Yoni 15:21 - The Keyagana NT and 25 OT books

²¹ Apakaemo alino nateʼnigeʼna emiʼneʼnova vekamo oʼageʼnayanageʼa vayaʼnimo maiʼnayaʼmofeʼmo lapakaetegamo muki ani agufa kavakeʼmo hugae.

Yoni 15:21 ပူးပေါင်းရင်းမြစ်များ

Samu 69:7

Kagaetefeʼmo huʼa faipa huʼa nateʼnageno navagage huʼniye.

Aiyeya 66:5

Aiyeyaʼa hunoʼaeʼmo, Ala kava neʼmo geʼamo afitetapaeʼmo atete nehaya vayane, huʼna, Ala kava neʼmo geʼamo afiyo. Lapakaemo nagiʼnilefeʼmo geʼnimo akame nehayaʼmofeʼmo lapakaefeʼmo apaini nehaya vayatapimogimo lahapafaiʼa lapataleteʼapaeʼmo, Lapakaemo afaʼa lataletapa vigenoʼao Ala kava neʼmoʼa ala agiʼamo alino, huʼa nehayaʼmonanafa lapakaemo agaemo lahapa maesiyafeʼmo agetetapaeʼmo lapamogaga aisageno apavagage hugiye.

Matiyu 10:18

Agotileʼmo lapavaleliʼuʼa lapatesagetapa gamani vayaʼai apaulagaleʼe kini vayaʼai apaulagaleʼeʼmo he titapa maiʼnetapa Yu nofi vayapatiʼmo oʼmaiʼnaya vayaʼaifeʼmo alagepa faigoko gemo aeta hakalo huta hapa paigae.

Matiyu 10:22

Muki vayaʼmogimo nagiʼnilefeʼmo apaini huʼa lapategayaʼmonanafa oʼataleta atafautapa alagi hutapa maime maime uta atupa afinaʼmo afole aisagenoʼaeʼmo Gotiʼa lapakufamo alino katino lapategaiye.

Matiyu 10:39

Ma mopafiʼmo alagepa hutageʼmo maigune, huʼa apakesamo neʼafisaya vayaʼmo alagepa huʼa neʼmaiya kavaʼapimo alagi hano hugiye. Mago vayaʼmogimo nagiʼnilefeʼmo ma mopafiʼmo alagepa huʼa neʼmaiya kavaʼapimo atalesayana alagepa huʼa maisaya yaʼmo aligae.

Matiyu 24:9

Ani agufa kavaʼmo afole aisigeʼapaeʼmo kalavusi huʼa lapateteʼa lapavaleli uʼa vayaʼai apayapiʼmo lapatesageʼa kayoʼmo lapamiteʼa kamitimo lapamagigae. Apakaemo muki nofi vayaʼmogi nagiʼnilefeʼmo apaini huʼa lapategae.

Matiyu 5:11

Nagaetefeʼmo huʼa faipa huʼa lapatege apaini huʼa lapatege lapakaefeʼmo aigofe gemo huʼapaeʼmo, ani hosu kavaʼmo nehae, ina hosu kavaʼmo nehae, huʼa nehisayana Goti aulena vayaʼamo maiʼnae.

Maki 13:13

Muki vayaʼamogimo nagiʼnilefeʼmo lapakaefeʼmo apaini hugae. Hugayaʼmonanafa oʼataleʼa atafauʼa alagi huʼa maime maime neʼvisaya vayaʼaina hano hisiya afinaʼmo apakufamo alino katino apateteno hapau vaigiye.

Luki 21:12

Ani kavaʼmo afole oʼaiʼnisigeʼapaeʼmo hogoteʼa apaini huʼa lapatege kalavusi huʼa lapatege mono nokopiʼmo agoti huʼa lapateteʼa kalavusi huʼa lapatege hugae. Apakaemo nagiʼnilefeʼmo lapavaleli eʼa alaʼapimo yagaiʼa neʼapataya vayaʼaitegaʼe gamani vayaʼaitegaʼeʼmo aliʼa he tiʼa lapatesagetapaeʼmo nagae nava gemo huta faigoko geʼnimo hapa paigae.

