Afoʼnimoʼmo aliʼyaʼamo alisuvafeʼmo muki yaʼamo namiʼniye. Muki vayaʼmogimo mafaʼneʼamo nageʼa alagepa osuʼnayaʼmonanafa Afoʼnimokeʼmo nageno alagepa huʼniye. Muki vayaʼmogimo afoʼnimoʼmo ageʼa alagepa osuʼnayaʼmonanafa nagaemo ageʼna alagepa huʼneʼna nahauʼnigeʼna ageʼneʼna aliʼna apave liʼnova vayaʼmogiʼeʼmo ageʼa alagepa huʼa agege huʼnone.
Yoni 14:6 - The Keyagana NT and 25 OT books6 Nagaemo kaʼmo maiʼneʼna lama gemo aepa vekamo maiʼneʼnaeʼmo vayaʼmo afaʼa maisaya yaʼmo aepa vekamo maiʼnove. Muki vayaʼmogimo muki yaʼmo Afoʼamotegamo apakaiʼapimo afaʼa oʼugafa nagaeteʼmo eteʼapaekeʼmo muki yaʼmo Afoʼamotegamo afaʼa ugae. အခန်းကိုကြည့်ပါ။ |
Yoni 14:6
57 ပူးပေါင်းရင်းမြစ်များ
Ani vekamo agiʼamo Goti Geʼamoʼmo emineno agufamo aliteno nata neno emineno lagaeʼeʼmo magokepi lokaeno maiʼniye. Lagaeʼeʼmo lokaeno maiʼnigeta ageʼnonana ha le konali yaʼamo Afoʼamoʼmo aiya magoke mafaʼneʼamo aeto agufa kumani mafaʼneʼamo ha le konali yaʼamoʼa aeno ha leʼnigeta ageʼnone. Fiku laha maeno lamisiya kavaʼaʼe lama geʼaʼeʼmo aipafiʼmo havai teʼnigeno aeno ha leʼnigeta ageʼnone.
Pailatiʼa hunoʼaeʼmo, ani gemo huʼnanaʼmofeʼmo ala vekaʼapimo yagaika neʼapatana kini vekamo maiʼnapiye, huno afi geʼnigenoʼaeʼmo, he, ani gemo alagi lama gemo nehane. Itaʼnimoʼmo alino nateʼnigeʼnaeʼmo magoke kavaʼmo huʼna lama geleʼmo ha maesuvafeʼmo ma mopafiʼmo afole aiʼnove. Muki vayaʼmo lama gemo ao vayaʼmogi geʼnimo neʼafiye, huno ha paiʼnigeno
Nagaemo afaʼa maisaya yaʼmo neʼapamiya peleti mayamo kokuʼnapatiʼmo emineʼniya peleti mayagana huʼna maiʼnove. Ina lagimo ani peleti mayamo neʼnisafigeʼa muki afinaʼmo afaʼa maige maige huʼa maigae. Apamisuva peleti mayamo nagufafati nameʼanimo haneʼniye. Ma mopafi vayaʼmo afaʼa maige maige huʼa maisayafeʼmo nameʼanimo apamiguve, huno hapa paiʼniye.
mago avoʼmo kaeka namiyo. Nagaemo ani avoʼmo alininuʼna Namasakasi taonifiʼmo mono huʼa neʼapataya vayaʼaiteʼmo yagaiʼa neʼapataya vayaʼmo apamisugeʼa ageteʼa naha maesageʼna Yesu kateʼmo neʼvaya ve aʼneʼmo apakeʼna apavaleʼna kalavusi huʼna apateteʼna Yulusalemu taonifiʼmo apavaleliʼna egauve, huno ha paiʼniye.
Mono huʼa neʼapataya vayaʼmogimo Gotiʼmo ofalinimo neʼamiya kava huʼna alagepa faigoko geʼaletiʼmo aliʼyaʼmo neʼaliʼnaeʼmo alu nofi vayaʼmo apavaleliʼna eʼna ani ofalinimo Gotiʼmo amigesuve. Aote Aunemeʼamoʼmo apavaleno apaote apatesigeʼa alagepa ofalinieʼmo Gotiʼa amuse hisiya agufa ofalini yakana huʼa maisageʼna amiguve.
Muki vayaʼamogi, Yesuʼa Kalaisi vekamo oʼmaiʼniye, huʼa aeʼa hakalo huʼa hapa nepaiya vayaʼai apaipafiʼmo muki yaʼmo Afoʼamoʼmo avaleʼa oʼateʼnae. Muki vayaʼamogimo, Yesuʼa Kalaisi vekamo maiʼniye, huʼa aeʼa hakalo huʼa hapa nepaiya vayaʼai apaipafiʼmo muki yaʼmo Afoʼamoʼe Mafaʼneʼaʼeʼmo anavaleʼa anateʼnageʼana neʼmaiʼae.
