Yoni 14:3 - The Keyagana NT and 25 OT books

³ Haiʼna notapimo alo huʼna lapateteʼnaeʼmo nagaegiʼeʼmo magokepi uta haita lokaeta maisunafeʼmo emiʼneʼna lapavalesugeta uta haigune.

Yoni 14:3 ပူးပေါင်းရင်းမြစ်များ

Yoni 12:26

Aliʼyaʼnimo alisayafeʼmo hisaya vayaʼmogi nagae nakamekeʼmo hiyo. Ani kavaʼmo huʼa aliʼyaʼnimo neʼalisaya vayaʼmogi nagae nakamekeʼmo huteʼa uʼna maisuva koteʼmo uʼa maigae. Inagi Afoʼnimoʼmo aliʼyaʼnimo neʼalisaya vayaʼai apakiʼapileʼmo alino asaga huno apategaiye, huno hapa paiʼniye.

Yoni 14:28

Nagaemo huʼnaeʼmo, lapataleʼna haiteʼnaeʼmo halate emiʼnegauve, huʼna lapa paiʼnogetapa ago afiʼnae. Nagaefeʼmo lapau lapayamopafiʼmo lapauʼniyesinana Afoʼnimoʼmo ago aeno nagaseʼniya vekalegamo uʼna haisuvafeʼmo lapamogaga neʼaiyesine.

Yoni 14:4

Visuva koʼmo ago agege visuva kaʼmo ago agege huʼnae, huno hapa paiʼnigeno

Yoni 17:24

Afo, huʼna, nahauʼniyanagi apavaleka namiʼnana vayaʼnimo nagaetegamo eʼa maiʼneʼa namiʼnana ha le konali yaʼnimo agesayafeʼmo nahauʼniye. Ma mopamo alo osuʼnana afinaʼmo nagaefeʼmo kahau kayamopafiʼmo kahauʼniyaʼmofeʼmo ha le konali yaʼnimo namiʼnane.

Apa 1:11

Maiʼneʼanaeʼmo, Galeliya vayane, huʼana, Na kava higetapaeʼmo kokuʼnapiʼmo aulu nehae. Ani vekamo Yesuʼa lapakae folagapatiʼmo Gotiʼa kokuʼnapiʼmo avalelino uno haiʼnigetapa ageʼnaya kava huno halate eminegaiye.

Lomu 8:17

Goti mafaʼneʼamo maiʼnonaʼmofeʼmo Afotimo yaʼamo alisunafeʼmo mafaʼneʼamo maiʼnone. Kalaisiʼeʼmo Afotimo yaʼmo aligune. Lagaemo agaeʼeʼmo magokepi kana yaʼmo neʼalisunana agaeʼeʼmo ha le konali yaʼamo magokepi aligune.

Filipai 1:23

Lole kavaʼmoʼa heno navayu hulino neʼviye. Ma mopamo ataleʼna uʼna Kalaisiʼeʼmo maisuva naipamo nekaliye.

2 Tesaloniyani 1:12

Na kava hisayafeʼmae. Gotiʼe Ala kava neʼmo Yesu Kalaisiʼeʼmo fikumo lapa maeʼana lapamiteʼana lapaipafiʼmo aliʼyaʼmo alisaʼageʼapaeʼmo vayaʼmogi ani kavaʼmo ageteʼapaeʼmo Ala kava netimo Yesu Kalaisi agiʼaleʼmo aliʼa asaga huʼa atesayafeʼmae. Ani kavaʼmo hisageʼa Kalaisitetiʼmo lapakitapileʼmo aliʼa asaga huʼa lapategae.

2 Timoti 2:12

Alagi oʼataleta kana yaʼmo alime alime neʼvisunana kini vayakana huta agaeʼeʼmo magokepi lokaeta maiʼneta yagaita apategaune. Lagaemo agaefeʼmo oʼageʼnona vekae, huta nehisunana lagaefeʼmo oʼapakeʼnova vayane, huno hugiye.

Himulu 9:28

Ani gelefeʼmo Kalaisiʼa asole vayaʼai hosu kavaʼapimo alino kofisiyafeʼmo magoke afinaʼmo agaiʼa agufamo Gotina amiʼniye. Agaemo henagaʼamo asole vayaʼai hosu kavaʼapimo alino kofisiyafeʼmo ma mopafiʼmo emiʼnoʼmegaifa agaefeʼmo agava neʼmaiya vayaʼai apakufamo alagi alino katino apatesiyafeʼmo apaulagaleʼmo eminegaiye.

Leveleseni 3:21

Nagaemo kamemo huʼa aeʼa neʼapakasaya vayaʼmo apamisugeʼa fai maiʼneʼna yagaiʼna neʼapatova siyateʼmo nagaeʼeʼmo fai maigae. Nagaemo kamemo huʼna aeʼna apakaseʼnogeno afoʼnimoʼmo fai maiʼneno yagaino neʼapateya siyaʼamo namiʼnigeʼna fai maiʼnova kava huʼa nagaeʼeʼmo fai maigae.