Yoni 16:22 - The Keyagana NT and 25 OT books

²² Ani kava hutapa hemenimo yulagefa neʼaiyaʼmonanafa halate eʼna lapakesugetapaeʼmo lapaipafiʼmo lapamogaga aigae. Mago vekamoʼmo ani lapamogaga aisaya kavatapimo afaʼa alino oʼatalegaiye.

Yoni 16:22 ပူးပေါင်းရင်းမြစ်များ

Samu 146:2

Nagaemo ma mopafiʼmo muki maisuva afinaʼmo agiʼaleʼmo aliʼna asaga huguve. Nagaemo muki afinaʼmo afaʼa maiʼneʼnaeʼmo Gotiʼnimo agiʼaleʼmo aliʼna asaga huguve.

Aiyeya 25:9

Ani kavaʼmo afole aisiya afinaʼmo vayaʼamogimo huʼapaeʼmo, Ageyo, huʼa, Gotitimoʼmae. Lagaemo agava maiʼnonanageno lagufamo alino katino lategaiye. Agaemo Ala kava neʼmo maiʼnigeta agava maiʼnone. Lagufamo alino katino latesigetaeʼmo lamogaga lamagaga aigune.

Matiyu 28:8

Inagi kanolulegatiʼmo malage huʼana ataleʼana koli nehuʼanaeʼmo anamogaga aime aime neʼuʼanaeʼmo geʼamo neʼafiya vayaʼaifeʼmo hapa paisaʼafeʼmo nagu nagu huʼana uʼnaʼae.

Luki 10:42

Maliyaʼa ani alagepa yafekeʼmo agesamo afiteno ago lekana paino aliʼniyaʼmofeʼmo mago vekamoʼmo ayapatiʼmo alino hafaleno oʼatalegaiye, huno ha paiʼniye.

Luki 16:25

Emalehamuʼa hunoʼaeʼmo, naginago mafaʼneo, huno, kagesamo afika ho huvo. Kagaemo ma mopafi maiʼnekaeʼmo muki afinaʼmo alagepa yaʼageʼmo alika maiʼnanageno Layosiʼa hosu yaʼageʼmo alino maiʼniyaʼmonanafa hemenimo alagepa huno maiʼnigekaeʼmo kagaemo lusi kava huno kagafu nekiye.

Luki 19:26

lapa nepauve, huno, aliʼnisaya vayaʼmo magoʼe huʼna apamiguve. Oʼaliʼnisaya vayaʼmogi apayapatiʼmo hapa falegauve, huno hapa paitenoʼaeʼmo,

Luki 24:41

ageteʼapaeʼmo lusi kava huʼa apamogaga aiʼnayaʼmonanafa apakesamo afiʼa fatago osuʼnafa lole apakesamo afiʼnae. Agaemo hunoʼaeʼmo, mago neʼyaʼmo manile haneʼnifiye, huno ge huno apafi geʼnigeʼapaeʼmo

Yoni 14:1

Yesuʼa hunoʼaeʼmo, Lahapausoli osuge lapaipamoʼmo atete osuge hino. Gotifeʼmo lapakesamo afita fatago huge nagaefeʼmo lapakesa afita fatago huge nehayaʼmofeʼmo oʼataletapa magoʼe hutapa lapakesa afita fatago hiyo.

Yoni 14:19

Aise afinaʼmo utesigeʼapaeʼmo ma mopafi vayaʼmogimo halate oʼnagegayaʼmonanafa lapakaemo halate nagegae. Maige maige huʼna neʼmauva vekamo maiʼnovaʼmofeʼmo lapakaemo ani kava hutapa afaʼa maigae.

Yoni 14:27

Naipamoʼmo falu huʼnigeʼna maiʼnova kava hutapa lapaipamoʼmo falu huʼnisigetapa maisayafeʼmo nelapamuve. Ma mopafi vayaʼmogi neʼapamiya kava huʼna nolapamuve. Lapausoli hutetapa lapaipamoʼmo atete huʼnisigetapa koli osiyo.

Yoni 16:16

Aise afinaʼmo utesigetapa oʼnagegayaʼmonanafa halate magoʼe huno aise afinaʼmo utesigetapa nagegae, huno hapa paiʼniye.

Yoni 16:20

Alagi lama gemo lapa nepauve, huʼna, lapakaemo aviʼyaʼmo hugayaʼmonanafa ma mopafi vayaʼmogimo apamogaga aigae. Yulagefa aitetapaeʼmo halate aitapa afe letapa lapamogaga aigae.

Yoni 16:6

Mani gemo lapa nepauvaʼmofeʼmo lapaipamoʼmo lusi kava huno kana huʼniya kavaʼmo lapaipafiʼmo havai teʼniyaʼmonanafa

Yoni 21:7

Yesuʼa agaefeʼmo hauʼniya vekamo geʼamo neʼafiya vekamoʼa Pitafeʼmo hunoʼaeʼmo, ani vekamo Ala kava neʼmae, huno ha paiʼnigeno Pitaʼa ani gemo afitenoʼaeʼmo aliʼyaʼmo alisiyafeʼmo kukenaʼamo asagino maleʼniyatetiʼmo alino vaiteno anipiʼmo asagauno aiʼniye.

