Yoni 15:11 - The Keyagana NT and 25 OT books

¹¹ Namogaga neʼauva kavaʼmoʼa lapaipafiʼmo havai tesigetapaeʼmo lapamogaga aisayafeʼmo mani gemo lapa nepauve.

Yoni 15:11 ပူးပေါင်းရင်းမြစ်များ

Aiyeya 53:11

Agupi mafaʼnemoʼmo lusi kava huno kana huʼniya aliʼyaʼmo alisigeno neʼyaʼmo afole aigiyaʼmofeʼmo aipamoʼmo ha gegaiye. Aliʼyaʼnimo neʼaliya fatago vekamoʼmo hosu kavaʼapimo aligiyaʼmofeʼmo agaemo ageʼa alagepa huʼa agesaya kavatetiʼmo asole vayaʼaifeʼmo, naulagaleʼmo fatago vayaʼmo maiʼnae, huno hapa paigiye.

Aiyeya 62:4

Saiyoniyo, huʼna, Apakaemo kagaefeʼmo magoʼe huʼa anauʼamoʼmo ataleʼniya aʼmo maiʼniye, huʼa osugae. Haʼao, kagaefeʼmo saufa kagikamo Gotiʼa hauʼniya aʼmo maiʼniye, huʼa aege kagae mopaeʼmo saufa agimo veleʼmo maiʼniya agufa mopamo aepa vekamoʼa yagaiʼniya mopamo haneʼniye, huʼa aege hugae. Ala kava neʼmoʼa lusi kava huno amuse huno lapatesigeno mopatapimoʼa veleʼmo maiʼniya agufa kavaʼmo huʼa lapakaemo mopatapileʼmo maigae.

Sefanaiya 3:17

Ala kava neʼmo Gotitapimoʼmo lapakae folagapiʼmo maiʼniya vekamo alopa lokiyaʼaʼe vekamoʼmo lapakufamo alino katino lapategaiye. Ala kava neʼmoʼa amuse huno lapateteno lapakaefeʼmo amogaga aino lapategaiye. Lapakaefeʼmo hau ayamopafiʼmo hauʼnisigenoʼaeʼmo ge osuno hauʼniya kavatefeʼmo maino haga lenoʼageʼmo maigiye. Agaemo lapakaefeʼmo amogaga neʼainoʼaeʼmo yokemo hugiye, huʼa hugae.

Luki 15:23

Afayaʼaʼe aikeli pulumakamo uta kegiʼyafatiʼmo avaleliteta amagigetao neʼyaʼmo yagita huta magokepiʼmo neʼnetaeʼmo lamogaga aigune.

Luki 15:32

Kaganakamoʼmo faliʼniya kavategatiʼmo eno afaʼa maisiya kavategamo maiʼniye. Afela heʼniyategatiʼmo eʼnigeʼna ageteʼnaeʼmo halate avaleʼnovaʼmofeʼmo kanale kavanageta laipamoʼmo falu huʼnigeta lamogaga neʼaune, huno ha paiʼniye, huno Yesuʼa hapa paiʼniye.

Luki 15:5

Ageteno avaleno agiʼnafiʼmo ateteno amogaga aime aime noʼalegamo egaiye.

Luki 15:9

Ageno alitenoʼaeʼmo ao vayaʼe noʼale vayaʼefeʼmo ge hisigeʼa esagenoʼaeʼmo, lageso huʼniya monimo ago ageʼna aliʼnovanagi egeta nagaegiʼeʼmo magokepi lamogaga aino, huno hapa paigiye, huno hapa paitenoʼaeʼmo,

Yoni 16:24

Hogotetapa nagiʼniletiʼmo ge hutapa afi okeʼnae. Afaʼa ge hutapa afi gegenoʼao lapamisigeno lapaipafiʼmo lapamogaga aisaya kavaʼmo havai tegaiye, huno hapa paiʼniye.

