Yoni 15:14 - The Keyagana NT and 25 OT books

¹⁴ Lapakaefeʼmo muki gemo mani kava hiyo, ina kava osiyo, huʼna lapa paiʼnova geʼnimo akame nehisayaʼmoʼmo nao vayaʼmo maiʼnae.

Yoni 15:14 ပူးပေါင်းရင်းမြစ်များ

2 Sitoli 20:7

Gotitimogamo oʼmaiʼnapiye, huno, kagaemo ago lageʼnane. Isaleli vayaʼmogita laginago vekamo Emalehamuʼmo kao vekamo mafaʼne anagaʼamo maiʼneta alagi kagaika vayakamo maiʼnone. Kagaemo akeyaʼvilagamo mani mopaleʼmo maiʼnaya vayaʼmo alika hapafaika apataleteka mani mopamo alika laginago vayaʼmo apamiʼnanageno muki afinaʼmo lagae mopamo haneʼnigeta

Hatu maeno apate'niya gemae 7:6

Ala kava neʼmoʼa Moseseʼe Eloniʼefeʼmo hana paiʼniya gemo alagi akame huʼana huʼnaʼae.

Mai'naya kavane 18:24

Mago vekamoʼmo ao vayaʼmo maiʼnisayaʼmoʼmo alagepa huno alino ao yaʼmo hino. Mago apao vekamoʼmo konagatapimogimo aeno apaka seno maiʼniya vekamoʼmo ao vayaʼmo oʼapataleno alagi magokepi lokaeno maigiye.

Salomoni Yokemae 5:1

Nasaʼnimogamo aʼnimogae, huʼna, Nagaemo hoyaʼnilegamo ago eʼna alagepa atumo neʼaiya yaʼmo agiʼamo meyaʼe mago alagepa atumo neʼaiya yaʼeʼmo aliʼna anupa huʼnove. Nagaemo lumemo anoʼaʼe anuʼaʼeʼmo neʼnove. Nagaemo nuʼanuʼe nofi alagafati aniʼeʼmo neʼnove. Nao vayaʼnimogitapae, huʼna, alitapa neyo. Nahau nayamopafiʼmo neʼnahaiya vayaʼnimogitapae, huʼna, He, aniʼmo netapa lapamu hiyo.

Matiyu 12:50

Kokuʼnapi afoʼnimoʼmo hauʼniya kavaʼageʼmo nehaya vayaʼmo naganaʼnimogimo maige nasaʼnimogimo maige itaʼnimogimo maige huʼnae, huno hapa paiʼniye.

Luki 12:4

Nao vayaʼmogitapae, huʼna, ma mopafi vayaʼaifeʼmo koli osiyo. Afaʼa lapaesageta faligayaʼmonanafa magoʼe huʼa lapakafu kisiya yaʼmo aliʼa olapamigae.

Yoni 13:17

Lapakaemo ani gemo afita alagepa huʼnetapa ani kavaʼmo nehisayana Goti aulagaleʼmo alagepa hutapa maiʼnayanagetapa afaʼa lapamogaga aigae.

Yoni 14:15

Nagaefeʼmo lapau lapayamopafiʼmo lapauʼnisiyaʼmoʼmo ina kavaʼmo hiyo, huʼna nehuva gemo akame hiyo.

Yoni 14:21

Vayaʼmogi keʼaepa geʼnimo ma kava hiyo, ina kava osiyo, huʼna hapa nepauva gemo afiteʼa akame nehaya vayaʼmogi nagaefeʼmo hapau apayamopafiʼmo nehapaiya vayaʼmo maiʼnae. Afoʼnimoʼmo nagaefeʼmo hapau apayamopafiʼmo nehapaiya vayaʼaifeʼmo ani kavakeʼmo huno hau ayamopafiʼmo hauʼnisigeʼna nagaeʼeʼmo ani kavakeʼmo huʼna nahau nayamopafiʼmo nahauʼnisigeʼna nagaiʼnimo aliʼna apave lisugeʼa nagegae, huno hapa paiʼnigeno

Yoni 14:28

Nagaemo huʼnaeʼmo, lapataleʼna haiteʼnaeʼmo halate emiʼnegauve, huʼna lapa paiʼnogetapa ago afiʼnae. Nagaefeʼmo lapau lapayamopafiʼmo lapauʼniyesinana Afoʼnimoʼmo ago aeno nagaseʼniya vekalegamo uʼna haisuvafeʼmo lapamogaga neʼaiyesine.

Yoni 2:5

Yesu itaʼamoʼmo aliʼyaʼmo neʼaliya vayaʼaifeʼmo hunoʼaeʼmo, na agufa kavaʼmo hiyo, huno lapa paisifi geʼamo akame huta hiyo, huno hapa paiʼniye.

Yemisi 2:23

Emalehamuʼa huʼniya kavafeʼmo Goti mukufiʼmo avoʼmo kae maleʼniya gemo neʼyaʼmo alagi afole aiʼniye. Ani gemoʼa hunoʼaeʼmo, Emalehamuʼa Gotifekeʼmo agesamo afino fatago huʼnigenoʼaeʼmo, naulagaleʼmo fatago vekamo maiʼnane, huno ha paiʼniye. Vayaʼmogi huʼapaeʼmo, Emalehamuʼa Goti ao vekamo maiʼniye, huʼa huʼnae.

1 Yoni 5:3

Gotifeʼmo hapau apayamopafiʼmo nehapaiya kavaʼmoʼa Goti keʼaepa geʼamo ani kavaʼmo hiyo, ina kavaʼmo osiyo, huno huʼniya geʼamo akame nehaya kavaʼmo haneʼniye. Goti keʼaepa geʼamo akame hisuna kavaʼmoʼa kana osuʼniyanageta afaʼa akame hugune.

Luti 3:6

Inagi aliʼyaʼmo neʼaliyategamo unoʼaeʼmo muki anofeloʼamoʼmo ha paiʼniya kavaʼmo akame huno huʼniye.