Yoni 15:9 - The Keyagana NT and 25 OT books

⁹ Afoʼnimoʼmo nagaefeʼmo hau ayamopafiʼmo hauʼniya kava huno lapakaefeʼmo nahau nayamopafiʼmo nahauʼniye. Nahau nayamopafiʼmo nahauʼniya kavapiʼmo aeta hanitapa maiyo.

Yoni 15:9 ပူးပေါင်းရင်းမြစ်များ

Yoni 15:11

Namogaga neʼauva kavaʼmoʼa lapaipafiʼmo havai tesigetapaeʼmo lapamogaga aisayafeʼmo mani gemo lapa nepauve.

Yoni 15:13

Mago vekamoʼa ao vayaʼaifeʼmo hau ayamopafiʼmo hauʼninageno falino apatesaiyana ani agufa hau ayamopafiʼmo hauʼniya kavaʼamoʼmo muki vayaʼmogimo hapau apayamopafiʼmo hapauʼniya kavaʼapimoʼa ago aeno agaseʼniye.

Yoni 17:26

Nagaefeʼmo kahau kayamopafiʼmo kahauʼniya kavakamo apakaepiʼmo hanesigeʼna apakaepiʼmo maisuvafeʼmo kagikamo aepaʼamo aliʼna apave liʼnovanageʼna magoʼe huʼna aliʼna apave liguve, huno nunumuʼmo huʼniye.

Yoni 3:35

Muki yaʼmo Afoʼamoʼmo mafaʼneʼaeʼmo hau ayamopafiʼmo hauʼnigenoʼaeʼmo muki yateʼe vayaʼaiteʼeʼmo yagaino apatesiya himamuʼamo amiʼniye.

Efasasi 3:18

Ani kavaʼmo huʼa maiʼneʼapaeʼmo muki apaote vayaʼaʼeʼmo Kalaisiʼa hau ayamopafiʼmo hauʼniya kavaʼamo ageʼa alagepa huʼa ageyo. Haiya agufa afafaleʼmo uno haiʼnifi haiya agufa afafale uno lamiʼnifi haiya agufa afafaleʼmo uʼnifi haiya agufa afafaleʼmo eʼnifi huʼa ageyo.

1 Yoni 2:28

Aise mafaʼneʼnimogitapae, huʼna, Eminesigetaeʼmo lokiya vaita maiʼneta fala okisunageno aulagaleʼmo lavagage osisiyafeʼmo hemenimo agaepiʼmo alagi maigetao.

Yuti 1:20

Nahauʼniya vayaʼnimogitapae, huʼna, ani kavaʼmo huʼa maiʼnayaʼmonanafa lapakaemo Goti Aunemeʼaletiʼmo nunumuʼmo nehutapaeʼmo lapakesamo afita fatago nehaya kavatapileʼmo lapakaitapimo magoʼe hutapa alita lokiya vaita lapateme lapateme viyo.

Leveleseni 1:5

Yesu Kalaisiʼa Gotifeʼmo lama ge ava gemo nehiya vekamoʼmo faliʼnaya vayapatiʼmo hogoteno alino he tino ateʼniya yege mafaʼneʼamo maiʼniye. Agaemo ma mopafi ala kini vayaʼaiteʼmo yagaino neʼapateya vekaʼapimoʼa fikumo lapa maeno lapamisigeno lapaipamoʼmo falu hino. Agaemo lagaefeʼmo hau ayamopafiʼmo hauʼnigenoʼaeʼmo hosu kavatimo kolaʼaletiʼmo aeno kalo paeno ataleʼniye.