Yoni 15:20 - The Keyagana NT and 25 OT books

²⁰ Nagaemo, mago aliʼyaʼamo neʼaliya vekamoʼmo aliʼyaʼmo afoʼamoʼmo aeno noʼagase, huʼna lapa paiʼnova geeʼmo lapakesamo afiyo. Apakaemo apaini huʼa natesaya agufa kava huʼa lapakaeʼeʼmo apaini huʼa lapategae. Apakaemo geʼnimo afiʼnisayana getapimo afigae.

Yoni 15:20 ပူးပေါင်းရင်းမြစ်များ

Matiyu 10:24

Alino apaya neʼmalegeʼa neʼafiya vayaʼmogimo alino apaya neʼmaleya vekamo aeʼa noʼagasae. Ani kava huno aliʼyaʼamo neʼaliya vekamoʼmo aliʼyaʼmo afoʼamoʼa aeno noʼagase.

Maki 10:39

he, afaʼa netetaʼa aliguʼae, huʼana huʼnaʼagenoʼaeʼmo he, huno, nesuva kapufatiʼmo netetana hosu yatetiʼmo faleʼa natesaya yaʼmo afaʼa aligaʼae.

Luki 2:34

Simiyoniʼa alino auleno apatetenoʼaeʼmo ani mafaʼnemo itaʼamoʼmo Maliyafeʼmo hunoʼaeʼmo, Afiyo, huno, mago vayaʼamogimo geʼamo oʼafiʼa ataleʼa asagauʼa aige mago vayaʼamogimo geʼamo afiteʼapaeʼmo he tiʼa maige hisayafeʼmo Gotiʼa lekana paino ateʼniye. Agaemo Gotitegatiʼmo alagena yakana huno alino apave lisigeʼapaeʼmo apaini huʼa atesagenoʼaeʼmo

Luki 6:40

Geʼamo neʼafiya vekamoʼmo alino aya neʼmaleya vekamo aeno noʼagase. Tisa vekamoʼmo alino aya maleme aya maleme visigeno afitenoʼaeʼmo alino aya maleʼniya vekagana huno maigiye.

Yoni 10:31

Yu vayaʼmogimo halate yafa kayotetiʼmo amagisayafeʼmo huʼnae.

Yoni 11:57

Mono huʼa neʼapataya vayaʼaiteʼmo yagaiʼa neʼapataya vayaʼe Falasi vayaʼmogiʼeʼmo huʼapaeʼmo, mago vekamogamo agesanaʼmoʼmo eka laha paigetao kalavusi huta ateno, huʼa hu maleʼnae.

Yoni 13:16

Lama gemo lapa nepauve, huno, Mago aliʼyaʼmo neʼaliya vekamoʼa aliʼyaʼmo afoʼamoʼmo aeno noʼagase. Ani kava huno apa vekamoʼa alino ateʼnigeno uʼniya vekamo aeno noʼagase.

Yoni 5:16

aepa faiʼa apaini huʼa ateʼnae. Yesuʼa Sapati afinaʼmo alino hageno ateʼniyaʼmofeʼmo apaini huʼa ateteʼa amagisayafeʼmo huʼnae.

Yoni 7:32

Ani agufa gemo huteʼa sumi huʼa nehageʼapaeʼmo Falasi mono vayaʼmogimo afiʼnae. Afiteʼapaeʼmo apakaeʼe mono huʼa neʼapataya vayaʼaiteʼmo yagaiʼa neʼapataya vayaʼmogiʼeʼmo ati vayaʼmogi kalavusi huʼa atesayafeʼmo aliʼa apateʼnageʼa uʼnae.

Yoni 8:51

Lama gemo lapa nepauve, huno, Geʼnimo akame nehaya vayaʼmo ofaligae, huno hapa paiʼnigeʼapaeʼmo,

Yoni 8:52

Hemenimo lagaemo afiʼnonana hosu aune vekamo kaipafiʼmo maiʼniye, huta ago afiʼnone. Emalehamuʼa ago faliʼnigeʼa Gotitegati gemo alini eʼa aeʼa hakalo huʼa hapa nepaiya vayaʼmo ago faliʼnayaʼmonanafa kagaemo hukaeʼmo, geʼnimo akame nehaya vayaʼmo ofaligae, huka nehane.

Yoni 8:59

yafa kayotetiʼmo yaga auʼa amagisayafeʼmo neʼaligenoʼaeʼmo Yesuʼa alopa mono nopatiʼmo ataleno apakae folagapiʼmo uno lamiʼnigeʼa oʼamagiʼnageno uno lamino uʼniye.

Apa 14:22

Goti geʼaletiʼmo muki taoniʼafi taoniʼafiʼmo geʼamo neʼafiya vayaʼmo aliʼana lokiya vaiʼana apateteʼanaeʼmo, Goti geʼaleʼmo atafautapa alagi huʼnetapa lapakesamo afita fatago hume hume utapa maiyo. Lusi hanageke yaʼmo alitetaekeʼmo Gotiʼa neʼyagaiya koteʼmo uta haita maigune, huʼana hapa paiʼnaʼae.

1 Kolitiyani 4:12

Neʼyatimo nesuna yaʼmo alisunafeʼmo lokiya aliʼyaʼmo neʼalune. Huʼa faipa huʼa nelatagetaeʼmo, Gotiʼa lahapa maeno, huta nehune. Apaini huʼa nelatagetaeʼmo afaʼa maiʼnone.

2 Kolitiyani 4:9

Apaini huʼa nelatayaʼmonanafa Gotiʼa lataleno noʼviye. Lamagiʼnageta asagauta neʼaunaʼmonanafa nofalune.

1 Tesaloniyani 2:15

Yu vayaʼmogimo akeyaʼvilagamo Gotitegati gemo alini eʼa aeʼa hakalo huʼa hapa nepaiya vayaʼapimo kamitimo apamagige Ala kava neʼmo Yesuʼa kamitimo amagige huteʼapaeʼmo hemenimo lagaefeʼmo apaini huʼa nelatae. Apakaemo Gotiʼa alagi ohauʼniya agufa kavaʼmo nehuʼapaeʼmo muki vayaʼaifeʼmo kame huʼa neʼapatae.

2 Timoti 3:12

He, muki vayaʼmo Yesu Kalaisipiʼmo maiʼneʼapaeʼmo Gotitefeʼmo alagepa kavaʼmo nehisaya vayaʼaifeʼmo apaini huʼa apategae.

1 Samiyo 8:7

Ala kava neʼmoʼa ha painoʼaeʼmo, Muki kaha paiʼnaya kavafeʼmo geʼapimo afiyo. Apakaemo apakameʼyamo okamiʼnafa nagaemo yagaiʼna oʼapatesuvafeʼmo apakameʼyamo namiʼnae.