Yoni 16:17 - The Keyagana NT and 25 OT books

¹⁷ Geʼamo neʼafiya vayapatiʼmo magoʼamogimo ani gemo afiteʼapaeʼmo, aise afinaʼmo utesigetapa oʼnagegayaʼmonanafa halate magoʼe huno aise afinaʼmo utesigetapa nagegae, huno laha paige Afoʼnimotega uʼna haiguvaʼmofeʼmae, huno laha paige huʼniya gemo aepaʼamo na agufa gemo huʼniye.

Yoni 16:17 ပူးပေါင်းရင်းမြစ်များ

Maki 9:10

Ani gemo afiteʼapaeʼmo mago vayaʼaifeʼmo ava ge huʼa hapa opaiʼa apakaiʼapigeʼmo kanolufatiʼmo he tisiya kavafekeʼmo ge huge afige huʼa maiʼnae.

Maki 9:32

Apakaemo alino apaya maleʼniya gemo aepaʼamo alagepa huʼa afiʼa aeto osuʼapaeʼmo loka huʼa afi gesayafeʼmo koli huʼnae.

Luki 18:34

afiʼa aeto osuʼnae. Ani gemo aepaʼamo afiʼa aeto osisaya agufa gemo fala kiʼniya gemo haneʼniyaʼmofeʼmo alagepa huʼa oʼafiʼnae.

Luki 9:45

Afiʼa aeto osisayafeʼmo gemo huno fala kino huʼnigeʼapaeʼmo loka huʼa ge huʼa afi gesayafeʼmo huʼnayana koli huteʼa ge huʼa afi okeʼnae.

Yoni 12:16

Ani afinaʼmo geʼamo neʼafiya vayaʼmogi ani kavaʼmo aepaʼamo ageʼa aeto osuʼnayaʼmonanafa Yesuʼa faliʼniyatetiʼmo alino he tino ateʼnigeno kokuʼnapiʼmo uno haino maiʼnigeʼapaekeʼmo Yesufeʼmo ava gemo huno avoʼmo kae maleʼniya ava geeʼmo apakesamo aino halo aiʼnigeʼapaeʼmo, he, ani kavaʼmo Yesutegamo ago afole aiʼniye, huʼa apakesa afiʼa ho huʼnae.

Yoni 14:22

Yutasiʼa Isakaliyoti kotega vekamo hamoʼamoʼmo hunoʼaeʼmo, Ala kava nene, huno, na kava higekaeʼmo kagaikamo kagesunafeʼmo lagaekeʼmo alika lave liganaʼmonanafa ma mopafi vayaʼmo alika apave oligane, huno afi geʼnigenoʼaeʼmo

Yoni 14:5

Tomasiʼa hunoʼaeʼmo, Ala kava nene, huno, visana koʼmo lagaemo oʼageʼnonaʼmofeʼmo haiya kava huta visana kaʼmo agegaune, huno afi geʼnigenoʼaeʼmo,

Yoni 16:1

Asagautapa oʼaisayafeʼmo mani gemo lapa nepauve.

Yoni 16:16

Aise afinaʼmo utesigetapa oʼnagegayaʼmonanafa halate magoʼe huno aise afinaʼmo utesigetapa nagegae, huno hapa paiʼniye.

Yoni 16:18

Aise afinane, huno huʼniya gemo aepaʼamo na agufa gemoʼmo huʼniye. Na agufa kavafeʼmo ani gemo huʼnifi huta oʼafiʼnone, huʼa huʼnae.

Yoni 16:19

Inagi Yesuʼa loka huʼa ge huʼa nafi gesayafeʼmo nehae, huno apaketenoʼaeʼmo, nagaemo huʼnaeʼmo, aise afinaʼmo utesigetapa oʼnagegayaʼmonanafa halate magoʼe huno aise afinaʼmo utesigetapa nagegae, huʼna lapa paiʼnova geeʼmo gemo huge afige hutapa maiʼnafiye.

Yoni 16:5

hemenimo alino nateʼnigeʼna emiʼneʼnova vekalegamo uʼna haisuvafeʼmo nehuʼnaeʼmo mani gemo lapa nepauve. Lapa nepauvaʼmonanafa lapakaepatiʼmo magoke vekamoʼa haiyategamo ugane, huno alagi loka huno ge huno nafi okeʼniye.