Yoni 16:20 - The Keyagana NT and 25 OT books

²⁰ Alagi lama gemo lapa nepauve, huʼna, lapakaemo aviʼyaʼmo hugayaʼmonanafa ma mopafi vayaʼmogimo apamogaga aigae. Yulagefa aitetapaeʼmo halate aitapa afe letapa lapamogaga aigae.

Yoni 16:20 ပူးပေါင်းရင်းမြစ်များ

Samu 30:11

Kagaemo naipafatiʼmo kana huʼniya kavaʼmo alika ataleteka namogaga aisuva kavaʼmo namiʼnane. Kogu kukenamo asagika ataleteka namogaga aisuva kukenamo vaika nateʼnane.

Samu 30:5

Agaemo aise aise afinaʼmo aipamo neleyaʼmonanafa fikumo hapa maeno neʼapamiya vayaʼmogi maige maige huʼa maigae. Lagaemo haniʼilagamo aviʼyaʼmo hugunaʼmonanafa neteʼmo lamogaga aigune.

Samu 97:11

Gotiʼa fatago vayaʼmogi ha le yaʼmo alisayafeʼmo ha le yaʼmo avina yaʼmo nefaiye. Agaemo fatago vayaʼamogi apamogaga aisayafeʼmo apamogaga aisaya avina yaʼmo nefaiye.

Aiyeya 12:1

Ani afinaʼmo Goti vayaʼamogi huʼapaeʼmo, O Ala kava nene, huʼa, kaipamo leka lateʼnanaʼmonanafa kaipamo leka nateʼnana kavakamo hano huʼnigekaeʼmo naipamo alika falu huʼnane.

Aiyeya 61:3

Saiyoni taonifiʼmo maiʼnaya vayaʼmogi yulagefa neʼaiya vayaʼmo apaipamo aliʼna falu huʼna apatege apakenopafatiʼmo laʼnefamo aliʼna ataleteʼna kanale konalimo aliʼna apatege aviʼyaʼmo nehaya kavaʼapimo aliʼna ataleteʼna apamogaga aisaya uvelimo apakufaleʼmo faleʼna apatege apaipamo kana huʼniya kavaʼapimo aliʼna ataleteʼna yokemo hisayafeʼmo aliʼna lokiya vaiʼna apatege hisuvafeʼmo alino nateʼnigeʼna eʼnove. Vayaʼmogimo ani vayaʼaifeʼmo huʼapaeʼmo, Apakaemo fatago kavatefeʼmo alagepa alagamo neʼaeya yosagana huʼa maiʼnae. Ala kava neʼmoʼa fai maleʼniye, huʼa huteʼa agiʼaleʼmo aliʼa asaga huʼa ategae.

Aiyeya 66:5

Aiyeyaʼa hunoʼaeʼmo, Ala kava neʼmo geʼamo afitetapaeʼmo atete nehaya vayane, huʼna, Ala kava neʼmo geʼamo afiyo. Lapakaemo nagiʼnilefeʼmo geʼnimo akame nehayaʼmofeʼmo lapakaefeʼmo apaini nehaya vayatapimogimo lahapafaiʼa lapataleteʼapaeʼmo, Lapakaemo afaʼa lataletapa vigenoʼao Ala kava neʼmoʼa ala agiʼamo alino, huʼa nehayaʼmonanafa lapakaemo agaemo lahapa maesiyafeʼmo agetetapaeʼmo lapamogaga aisageno apavagage hugiye.

Matiyu 21:38

Eʼnigeʼa hoyaʼaleʼmo yagaiʼnaya vayaʼmogi ageteʼapaeʼmo, ani mafaʼneʼamoʼmo afoʼamo hoyamo aligiye. Amagisunageno falitesigeta agaemo alisiya hoyamo lagaemo aligune, huʼa huteʼa

Matiyu 5:4

Gotiʼa yulagefa neʼaiya vayaʼai apaipamo alino falu huno apategaiyaʼmofeʼmo Goti aulena vayaʼamo maiʼnae.

