Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yoni 14:4 - The Keyagana NT and 25 OT books

4 Visuva koʼmo ago agege visuva kaʼmo ago agege huʼnae, huno hapa paiʼnigeno

အခန်းကိုကြည့်ပါ။ ကော်ပီ




Yoni 14:4
13 ပူးပေါင်းရင်းမြစ်များ  

Apakaemo huʼapaeʼmo, Kalaisi vekamo hogoteno agafu kitesigenoʼaekeʼmo ala agiʼamo aligiye, huʼa avoʼmo kae maleʼnaya gemo oʼafiʼnaʼafiye.


Nagaekeʼmo kipaʼapimo maiʼnove. Gotiʼa nagaetetikeʼmo kegiʼya yuʼilagamo eno hainesiya vekamo agufamo alino katino atesigeno alagepa huno maigiye. Eno haineteno uno lamiteno nehunoʼaeʼmo neʼyaʼmo neteno alagepa huno maigiye.


Aliʼyaʼnimo alisayafeʼmo hisaya vayaʼmogi nagae nakamekeʼmo hiyo. Ani kavaʼmo huʼa aliʼyaʼnimo neʼalisaya vayaʼmogi nagae nakamekeʼmo huteʼa uʼna maisuva koteʼmo uʼa maigae. Inagi Afoʼnimoʼmo aliʼyaʼnimo neʼalisaya vayaʼai apakiʼapileʼmo alino asaga huno apategaiye, huno hapa paiʼniye.


Afoʼnimoʼmo maiʼniya koteʼmo maisaya noʼmo asole nokoʼmo haneʼniye. Ohaneʼniyesinana haneʼniye, huʼna lapa opauvesine. Lapakaemo haitapa maisaya noʼmo nagaemo alo hisuvafeʼmo uʼna haiguve.


Nagaemo huʼnaeʼmo, lapataleʼna haiteʼnaeʼmo halate emiʼnegauve, huʼna lapa paiʼnogetapa ago afiʼnae. Nagaefeʼmo lapau lapayamopafiʼmo lapauʼniyesinana Afoʼnimoʼmo ago aeno nagaseʼniya vekalegamo uʼna haisuvafeʼmo lapamogaga neʼaiyesine.


Haiʼna notapimo alo huʼna lapateteʼnaeʼmo nagaegiʼeʼmo magokepi uta haita lokaeta maisunafeʼmo emiʼneʼna lapavalesugeta uta haigune.


Tomasiʼa hunoʼaeʼmo, Ala kava nene, huno, visana koʼmo lagaemo oʼageʼnonaʼmofeʼmo haiya kava huta visana kaʼmo agegaune, huno afi geʼnigenoʼaeʼmo,


Nagaemo Afoʼnimotegatiʼmo ma mopafiʼmo emiʼneʼnove. Halate ma mopamo ataleʼna Afoʼnimotegamo uʼna haiguve, huno hapa paiʼnigeʼapaeʼmo


Muki vayaʼamogi Mafaʼneʼaeʼmo apakesamo afiʼa fatago nehisaya vayaʼmogimo alagepa huʼa maige maige huʼa maisaya yaʼmo ago aliʼnae. Muki vayaʼmogimo Mafaʼneʼamo geʼamo akame nosisaya vayaʼmo Gotiʼa aipamo leno neʼapateya kavaʼamo apakaeteʼmo alagi hanege hanege huno hanegaiyaʼmofeʼmo alagi alagepa huʼa maige maige huʼa oʼmaigae.


Alino nateʼnigeʼna emiʼneʼnova vekamoʼa hauʼniyanageʼa muki vayaʼamogi Mafaʼneʼamo ageʼa aeto huteʼapaeʼmo agaefeʼmo apakesamo afiʼa fatago nehisaya vayaʼmo afaʼa maige maige huʼa maisaya yaʼmo aligae. Aliʼnisageʼna ma mopamo hano hisiya afinaʼmo aliʼna he tiʼna apategauve, huno hapa paiʼniye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