Yoni 14:27 - The Keyagana NT and 25 OT books

²⁷ Naipamoʼmo falu huʼnigeʼna maiʼnova kava hutapa lapaipamoʼmo falu huʼnisigetapa maisayafeʼmo nelapamuve. Ma mopafi vayaʼmogi neʼapamiya kava huʼna nolapamuve. Lapausoli hutetapa lapaipamoʼmo atete huʼnisigetapa koli osiyo.

Yoni 14:27 ပူးပေါင်းရင်းမြစ်များ

Yoni 16:33

Lapakaemo nagaepiʼmo maiʼnetapaeʼmo lapaipamoʼmo falu hisiyafeʼmo mani gemo lapa nepauve. Ma mopafiʼmo maiʼnetapaeʼmo hanageke yaʼmo alitapa maigayaʼmonanafa nagaemo kame huʼna ma mopafi kavaʼmo ago aeʼna agaseʼnovaʼmofeʼmo lapakaemo lokiya vaita maiyo, huno hapa paiʼniye.

2 Tesaloniyani 3:16

Ala kava neʼmoʼa apaipamo alino falu huno neʼapateya kavaʼmo aepa vekamoʼmo fikumo lapa maeno lapaminageno muki afinaʼmo muki kavatetiʼmo lapaipamoʼmo falu hino. Ala kava neʼmoʼa mukiʼamogitapaʼeʼmo magokepi lokaeno maino.

Kolosi 3:15

Gotiʼa lapaipamo alino falu huno lapateʼniya kavaʼmoʼa lapaipaleʼmo yagaino lapateno. Gotiʼa magoke vayaʼmo maisageno lapaipamoʼmo falu hisiyafeʼmo keya aeno ge huʼniye. Ani kavaʼmo hutapa maiʼnetapaeʼmo Gotifeʼmo hao ke heyo.

2 Timoti 1:7

Na kava nehiyaʼmofeʼmae. Gotiʼa lamiʼniya Aunemeʼamoʼmo laipafiʼmo aliʼyaʼmo neʼaligetaeʼmo lamoʼya oʼaita himamuʼamo aliʼneta lahau layamopafiʼmo lahauʼnigeta lagesamo neʼafuna kavateʼmo neʼyagaune.

Lomu 15:13

Hemenimo Gotifeʼmo lapavayagunagu hutapa agava neʼmaiya kavaʼmo aepa vekamoʼmo magoʼe huno lapa maeno lapamisigetapa agaefeʼmo lapakesamo afita fatago nehutapaeʼmo magoʼe hutapa lapamogaga aisageno lapaipamoʼmo falu hugiye. Aote Aunemeʼamo himamuʼaletiʼmo magoʼe hutapa lapavayagunagu hutapa agava maisayafeʼmae.

Napa 6:26

Ala kava neʼmoʼa alino maku huno lapaketeno lapaminagetapa lapaipamoʼmo falu hiyo.

Lomu 8:6

Atafa apaipamoʼmo hauʼniya kavafeʼmo hapauʼnigeʼa ani kavafeʼmo apakesamo neʼafiya vayaʼmo nefaliya kavategamo maiʼnae. Aunemeʼamoʼmo hauʼniya kavafeʼmo hapauʼnigeʼa ani kavafeʼmo apakesamo neʼafiya vayaʼmo afaʼa neʼmaiya kavategamo afaʼa maiʼneʼapaeʼmo, Gotiʼa aipamoʼmo falu huno nelate, huʼa nehagenoʼaeʼmo apaipamoʼmo falu nehiye.

Galesiya 1:3

Gotiʼa Afotimoʼe Ala kava netimo Yesu Kalaisiʼeʼmo fikumo lapa maeʼana lapamisaʼageno lapaipamoʼmo falu hino.