Maki 14:72

Hapa nepaigenoʼaeʼmo kokolemoʼmo lole afinaʼmo age aiʼnigenoʼaeʼmo Yesuʼa Pitafeʼmo hogoteno ha painoʼaeʼmo kokolemoʼmo lole afinaʼmo age oʼaiʼnisigekaeʼmo nagaefeʼmo loleʼe magoʼe afinaʼmo oʼageʼnova vekae, huka hugane, huno ha paiʼniya geeʼmo agesa afino ho huteno aviʼyaʼmo huʼniye.

Maki 16:10

Ageteno uʼniyana agaeʼeʼmo magokepi lokaeʼa neʼmaiya vayaʼmogimo yulagefa aige aviʼyaʼmo huge huʼa maiʼnageno uno hapa paiʼniye.

Luki 22:45

He tino eno geʼamo neʼafiya vayaʼmo apakeyana apaipamoʼmo kana huʼniyaʼmofeʼmo apau kaleʼa maiʼnageno apakeʼniye.

Luki 22:62

malaga uno lamino aipafatiʼmo atu haegekana huʼnigeno aviʼyaʼmo huʼniye.

Luki 23:27

Asole vayaʼmo akame huʼa uʼnageʼapaeʼmo aʼne anagaʼmogimo yulagefa aige aviʼyaʼmo huge huliʼa akame huʼa uʼnae.

Luki 24:17

Yesuʼa hunoʼaeʼmo, na agufa kavafeʼmo ge huge afige hume hume neʼvaʼae, huno ge huno anafi geʼnigeʼanaeʼmo anileʼmo he tiʼana maiʼneʼanaeʼmo anaipamoʼmo kana huge hosu anaugosamo kalige huʼnaʼae.

Luki 24:21

Lagaemo alita amufa amitaeʼmo, ani vekamoʼmo Isaleli vayaʼmogita hatu maeno lategaiye, huta lagesamo afitetaeʼmo laipafatiʼmo lamogaga aiʼniye. Ani kavaʼmo ago afole aiʼnigeno loleʼe magoʼe afinaʼmo uʼniye.

Luki 6:21

Hemenimo lapaka netesiya vayaʼmogitapamo henagaʼamo lusi kava hutapa neʼyaʼmo neta lapamu hugayaʼmofeʼmo Goti aulena vayaʼamo maiʼnae. Hemenimo aviʼyaʼmo nehaya vayaʼmogitapamo henagaʼamo kigi hugayaʼmofeʼmo Goti aulena vayaʼamo maiʼnae.

Yoni 16:33

Lapakaemo nagaepiʼmo maiʼnetapaeʼmo lapaipamoʼmo falu hisiyafeʼmo mani gemo lapa nepauve. Ma mopafiʼmo maiʼnetapaeʼmo hanageke yaʼmo alitapa maigayaʼmonanafa nagaemo kame huʼna ma mopafi kavaʼmo ago aeʼna agaseʼnovaʼmofeʼmo lapakaemo lokiya vaita maiyo, huno hapa paiʼniye.

Yoni 16:6

Mani gemo lapa nepauvaʼmofeʼmo lapaipamoʼmo lusi kava huno kana huʼniya kavaʼmo lapaipafiʼmo havai teʼniyaʼmonanafa

Yoni 20:20

aya agusalaʼmo alino ataleno apave liteno haopamo alino apave liʼniye. Ageteʼapaeʼmo geʼamo neʼafiya vayaʼmogi apamogaga aiʼnae.