Lagaemo ageʼnonana Goti Mafaʼneʼamo emineno lama ge Gotiʼa ageta alagepa hisunafeʼmo lagesamo afisuna yaʼmo lamiʼniye. Lagaemo lama ge vekafiʼmo maiʼnetaeʼmo Mafaʼneʼamo Yesu Kalaisipiʼmo maiʼnone. Ani vekamo lama ge Gotiʼa maiʼnenoʼaeʼmo alagepa huta maige maige huta maisuna yaʼmo afoʼamoʼmo maiʼniye.
Muki vayaʼamogi Kalaisiʼa alino apaya maleʼniya geleʼmo atafauʼa alagi huʼa oʼmaiʼnisayana Gotiʼa avaleʼa apaipafiʼmo oʼateʼnae. Muki vayaʼamogi Kalaisiʼa alino apaya maleʼniya geleʼmo atafauʼa alagi huʼa maiʼnisayana Gotiʼa avaleʼa apaipafiʼmo ateʼnageno maiʼnigeno Mafaʼneʼaʼeʼmo apaipafiʼmo maiʼniye.
Yesu Kalaisiʼa Gotifeʼmo lama ge ava gemo nehiya vekamoʼmo faliʼnaya vayapatiʼmo hogoteno alino he tino ateʼniya yege mafaʼneʼamo maiʼniye. Agaemo ma mopafi ala kini vayaʼaiteʼmo yagaino neʼapateya vekaʼapimoʼa fikumo lapa maeno lapamisigeno lapaipamoʼmo falu hino. Agaemo lagaefeʼmo hau ayamopafiʼmo hauʼnigenoʼaeʼmo hosu kavatimo kolaʼaletiʼmo aeno kalo paeno ataleʼniye.
Ageʼnovana kokuʼnaʼmo halo aiʼnigeno naulagaleʼmo yaveyave hosimo maiʼnigeno ani hosileʼmo fai maiʼniya vekamo agiʼamo aliʼyaʼmo alagi oʼataleno alige gemo oʼataleno huge nehiya vekamae. Mago alu agiʼamo alagi lama geʼageʼmo nehiya vekamae. Agaemo fatago kavaʼaletiʼmo vayaʼai kavaʼapimo alino fako huno apatege kame huno apatege nehiye.
Inagi enisole vekamoʼmo afaʼa neʼmaiya yaʼmo neʼapamiya aniʼmo alopa aniʼmo uno nelamiya aniʼmoʼa aeno ha neleya aniʼmo nave liʼniye. Ani aniʼmo Gotiʼa yagaino neʼapateya siyaʼafatiʼe aikeli sipisipimoʼa yagaino neʼapateya siyaʼafatiʼeʼmo emineno alopa kaʼmo taoni folagapiʼmo haneʼniya kateʼmo uno lamiʼniye. Nelamiya aniʼmo aluga aluga ani agiʼnaleʼmo afaʼa neʼmaiya yaʼmo neʼapamiya yosamo hanege hanege huno haneʼneno magoke kafugafiʼmo tuolofuʼa afinaʼmo muki kaiʼaʼe kaiʼaʼeʼmo alagamo neʼae. Yosa haitaʼamoʼmo alu kotega alu kotegamo maiʼnaya vayaʼmo alino hapageno apatesi yosa haitamo haneʼniye.
Kagaemo Leyotisiya taonifiʼmo maiʼnaya siosi vayaʼaiteʼmo yagaino neʼapateya apa vekalegamo mani kaha nepauva gemo avoʼmo kaeka atalegeno vino. Gotiʼa geʼamo naha paiʼnigeʼna he lama gemo nehuva vekamo maiʼnove. Gotifeʼmo fatago gemo alagi lama geʼamo aeʼna hakalo huʼna hapa nepauva vekamo maiʼnove. Muki yaʼamo Gotiʼa alo huʼniya yaʼmo aepa faiʼnova vekamo maiʼneʼnaeʼmo mani gemo lapa nepauve.
Kagaemo Filatefiya taonifiʼmo maiʼnaya siosi vayaʼaiteʼmo yagaino neʼapateya apa vekalegamo mani kaha nepauva gemo avoʼmo kaeka atalegeno vino. Nagaemo naote vekamo lama geʼageʼmo nehuva vekamoʼnamo Neviniʼa yagaino neʼapateya kava huʼna yagaiʼna apatesuva kiʼmo aliʼnova vekamoʼnamo mani gemo lapa nepauve. Kitamo yakiʼna apateʼnisugeʼapaeʼmo mago vayaʼmogi eʼa kitamo kiʼa oʼapategae. Kitamo ki maleʼnisugeʼapaeʼmo mago vayaʼmogi eʼa kitamo yakiʼa oʼapategae.
ကြော်ငြာတွေ