Galesiya 5:22

Mani hosu kavaʼmo haneʼniyaʼmonanafa Goti Aunemeʼamoʼmo apaipafiʼmo alagagana huno alagepa kavaʼmo alino afole aino neʼate. Ani alagepa kavaʼmo haneʼniyana hapau apayamopafiʼmo hapauge apamogaga aige magoke apaipa apakesamo alige hosu kavaʼmo halate aeʼa atagaina huʼa osuʼa afaʼa maige yuna apaipa kaliteʼa hapa maege muki afinaʼmo oʼataleʼa alagepa kavaʼmo huge

Samu 29:11

Ala kava neʼmoʼa vayaʼamo lokiyaʼamo apamino. Ala kava neʼmoʼa vayaʼamo alino auleno apateno.

Lomu 5:1

Lagesamo afita fatago huʼnonagenoʼaeʼmo Gotiʼa, naulagaleʼmo fatago vayaʼmo maiʼnae, huno laha paiʼnigeta afitetaeʼmo, aipamo falu huno nelate, huta huteta maiʼnonagenoʼaeʼmo Ala kava netimo Yesu Kalaisitetiʼmo laipamoʼmo falu nehiye.

Yoni 14:1

Yesuʼa hunoʼaeʼmo, Lahapausoli osuge lapaipamoʼmo atete osuge hino. Gotifeʼmo lapakesamo afita fatago huge nagaefeʼmo lapakesa afita fatago huge nehayaʼmofeʼmo oʼataletapa magoʼe hutapa lapakesa afita fatago hiyo.

Aiyeya 9:6

Laha maesiyafeʼmo akanomoʼmo mago mafaʼnemo alino ateʼniye. Afoʼamoʼmo ani mafaʼnemo avaleno lamiʼniye. Agaemo asole vayaʼaiteʼmo yagaino apatesiyafeʼmo kana yaʼmo alino agiʼnaleʼmo kofilino ugiye. Agiʼamo aeʼapaeʼmo, hapau neʼaiya kavaʼmo nehiya vekae, huʼa agi aege gemo huno alino api aino neʼapateya vekae, huʼa agi aege himamuʼage Gotiʼae, huʼa agi aege maige maige huno neʼmaiya Afoʼapimoʼae, huʼa agi aege kini vekamoʼmo alagepa huno yagaino neʼapategeʼa falu apaipa kaliʼa neʼmaiya kavaʼmo aepa vekae, huʼa agi aege hugae.

Samu 112:7

Aipamoʼmo atete nosigeno Ala kava nefeʼmo alino amufa neʼamiye. Hosu kavafeʼmo ava gemo afisiyafeʼmo koli osugiye.

Lomu 5:10

Goti kameʼamo maiʼnonagenoʼaeʼmo mafaʼneʼamo faliʼniya kavatetiʼmo alino ao yaʼmo hu maleʼniyaʼmofeʼmo ao vayaʼmo maiʼnonagenoʼaeʼmo mafaʼneʼamo he tino afaʼa maiʼniya himamuʼaletiʼmo magoʼe huno lagufamo alino katino lategaiye.

Yoni 20:21

Yesuʼa halate hunoʼaeʼmo, lapaipamoʼmo falu hino, huteno, Afoʼnimoʼmo alino nateʼnigeʼna emiʼneʼnova kava huʼna aliʼna lapatesugetapa ugae, huno hapa paiteno

Samu 56:11

Nagaemo Gotife aliʼna amufa amiʼnovaʼmofeʼmo koli osuguve. Vayalafaʼmogimo na agufa kavaʼmo hugae.

Samu 91:5

Apakaemo hanipifeʼmo koli hisaya yafeʼmo kagaemo koli osugane. Kevemoʼmo malage huno eno haniʼniya kava huno yegemo neleya afinaʼmo hosu kavaʼmoʼa malage huno kahaesiya kavafeʼmo koli osugane.

Kolosi 1:20

Hauʼniyanageno kokuʼnapi vayaʼe ma mopafi vayaʼeʼmo agaetetiʼmo alino nanu aeno apatesigeʼa magokepi lokaeʼa maisayafeʼmo hauʼniye. Gotiʼa hauʼnigenoʼaeʼmo Mafaʼneʼamoʼmo malipu yosaleʼmo aino lakiʼniya kolaʼaletiʼmo alino nanu aeno lateʼniye.