Apa 5:41

Apa vayaʼmo kanisole vayaʼai nopatiʼmo ataleʼa kumatega uʼa nelamiʼapaeʼmo, Vae, huʼa, Gotiʼa lagaefeʼmo hunoʼaeʼmo, Yesu agiʼalefeʼmo apavagage hisaya yaʼmo afaʼa alisaya agufa kavaʼmo huʼa maiʼnae, huno agesa afiʼniye, huʼa huteʼa lusi kava huʼa apamogaga aiʼnae.

Lomu 5:11

Mani alagepa kavaʼageʼmo lagaetegamo afole oʼaigifa hemeniʼeʼmo Ala kava netimo Yesu Kalaisitetiʼmo Gotifeʼmo amuse huta ateteta lamogaga neʼaune. Gotiʼa agaetetiʼmo ago alino ao yaʼmo hu maleʼniyaʼmofeʼmae.

2 Kolitiyani 6:10

Laipamoʼmo kana nehiyaʼmonanafa muki afinaʼmo lamogaga neʼaune. Kagemi yatimo ohaneʼniya vayaʼmo maiʼnonaʼmonanafa alopa kagemi yaʼmo apamiʼnonageʼapaeʼmo alopa kagemi yaʼapimo haneʼniya vayaʼmo nehamalae. Ma mopafi yaʼmo oʼaliʼnonaʼmonanafa muki yaʼamo aliʼnone.

Galesiya 5:22

Mani hosu kavaʼmo haneʼniyaʼmonanafa Goti Aunemeʼamoʼmo apaipafiʼmo alagagana huno alagepa kavaʼmo alino afole aino neʼate. Ani alagepa kavaʼmo haneʼniyana hapau apayamopafiʼmo hapauge apamogaga aige magoke apaipa apakesamo alige hosu kavaʼmo halate aeʼa atagaina huʼa osuʼa afaʼa maige yuna apaipa kaliteʼa hapa maege muki afinaʼmo oʼataleʼa alagepa kavaʼmo huge

1 Tesaloniyani 1:6

Goti geʼamo alagepa hutapa afitetapa lusi kava hutapa kana yaʼmo aliʼnageno Goti Aunemeʼamoʼmo lapa maeʼnigetapa lapamogaga neʼaitapaeʼmo lakame huge Ala kava neʼmo akame huge huʼnae.

Yemisi 1:2

Konagaʼnimogitapae, huʼna, lapakaemo asole hanageke kavapiʼmo asagautapa aiʼnisayaʼmoʼmo lapamalageka nehisigetapaeʼmo lusi kava huta lamogaga aisuna agufa kavaʼmo afole aiʼniye, hutapa lapakesamo afiyo.

Yuti 1:24

Laha neʼmaeya Gotiʼa agaiʼageʼmo ageteno afiʼniya vekamo agiʼaleʼmo alita asaga huta ategetao. Agaemo alagi asagauta oʼaisayafeʼmo lapatafauno maigiye. Ha le konali vekamo aulagaleʼmo afaʼa lapavalelino esigenoʼaeʼmo vaiʼmo olapamisigetapa lusi kava hutapa lapamogaga aita maigae.

Leveleseni 11:10

Muki ma mopafi vayaʼmo lole vekalaʼmoganimo apakafu yaʼmo aliʼana apamiʼnaʼa vekalaʼmo faliʼnaʼaʼmofeʼmo amuse huʼapaeʼmo apamogaga aiteʼa mago yaʼmo fikumo hapa maeʼa apamiʼnageʼapaeʼmo aliʼa apamiʼnae.

Leveleseni 18:7

Agaemo konali yafeʼmo haʼye huʼnigeno aliʼniya yatefeʼmo agafu kisigeno kage kage hisiyafeʼmo amiyo. Agaiʼaeʼmo hunoʼaeʼmo, Muki vayaʼaiteʼmo yagaiʼna neʼapatova a kanomo maiʼnove. Kogu aʼmo oʼmaiʼnove. Afaʼa yulagefa oʼaiʼna alagepa huʼna maige maige huʼna maiguve, huno nehiyaʼmofeʼmo