Yoni 4:14

ina lagimo nagaemo apamisuva aniʼmo nesafigeno halate magoʼe huno anifeʼmo alagi ohapaugiye. Nagaemo aniʼmo apamisugeno apaipafatiʼmo meti anikana huno eno haineno afaʼa maisaya yaʼmo apamisigeʼa alagepa huʼa maige maige huʼa maigae, huno ha paiʼnigenoʼaeʼmo,

Apa 13:52

Uʼnaʼageʼapaeʼmo Goti geʼamo neʼafiya vayaʼmogimo lusi kava huʼa apamogaga aiʼnagenoʼaeʼmo Goti Aunemeʼamoʼmo apaipafiʼmo haino havai teʼniye.

Apa 16:25

Haniʼilaga folaguʼmo Poloʼe Sailasiʼeʼmo nunumuʼmo huge mono yokemo huge huʼnaʼageʼapaeʼmo kalavusi huʼa apateʼnaya vayaʼmogimo afiʼa maiʼnae.

Apa 2:46

Muki afinaʼae afinaʼaeʼmo magoke apaipa apakesamo aliʼa maiʼneʼa Yu vayaʼai alopa mono nopiʼmo uʼa haiʼa aliʼa anupa huʼa maige apaote apaote huʼa noʼapifiʼmo Yesu kaveʼmo nege magokepiʼmo lokaeʼa maiʼneʼa nege huʼa maiʼnae. Neʼyaʼmo neʼneʼapaeʼmo apamogaga aiteʼa yagu yaga apaipamo kaliʼa maiʼneʼa

Apa 5:41

Apa vayaʼmo kanisole vayaʼai nopatiʼmo ataleʼa kumatega uʼa nelamiʼapaeʼmo, Vae, huʼa, Gotiʼa lagaefeʼmo hunoʼaeʼmo, Yesu agiʼalefeʼmo apavagage hisaya yaʼmo afaʼa alisaya agufa kavaʼmo huʼa maiʼnae, huno agesa afiʼniye, huʼa huteʼa lusi kava huʼa apamogaga aiʼnae.

2 Kolitiyani 6:10

Laipamoʼmo kana nehiyaʼmonanafa muki afinaʼmo lamogaga neʼaune. Kagemi yatimo ohaneʼniya vayaʼmo maiʼnonaʼmonanafa alopa kagemi yaʼmo apamiʼnonageʼapaeʼmo alopa kagemi yaʼapimo haneʼniya vayaʼmo nehamalae. Ma mopafi yaʼmo oʼaliʼnonaʼmonanafa muki yaʼamo aliʼnone.

2 Tesaloniyani 2:16

Afotimo Gotiʼa lagaefeʼmo hau ayamopafiʼmo hauʼnigeno muki afinaʼmo lokiya vaita maiʼneta lavayagunagu huta agava maisunafeʼmo fikumo laha maeno lamiʼniye. Agaeʼe Ala kava netimo Yesu Kalaisiʼeʼmo muki alagepa gemo huge muki alagepa kavaʼmo huge hutapa maisayafeʼmo lapa maeʼana lapaipamo aliʼana lokiya vaiʼana lapatesaʼagetapa maiyo.

Himulu 10:34

Nagaemo kalavusifiʼmo maiʼnogetapaeʼmo lapau hutapa nateʼnae. Kagemi yatapimo kumayaʼmo aliʼnagetapaeʼmo kanalene, hutapa huʼnae. Hogote kagemi yatimo kokuʼnapiʼmo okasalisiya kagemi yatimo haneʼniye, hutapa lapaipafiʼmo lapakesamo afiʼnayaʼmofeʼmae.

Himulu 6:18

Ani lole gemo haneʼniyana polomasi geʼe agiʼaletiʼmo alagi lama gemo huʼniya geʼeʼmo huʼniyanageno agaemo alu gemo afaʼa osugiye. Ani geletiʼmo lagaemo laune heta uta fala kita neʼmauna vayaʼmogita laulagaleʼmo alino afole aino ateʼniya yateʼmo agava maiʼneta lavayagunagu hisuna kavateʼmo alagi atafaisunafeʼmo alino he tino lateʼniye.

1 Pita 1:8

Yesu Kalaisiʼmo lapaulagafatiʼmo oʼageʼnayaʼmonanafa agaefeʼmo lapau lapayamopafiʼmo nelapaiye. Hemenimo oʼageʼnayaʼmonanafa agaefeʼmo lapakesamo afita fatago hutetapa lusi kava hutapa lapamogaga neʼaiye. Lapaipafiʼmo lapamogaga neʼaiyaʼmonanafa lapavayafatiʼmo ge hisayafeʼmo lapavayamoʼmo kana nehiye. Lapamogaga neʼaiya kavaʼmoʼa muki ma mopafi yafeʼmo apamogaga neʼaiya kavaʼmo aeno agaseʼniye.