Lomu 1:7

Maiʼnayaʼmofeʼmo nagaemo muki Lomu taonifiʼmo maiʼnaya vayaʼmogitapaeʼmo Gotiʼa hau ayamopafiʼmo hauʼnigenoʼaeʼmo lapaote vayaʼamo maisayafeʼmo keya aeno ge huʼniya vayaʼamogitapaeʼmo mani avoʼmo nekaove. Afotimo Gotiʼe Ala kava netimo Yesu Kalaisiʼeʼmo fikumo lapa maeʼana lapamiʼanageno lapaipamoʼmo falu hino.

Aiyeya 54:13

Nagaemo Ala kava neʼmoʼnamo muki mafaʼne anagakamo aliʼna apaya malesugeʼa apakaemo alagi alagepa apaipamokaliʼa maigae.

Samu 85:10

Hau huno apatesiya kavaʼaʼe lama geʼaʼeʼmo eʼana fotu huʼnaʼae. Fatago kavaʼaʼe alino nanu aeno apatesiya kavaʼaʼeʼmo eʼana hanaeʼana neʼnaʼae.

1 Kolitiyani 1:3

Gotiʼa Afotimoʼe Ala kava netimo Yesu Kalaisiʼeʼmo fikumo lahapa maeʼana lapamiʼanageno lapaipamoʼmo falu hino.

Samu 56:3

Nagaemo haiya kanaleʼmo koli nehufi kagaefekeʼmo naha maegane, huʼna aliʼna amufa kamiguve.

Yoni 20:19

Ani afinaʼmo hogote afinaʼmogeʼa hani huʼnigeʼapaeʼmo Yesu geʼamo neʼafiya vayaʼmogi Yu vayaʼaifeʼmo koli huteʼapaeʼmo nopiʼmo loki ae maleʼa maiʼnayaʼmonanafa Yesuʼa aliʼa anupa huʼa maiʼnaya folagapiʼmo he tino maiʼnenoʼaeʼmo, lapaipamoʼmo falu hino, huno hapa paitenoʼaeʼmo

2 Tesaloniyani 1:2

Afotimo Gotiʼe Ala kava netimo Yesu Kalaisiʼeʼmo fikumo lapa maeʼana lapamisaʼageno lapaipamoʼmo falu hino.

Apa 10:36

Gotiʼa mago alagepa gemo Yu vayaʼmogitalegamo alino ateʼnigeno emineʼniye, huʼa huʼnagetapa ago afiʼnae. Ani gemoʼmo hunoʼaeʼmo Yesu Kalaisiʼa muki ma mopafi vayaʼaiteʼmo yagaino neʼapateya vekamoʼmo ma mopafi vayaʼe Gotiʼeʼmo alino nanu aeno apateteno alino magoke apaipamo kalino apateʼniye.

Luki 2:14

Gotiʼa aeno apakaseʼniya vekamo hogote vekamo agiʼaleʼmo alita asaga higetao. Gotiʼa amuse huno neʼapateya vayaʼai apaipamoʼmo falu hino, huʼa huteʼa apataleʼa kokuʼnapiʼmo uʼa haiʼnae.

Luki 1:79

Lagaetegamo enoʼaeʼmo hanipiʼmo fali kavaʼmo auneʼafiʼmo fai maiʼnona vayaʼmogitalegamo ha le yaʼmo lamiteno alagepa kaʼmo Gotiʼeʼmo lokaelita visuna kaʼmo alino lave ligiye, huka hapa paigane, huno huʼniye.

Himulu 13:20

Gotiʼmo Ala kava netimo Yesuʼa hogote vekamo sipisipileʼmo yagaino neʼapateya vekamo kolaʼaletiʼmo hanege hanege huno hanesiya kotalakemo hu maleʼniya kolaʼaletiʼmo faliʼniyatetiʼmo ago alino he tino ateʼniye. Nagaemo Gotiʼa alino nanu aeno lateʼniya vekaeʼmo nunumuʼmo huʼnaeʼmo,

Apa 18:9

Mago haniʼilagamo Poloʼa alagamuna agegekana huno ageteno afiʼniyana Ala kava neʼmoʼa, Koli osuvo.

