʼmo Yesuʼa he tino kokuʼnapiʼmo uno haino ha le konali yaʼamo oʼaliʼniyaʼmofeʼmo Goti Aunemeʼamo emi noʼmeʼniya afinaʼmae.

Apa 10:34

Pitaʼa aepa faino hapa painoʼaeʼmo, Hemenimo ago afiʼnovana Gotiʼa amega apakufaleʼmo apaketeno hapa noʼmaefa muki haopalega maiʼnaya vayaʼaitegamo magoke agufa kavaʼmo huno hapa neʼmae, huʼna ago afiʼnove.

Apa 2:33

Gotiʼa ago alino he tino ateteno kokuʼnapiʼmo avalelino uno haino lamaga haopaleʼmo ateʼnigeno maiʼniye. Muki yaʼmo Afoʼamoʼmo hogoteno, kamiguve, huno ha paiʼniya Aunemeʼamo ago amiʼnigeno Yesuʼa Goti Aunemeʼamo aniʼmo lakigekana huno alino ateʼnigeno emineʼnigetapaeʼmo hemenimo lapakaemo ani afole aiʼniya kavaʼmo ago agetetapa afiʼnae.

Lomu 8:28

Muki alu kava alu kavaʼmo afole neʼaiya kavaʼmoʼa Gotifeʼmo hapau apayamopafiʼmo nehapaiya vayaʼaifeʼmo Gotiʼa huguve, huno hu maleʼniya geʼaletiʼmo keya aeno ge huʼniya vayaʼmo alagepa huʼa maisayafeʼmo muki alu kavatetiʼe alu kavatetiʼeʼmo alino magokepi lokaeno aliʼyaʼmo neʼaliye.

2 Kolitiyani 4:17

Aise hanageke yaʼmo aise afinaʼmo neʼaluna kavaʼmoʼa alino alo huno nelateyanageta anonaʼaleʼmo lusi kava huno aeno agaseʼniya ha le konali yatimo hanege hanege huno hanesiya ha le konali yatimo aligune.