Luki 21:17

Nakame nehayaʼmofeʼmo muki vayaʼmogi lapakaefeʼmo apaini hugayaʼmonanafa

Luki 6:22

Vemo mafaʼnemo akame nehayaʼmofeʼmo vayaʼmogi lapakaefeʼmo apaini huge aliʼa lapafaiʼa lapatalege huʼa faipa huʼa lapateteʼapaeʼmo lapakitapileʼmo aliʼa afepi lapatege hugayaʼmofeʼmo Goti aulena vayaʼamo maiʼnae.

Yoni 15:24

Nagaemo apakaetegamo emineʼna vayaʼmogi nosaya agufa kavaʼmo osuʼnovesinana apakameʼyamo oʼnamisageno hosu kavaʼapimo ohaneʼniyesinaʼmonanafa huʼnova kavaʼmo ago ageteʼapaeʼmo nagaeʼe Afoʼnimoʼefeʼmo apaini huʼnae.

Yoni 16:3

Muki yaʼmo Afoʼamoʼmo ageʼa alagepa osuʼnaya kava huʼa nagaemo nageʼa alagepa osuʼnayaʼmofeʼmo ani agufa kavaʼmo lapakaetegamo hugae.

Yoni 17:25

O Afo, huʼna, fatago kavaʼageʼmo nehana vekamogae, huʼna, ma mopafi vayaʼmogimo okageʼnayaʼmonanafa nagaemo kageʼnogeʼapaeʼmo mani vayaʼmogi kageteʼapaeʼmo, Gotiʼa Afoʼamoʼmo alino ateʼnigeno emineʼniye, huʼa afiʼnae.

Yoni 8:19

Afokamoʼmo haiyate maiʼniye, huʼa ge huʼa afi geʼnagenoʼaeʼmo, lapakaemo nagaemo nagetapa aeto osuʼnayaʼmofeʼmo Afoʼnimo agetapa aeto osuʼnae. Nagetapa aeto huʼnaesinana Afoʼnimoʼeʼmo agetapa aeto huʼnaesine, huno hapa paiʼniye.

Yoni 8:54

Yesuʼa hunoʼaeʼmo, nagaiʼni nagiʼnileʼmo aliʼna asaga huʼna neʼnatovesinana ina agufa yakana huno haneʼniyesine. Lapakaemo Afoʼnimofeʼmo hutapaeʼmo, Gotitimoʼmo maiʼniye, hutapa nehaya vekamoʼa nagiʼnileʼmo alino asaga huno neʼnate.

Yoni 8:55

Gotitimoʼmo maiʼniye, hutapa nehayaʼmonanafa oʼageʼnageʼna nagaekeʼmo ageʼnove. Oʼageʼnove, huʼna nehuvesinana lapakaekana huʼna aigofe gemo nehuva vekamo maiʼnovesine. Nagaemo ago ageʼnovaʼmofeʼmo geʼamo akame nehuve.

Apa 17:23

Lapakae taoni folagapiʼmo umenitata nehuʼnaeʼmo mono nehaya yatapimo ago ageʼnove. Ageʼnovana mago ofalini yaʼmo maleʼnetapa neʼapamiya hiʼyalamuteʼmo mago avoʼmo kae maleʼnaya gemoʼa hunoʼaeʼmo, Oʼageʼnona Goti hiʼyalamune, huʼa avoʼmo kae maleʼnageʼna ageʼnove. Lapakaemo ani Gotifeʼmo mono nehayaʼmonanafa oʼageʼnae. Hemenimo ani Gotifeʼmo nagaemo ava gemo aeʼna hakalo huʼna lapa nepauve.

Apa 26:9

Ani kavaʼmo huʼna Nasalasa vekamo Yesufeʼmo naini huʼna ategauve, huʼna nagesamo afiteʼna agiʼaleʼmo aliʼna afepi ateʼnove.

