Yoni 15:27 - The Keyagana NT and 25 OT books

²⁷ Lapakaemo aliʼyaʼnimo aepa faiʼna aliʼnova afinatetiʼmo nagaeʼeʼmo magokepi lokaeta maime maime etapa hemeniʼeʼmo maiʼnayaʼmofeʼmo lapakaeʼeʼmo nagaefeʼmo faigoko geʼnimo aeta hakalo hugae, huno hapa paiʼniye.

Yoni 15:27 ပူးပေါင်းရင်းမြစ်များ

Maki 1:1

Alagepa faigoko geʼamo Yesu Kalaisi Goti mafaʼneʼamo ava gemo ina kava huno aepa faiʼniye.

Luki 24:48

Lapakaemo mani kavaʼmo ago ageʼnayaʼmofeʼmo ani kavafeʼmo faigoko geʼnimo huta hapa paisaya vayaʼmo maiʼnae.

Yoni 19:35

Apakesamo afiʼa fatago hisayafeʼmo ani kavaʼmo ageʼniya vekamoʼmo faigoko gemo huno hapa paiʼniye. Agaemo hunoʼaeʼmo, lama gemo nehuve, huno, ago ageʼnove, huno hapa paiʼniye.

Yoni 21:24

Ani vekamoʼmo ani gemo ago avoʼmo kae maleʼnigeno hemenimo ani kavafeʼmo faigoko geʼamo nehiye. Lagaemo huʼniya gemo afitetaeʼmo lama gemo huʼniye, huta afiʼnone.

Apa 1:8

Oʼafigayaʼmonanafa Goti Aunemeʼamo aote Aunemeʼamo lapakaeteʼmo emineno lokiya vaino lapatesigetapa Yulusalemu taonifinagi muki Yutiya kotegagi Sameliya kotegagi muki ma mopamo loleʼe loleʼe atupalegagi hutapa nava gemo aeta hakalo hutapa hapa paimale hapa paimale hugae, huno hapa paitegenoʼaeʼmo

Apa 13:31

Agaemo Galeliya kotegati eʼa Yulusalemu taonifiʼmo lokaeʼa eʼnaya vayaʼai apaulagaleʼmo muki afinapatiʼmo alu afinaʼae alu afinaʼaeʼmo afole aite afole aite huʼnigeʼa ageʼnae. Ani vayaʼmogimo ageʼnaya kavafeʼmo ava gemo huʼa aeʼa hakalo huʼa hapa nepaiya vayaʼmo maiʼnae.

Apa 18:5

Sailasiʼe Timotiʼeʼmo Masetoniya kotegatiʼmo Polotegamo eʼana avaʼyi huʼnaʼagenoʼaeʼmo Poloʼa aipamoʼmo kana huʼnigenoʼaeʼmo aipafatiʼmo Yu vayaʼaifeʼmo aeno hakalo huno hapa painoʼaeʼmo, Yesuʼa Kalaisi vekamo maiʼniye, huno hapa paiʼniye.

Apa 23:11

Haniʼilagamo Ala kava neʼmo afole aiteno Polo haopaleʼmo he tino maiʼnenoʼaeʼmo, Polo, huno, Koli osuka lokiya vaika maiyo. Yulusalemu taonifiʼmo nava gemo aeka hakalo huka hapa paiʼnana kava huka Lomu taonifiʼmo uka aeka hakalo huka hapa paigane, huno ha paiʼniye.

Apa 3:15

hutapa ha paitetapa afaʼa maisaya yaʼmo neʼapamiya vekamo amagiʼnageno faliʼniyaʼmonanafa Gotiʼa ago alino he tino ateʼniye. Ago he tiʼnigeta ageʼnonaʼmofeʼmo hemenimo aeta hakalo huta hapa nepauna vayaʼmo maiʼnone.

Apa 4:20

Ageʼnoʼa kavaʼe afiʼnoʼa geʼeʼmo hapa paitaʼa hano huguʼae, huʼana hapa paiʼnaʼae.

Apa 4:33

Apa vayaʼmogimo Ala kava neʼmo Yesuʼa faliʼniyatetiʼmo he tiʼniya kavafeʼmo magoʼe huʼa himamuʼaletiʼmo ava gemo huʼnagenoʼaeʼmo Gotiʼa alagepa huno fiku hapa maeno apamiʼnigeʼapaeʼmo apakiʼapileʼmo aliʼa asaga huʼa apateʼnae.

1 Pita 5:1

Nagaemo lapakaeʼeʼmo magokepi lokaeʼa maiʼneʼa yagaiʼa nelapataya vayatama vayaʼaifeʼmo gemo hapa paigesuve. Nagaeʼeʼmo yagaiʼna neʼapatova vayatama vekamo maiʼnove. Naulagafatiʼmo Kalaisiʼa ageʼnogeno kana yaʼmo aliʼnigeʼna ageteʼnaeʼmo aeʼna hakalo huʼna hapa nepauva vekamo maiʼnovanageʼna Kalaisiʼa ha le konali yaʼamo afole aisigeʼnaeʼmo hetamaʼnimo aliguve. Lapao ke hovanagi,

1 Pita 5:12

Nagesamo afuvana Silivenisiʼa kanale konagatimoʼmo naha maeʼnigeʼna mani aise avoʼmo nekaove. Aliʼna lokiya vaiʼna lapatesuva agufa gemo huʼna lapa paiʼnaeʼmo, ago afiʼnovana Gotiʼa fikumo hapa maeno neʼapamiya kavafeʼmo ava gemo huʼnaeʼmo, lama gemo haneʼniye, huʼna mani gemo avoʼmo kaeʼna lapa nepauve. Ani kavatefekeʼmo lapakesamo afita fatago huta atafauta alagi hutapa maiyo.

1 Yoni 4:14

Lagaemo Afotimoʼmo Mafaʼneʼamoʼmo muki ma mopafi vayaʼai apakufamo alino katino apatesiyafeʼmo alino ateʼnigeno emineʼniye, huta agetetaeʼmo aeta hakalo huta hapa nepaune.

Leveleseni 1:2

Yoniʼa muki ageʼniya kavafeʼmo avoʼmo kae maleʼniye. Mani gemo Yesu Kalaisiʼa Gotitegati alagi lama geʼamo alino ave liʼniya kavaʼmo haneʼniye.

Leveleseni 1:9

Nagaemo Yoniʼnamo konagatapimoʼnamo maiʼnove. Yesupiʼmo maiʼnetaeʼmo magokepi lagafu kige Yesuʼa yagaino nelateyategamo maige oʼataleta atafauta alagi huta maige nehune. Nagaemo Goti alagi lama geʼe Yesufeʼmo ava geʼeʼmo aeʼna hakalo huʼna hapa paiʼnovaʼmofeʼmo aliʼa nahafaitalageʼna eʼna Patamosi ani agoʼnanenafiʼmo maiʼnove.