Yoni 14:31 - The Keyagana NT and 25 OT books

³¹ Ma mopafi vayaʼmogi muki yaʼmo Afoʼamofeʼmo nagaemo nahau nayamopafiʼmo nahauʼniya kavaʼmo agesayafeʼmo muki yaʼmo Afoʼamoʼmo, ina kava huvo, huno naha paiʼniya kavaʼmo akame huʼna nehuve. Mani nopatiʼmo ataleta he tita vigetao.

Yoni 14:31 ပူးပေါင်းရင်းမြစ်များ

Samu 40:8

O Gotiʼnimogae, huʼna, keʼaepa gekamo naipafiʼmo haneʼniye. Kagaemo huvo, huka naha paiʼnana gekamo akame hisuvafeʼmo amuse huteʼna namogaga neʼauve.

Aiyeya 50:5

Ala kava neʼmo Gotiʼa geʼamo afisuvafeʼmo nagesamo alino halo aiʼnigeʼnaeʼmo geʼamo amagiʼna oʼataleʼna aliʼyaʼaletiʼmo ataleʼna aiʼna afe leʼna oʼuʼnove. Mago vayaʼmogimo neʼnamagigeʼnaeʼmo namagisayafeʼmo nakameʼyamo apamige navenanapa nayokaʼmo aliʼa faige apaviʼnamo heʼa natege huʼnageʼnaeʼmo navagage hisiyafeʼmo naugosamo aliʼna fala okiʼnove.

Matiyu 26:39

Apataleno aise afagiʼaleʼmo uno mopafiʼmo agoʼya faiʼneno augosalegatiʼmo mopafiʼmo aino ati kaeno maiʼneno nunumuʼmo hunoʼaeʼmo, Afoʼnimogae, huno, visuva kaʼmo mago alu kaʼmo haneʼnisiyana nagaetegatiʼmo mani kapumo afaʼa alika atalo. Ani gemo huvaʼmonanafa nagaemo nahauʼniya kavaʼmo akame osuka kagaemo kahauʼnisiya kavaʼmo akame huvo, huno nunumuʼmo huʼniye.

Matiyu 26:46

He tita vigetao. Nagae kutulu yaʼmo aliʼniya vekamo ago neʼe, huno hapa paiʼniye.

Luki 12:50

Aniʼmo faleʼa neʼapataya kava huʼa hosu kavatetiʼmo faleʼa nategae. Kana nahaulino neʼvisigeʼna uʼna aliguve.

Yoni 10:18

Mago vekamoʼmo afaʼa maisuva yaʼnimo nayapatiʼmo naha faleno oʼatalegaiyaʼmonanafa nagaiʼnimo nagesa afiteʼna atalegauve. Afaʼa maisuva yaʼnimo ataleteʼna halate alisuvafeʼmo himamuʼnimo ago aliʼnove. Afoʼnimoʼa ani kavaʼmo huvo huno naha paiʼniyaʼmofeʼmae, huno hapa paiʼniye.

Yoni 12:27

Naipamoʼmo atete nehisigeʼnaeʼmo na agufa gemo huguve. Afo, huʼna, nagaetegamo hosu kavaʼmo afole aisiya kavaʼmo alika atalo, huʼna hugufiye. Haʼao. Ani hosu kavaʼmo alisuvafekeʼmo emiʼneʼnove.

Yoni 12:49

Nagaemo mani gemo nagaiʼni nagesafatiʼmo nagesamo afiʼna nosufa muki yaʼmo Afoʼamoʼmo alino nateʼnigeʼna emiʼneʼnova vekamoʼa ani gemo huvo, huno naha paiʼniya gemo nehuve.

Yoni 13:1

Alopa neʼyaʼmo neʼnaya Pasova afinaʼmo ago afole aigefeʼmo hogo huʼnigenoʼaeʼmo Yesuʼa agaiʼamo ago afiʼniyana ma mopamo ataleʼna Afoʼnimotegamo uʼna haisuva afinaʼnimo ago hogo huʼniye, huno afiʼniye. Agaemo ma mopafi maiʼnaya vayaʼamogifeʼmo hau ayamopafiʼmo haume haume eno atupa afinaʼeʼmo hauʼniye.

Yoni 15:9

Afoʼnimoʼmo nagaefeʼmo hau ayamopafiʼmo hauʼniya kava huno lapakaefeʼmo nahau nayamopafiʼmo nahauʼniye. Nahau nayamopafiʼmo nahauʼniya kavapiʼmo aeta hanitapa maiyo.

Yoni 18:11

Yesuʼa Pitafeʼmo hunoʼaeʼmo, naipekamo halate anoʼafiʼmo faika falu kao. Afoʼnimoʼmo namiʼniya kapufi aniʼmo oʼnesufiye, huno ha paiʼniye.

Yoni 4:34

Yesuʼa hunoʼaeʼmo, alino nateʼnigeʼna eʼnova vekamoʼmo hauʼniya kavaʼmo huʼna namiʼniya aliʼyaʼnimo aliʼna hano huʼna atesuva aliʼyaʼmo nagaemo neʼyaʼnigana huno haneʼniyaʼmofeʼmae.

Filipai 2:8

Vayaʼmogi huʼapaeʼmo, ma mopafi vekageʼmo maiʼniye, huʼa ageʼnae. Agaiʼa agiʼaleʼmo alino afepi atetenoʼaeʼmo Goti geʼamo akame huteno faligane, huno huʼniya geleʼefeʼmo akame huteno uno haino hapaiʼniye. He, malipu yosaleʼmo falisiya kavateʼefeʼmo alagi akame huʼniye.