Apa 3:17

Vayaʼnimogitapae, huʼna, Inagi nagaemo afiʼnovana lapakaeʼe ala vayatapimo neʼyagaiya vayatapiʼeʼmo Yesuʼmo agetapa aeto osutapa fikumo amagiʼnae.

Apa 4:17

Ani gemo magoʼe huno aino atagu ofaesiyafeʼmo lokiya gemo huta hana paigune. Halate Yesu agiʼamo aetana hapa opaiʼao, huta hana paigune, huʼa huʼnae.

Apa 5:41

Apa vayaʼmo kanisole vayaʼai nopatiʼmo ataleʼa kumatega uʼa nelamiʼapaeʼmo, Vae, huʼa, Gotiʼa lagaefeʼmo hunoʼaeʼmo, Yesu agiʼalefeʼmo apavagage hisaya yaʼmo afaʼa alisaya agufa kavaʼmo huʼa maiʼnae, huno agesa afiʼniye, huʼa huteʼa lusi kava huʼa apamogaga aiʼnae.

Apa 9:14

Ani vekamoʼmo kagikalefeʼmo nunumuʼmo nehaya vayaʼmo kalavusi huno apatesiyafeʼmo mago avoʼmo mono huʼa neʼapataya vayaʼaiteʼmo yagaiʼa neʼapataya vayaʼaitetiʼmo aliteno mani taonifiʼmo eʼniye, huno ha paiʼnigenoʼaeʼmo

Apa 9:16

Nagiʼnilefeʼmo agafu kisiya kavaʼmo aliʼna ave lisugeno aliʼyaʼnimo aligiye, huno ha paiʼniye.

Lomu 1:28

Apakaemo Gotifeʼmo lama ge huʼa apakesa afisayafeʼmo ohapauʼniyaʼmofeʼmo Gotiʼa magoʼe huno apatafauno oʼmaiʼnifa afaʼa apakeno apataleʼnigeʼno hosu apaipa apakesakeʼmo alino he tino apateʼnigeʼa osisaya agufa kavaʼmo nehae.

1 Kolitiyani 15:34

Negi nagi kavaʼmo osutapa alagepa hutapa lapakesamo afitetapa hosu kavatapimo ataleyo. Lapavagagemo hisiyafeʼmo nagaemo, magoʼamogitapamo Gotiʼa oʼageʼnae, huʼna lapa nepauve.

1 Kolitiyani 2:8

Muki ma mopafiʼmo maiʼneʼa yagaiʼa neʼapataya vayaʼmogimo ani afiteno ageʼniya geʼamo alagi oʼafiʼnae. Afiʼnaesinana ha le konali Ala kava neʼmo malipu yosaleʼmo nili aiteʼa aliʼa he tiʼa oʼateʼnaesine.

2 Tesaloniyani 1:8

Kalaisiʼa Gotiʼmo oʼagege Ala kava netimo Yesu Kalaisifeʼmo alagepa faigoko geʼamo oʼafige huʼa neʼmaiya vayaʼmo anonaʼapilefeʼmo ata kayotetiʼmo apamagigiye.

1 Yoni 3:1

Afiyo, huʼna, Afotimoʼmo lagaefeʼmo aeto agufa kavaʼmo huno hau ayamopafiʼmo hauʼnigenoʼaeʼmo, Mafaʼneʼnimogitapae, huno nehigetaeʼmo lahau neʼaune. Ma mopafi vayaʼmogimo Gotiʼmo oʼageʼnayaʼmofeʼmo lagaeʼeʼmo lageʼa aeto nosae.

3 Yoni 1:7

Apakaemo Goti agiʼalefeʼmo uʼnae. Malaga vayaʼmogi apayapatiʼmo mago yaʼmo oʼaliʼnae.

Leveleseni 2:3

Nagiʼnilefeʼmo hanageke yaʼmo aliʼnetapaeʼmo alagaʼmo olapaeʼnigetapa oʼataleta atafautapa alagi hutapa maiʼnayaʼmonanafa