Yoni 16:33

Lapakaemo nagaepiʼmo maiʼnetapaeʼmo lapaipamoʼmo falu hisiyafeʼmo mani gemo lapa nepauve. Ma mopafiʼmo maiʼnetapaeʼmo hanageke yaʼmo alitapa maigayaʼmonanafa nagaemo kame huʼna ma mopafi kavaʼmo ago aeʼna agaseʼnovaʼmofeʼmo lapakaemo lokiya vaita maiyo, huno hapa paiʼniye.

Yoni 17:13

Hemenimo nagaemo kagaetegamo uʼna haisuvafeʼmo nehuʼnaeʼmo ma mopafi maiʼneʼnaeʼmo namogaga neʼauva kava huʼa apamogaga aisaya kavaʼmo apaipafiʼmo havai tesiyafeʼmo mani gemo huʼna nunumuʼmo huʼna neʼapatove.

Yoni 3:29

Aʼmo aligesuve, huno huʼniya vekamoʼmo alisiya a kanomo agaiʼa aʼmae. Aʼmo aliguve, huno huʼniya vekamo ao vekamo eno magokepi lokaeno he tino maiʼnigeno aʼmo aliguve, huno huʼniya vekamoʼa amogaga aino ge higeno afitenoʼaeʼmo amogaga neʼaiye. Ani kava huno aʼmo neʼaligeʼnaeʼmo namogaga neʼauva kavaʼmo alagi haeʼmae.

Lomu 15:13

Hemenimo Gotifeʼmo lapavayagunagu hutapa agava neʼmaiya kavaʼmo aepa vekamoʼmo magoʼe huno lapa maeno lapamisigetapa agaefeʼmo lapakesamo afita fatago nehutapaeʼmo magoʼe hutapa lapamogaga aisageno lapaipamoʼmo falu hugiye. Aote Aunemeʼamo himamuʼaletiʼmo magoʼe hutapa lapavayagunagu hutapa agava maisayafeʼmae.

2 Kolitiyani 1:24

Lagaemo lapakesamo afita fatago hisaya kavatetiʼmo ala lagi vayatapimo maisunafeʼmo osuʼnonaʼmonanafa lapamogaga aisayafeʼmo lapa neʼmaone. Lapakesamo afita fatago nehutapaeʼmo atafautapa alagi huʼnetapa he titapa maiʼnae.

Efasasi 5:18

Lusi aniʼmo netetapa negi nagi gemo osigenoʼao lapakufamo alino hosu huno olapateno. Osutapa Goti Aunemeʼamoʼmo lapaipafiʼmo havai teno.

Filipai 1:25

He, magoʼe hutapa Kalaisifeʼmo lapakesamo afita fatago nehutapaeʼmo lapamogaga aisaya kavaʼmoʼa ko sisiyafeʼmo uʼna lapakaeʼeʼmo lokaeʼna maiguve, huʼna ago afiʼnove.

1 Tesaloniyani 5:16

Muki afinaʼmo lapamogaga aiyo.

1 Pita 1:8

Yesu Kalaisiʼmo lapaulagafatiʼmo oʼageʼnayaʼmonanafa agaefeʼmo lapau lapayamopafiʼmo nelapaiye. Hemenimo oʼageʼnayaʼmonanafa agaefeʼmo lapakesamo afita fatago hutetapa lusi kava hutapa lapamogaga neʼaiye. Lapaipafiʼmo lapamogaga neʼaiyaʼmonanafa lapavayafatiʼmo ge hisayafeʼmo lapavayamoʼmo kana nehiye. Lapamogaga neʼaiya kavaʼmoʼa muki ma mopafi yafeʼmo apamogaga neʼaiya kavaʼmo aeno agaseʼniye.

1 Yoni 1:4

Lagaemo lapaipafiʼmo lapamogaga aisaya kavaʼmo havai tesiyafeʼmo mani gemo avoʼmo nekaone.

2 Yoni 1:12

Nagaemo asole gemo avoʼmo kaeʼna lapa paisuvafeʼmo nehuvaʼmonanafa avoʼmo kaesuvafeʼmo oʼnahaiye. Nagaemo lapakaetegamo visugeta laugosamo magokepi alita anupa hutetaeʼmo lusi kava huta lamogaga aisunafeʼmo nahauʼniye.