Yoni 16:14 - The Keyagana NT and 25 OT books

¹⁴ Agaemo ha le konali yaʼnimo alino lapave liteno nagiʼnileʼmo alino asaga huno nategaiye.

Yoni 16:14 ပူးပေါင်းရင်းမြစ်များ

Yoni 14:21

Vayaʼmogi keʼaepa geʼnimo ma kava hiyo, ina kava osiyo, huʼna hapa nepauva gemo afiteʼa akame nehaya vayaʼmogi nagaefeʼmo hapau apayamopafiʼmo nehapaiya vayaʼmo maiʼnae. Afoʼnimoʼmo nagaefeʼmo hapau apayamopafiʼmo nehapaiya vayaʼaifeʼmo ani kavakeʼmo huno hau ayamopafiʼmo hauʼnisigeʼna nagaeʼeʼmo ani kavakeʼmo huʼna nahau nayamopafiʼmo nahauʼnisigeʼna nagaiʼnimo aliʼna apave lisugeʼa nagegae, huno hapa paiʼnigeno

Yoni 15:26

Nagaemo lapa maesiya vekamo alagi lama gemo aepa Aunemeʼamo Afoʼnimotegatiʼmo aliʼna atesugeno emineno nagaefeʼmo faigoko geʼnimo hugiye.

Yoni 7:39

Yesuʼa Goti Aunemeʼamo agaefeʼmo apakesamo afiʼa fatago nehaya vayaʼmogi alisaya Aunemeʼaeʼmo ava gemo huno hapa paiʼniye. Ani afinaʼmo Yesuʼa he tino kokuʼnapiʼmo uno haino ha le konali yaʼamo oʼaliʼniyaʼmofeʼmo Goti Aunemeʼamo emi noʼmeʼniya afinaʼmae.

1 Kolitiyani 12:3

Uʼnayaʼmofeʼmo mani gemo afisayafeʼmo nahauʼniyanagi Goti Aunemeʼamoʼmo alino he tino neʼapateya vayaʼmogimo, Yesuʼa hosu vekamo maiʼniyanageno alagi afela hegaiye, huteʼa afaʼa huʼa faipa huʼa noʼatae. Goti Aunemeʼamoʼmo alino he tino oʼapateʼnisiyana Yesufeʼmo Ala kava neʼmo maiʼniye, huʼa afaʼa osugae.

2 Kolitiyani 4:6

Gotiʼa hani huʼniya yapifeʼmo, aeka ha lo, huno huʼniya Gotiʼa laipafifeʼmo hunoʼaeʼmo, aeka ha lo, huno huʼnigeno Goti ha le konali yaʼamo Kalaisi augosafatiʼmo aeno ha leʼnigeta ageʼnone.

Galesiya 5:5

Inagi Gotiʼa hunoʼaeʼmo, naulagaleʼmo fatago vayaʼmo maiʼnae, huno laha paisiyafeʼmo Goti Aunemeʼaletiʼmo lagesamo afita fatago nehutaeʼmo lavayagunagu huta agava neʼmaune.

1 Pita 2:7

Lapakesamo afita fatago nehaya vayaʼmogitapamo, alopa monileʼyaʼmo aeno agaseʼniya vekae, hutapa nehayaʼmonanafa apakesamo afiʼa fatago nosaya vayaʼaifeʼmo Goti mukufi gemoʼmo hunoʼaeʼmo, Noʼmo nekiya vayaʼmogi huʼapaeʼmo, ina agufa yafaʼmo haneʼniye, huʼa huteʼa aliʼa yaga auʼa ataleʼnayaʼmonanafa hogote yafaʼmo noʼmo faino atesiya yafaʼmo alino hamaleno ateʼniye, huno huʼniye.

1 Yoni 3:23

Goti keʼaepa geʼamoʼmo hunoʼaeʼmo, mafaʼneʼnimo Yesu Kalaisi agiʼalefeʼmo lapakesamo afita fatago hutetapaeʼmo konagatapimogifeʼmo lapaino, huno laha paiʼniye.

1 Yoni 5:20

Lagaemo ageʼnonana Goti Mafaʼneʼamo emineno lama ge Gotiʼa ageta alagepa hisunafeʼmo lagesamo afisuna yaʼmo lamiʼniye. Lagaemo lama ge vekafiʼmo maiʼnetaeʼmo Mafaʼneʼamo Yesu Kalaisipiʼmo maiʼnone. Ani vekamo lama ge Gotiʼa maiʼnenoʼaeʼmo alagepa huta maige maige huta maisuna yaʼmo afoʼamoʼmo maiʼniye.

1 Yoni 5:6

Yesu Kalaisiʼa anitetiʼe kolaʼaletiʼeʼmo emineʼniye. Agaemo aniʼalefekeʼmo emiʼnoʼmeʼnifa kolaʼaleʼefeʼmo emineʼniye. Goti Aunemeʼamoʼmo lama geʼageʼmo nehiya vekamo maiʼniyaʼmofeʼmo ageteno ha maeno Kalaisifeʼmo faigoko geʼamo nehiye.

Leveleseni 19:10

Naha paiʼnigeʼna agaefeʼmo mono hisuvafeʼmo aiyafiʼmo asagauʼna aiʼnogenoʼaeʼmo, Nagaefeʼmo mono osuvo. Kagaeʼe konagakamogiʼeʼmo Yesufeʼmo ava geleʼmo atafauʼa alagi huʼnaya konagakamogiʼeʼmo magoke agufa aliʼyaʼmo neʼalune. Gotifekeʼmo mono huvo. Goti Aunemeʼamoʼmo Gotitegati gemo alini eʼa aeʼa hakalo huʼa hapa nepaiya vayaʼmo ani gemo apamiʼnigeʼa Yesufeʼmo ava gemo nehae, huno naha paiʼniye.