Matiyu 10:26

Hugayaʼmofeʼmo ma mopafi vayaʼaifeʼmo koli osiyo. Muki huʼa aeʼa ati nekaya kavaʼapimo alino afole aino apave lisigeʼa agegae. Muki huʼa fala nekiya geʼapimo afole yateʼmo huno afole aino hisigeʼa afigae.

Aiyeya 55:12

Lapakaemo kalavusi huʼa lapateʼnaya koʼmo ataletutapa lapamogaga aisageʼna nagaemo lapavaleliʼna visugeno mago hosu yaʼmo lapakaeteʼmo afole oʼaisigeno lapaipamoʼmo falu huʼnisigetapa ugae. Aise avemogiʼe alopa avemogiʼeʼmo lapaulagaleʼmo yokemo hisageʼapaeʼmo muki yosamogimo apayaʼmo amagiʼa apamogaga aigae.

Samu 27:1

Ala kava neʼmo ha le yaʼnimo aepa vekamo maiʼneno nagufamo alino katino neʼnateya vekamo maiʼniyaʼmofeʼmo ina lagifeʼmo koli huguve. Ala kava neʼmo himamuʼnimo aepa vekamo maiʼniyaʼmofeʼmo ina lagifeʼmo atete huguve.

Leveleseni 2:10

Aise afinaʼmo utesigeta kana yaʼmo aligayaʼmofeʼmo koli osiyo. Afiyo, huʼna, Sataniʼa lapamalageka huteno kalavusi huno lapatesigetapa naya loleʼa afinaʼmo hanageke yaʼmo aligae. Lapakesamo afita fatago huʼnaya kavatapileʼmo atafauta alagi huta maime maime utapa faliyo. Nehisageʼnaeʼmo aeʼa neʼapakasaya vayaʼmogi neʼaliya agufa kakolitagana yaʼmo maige maige hutapa maisaya yaʼmo lapamiguve.

Leveleseni 1:4

Nagaemo Yoniʼnamo Esiya kotega haneʼniya seveniʼa siosifiʼmo maiʼnaya vayaʼmogitapaeʼmo mani gemo avoʼmo kaeʼnove. Gotiʼa hogoteno maiʼniyanageno hemeniʼeʼmo neʼmaiyanageno henagaʼamo alagi maisiya vekamoʼmo fikumo lapa maeno lapamisigeno lapaipamoʼmo falu hino. Goti Aunemeʼamoʼmo muki lokiya himamuʼamo seveniʼa himamuʼamo aliʼniya vekamo Gotiʼa yagaino neʼapateya siyamo aulagamo maiʼniya vekamoʼmo fikumo lapa maeno lapamisigeno lapaipamoʼmo falu hino.

Himulu 7:2

Emalehamuʼa kamemo huno aeno apakaseteno kagemi yaʼapimo aliʼniya kagemiyapatiʼmo alino fako huno teniʼa hetamamo maleteno ani hetamafatiʼmo magoke hetamamo taisimo Melikisetekiʼa amiʼniye. Inagi Melikisetekiʼae agimo hogote aepaʼamo haneʼniyana fatago kavaʼageʼmo nehiya kini vekamae. Selemi taonifiʼmo maiʼnaya vayaʼaiteʼmo yagaino neʼapateya kini vekamo maiʼniyaʼmofeʼmo agiʼafiʼmo lole aepaʼamo haneʼniyana alagepa huʼa magokepi lokaeʼa maiʼnaya taonifiʼmo yagaino neʼapateya kini vekamo maiʼniye.

Yoni 20:26

Anaga hogote salefiʼmo halate geʼamo neʼafiya vayaʼmo nopiʼmo Tomasiʼeʼmo magokepi lokaeʼa maiʼnae. Kitaleʼmo loki ae maleʼnayaʼmonanafa Yesuʼa aliʼa anupa huʼa maiʼnaya folagapiʼmo he tino maiʼnenoʼaeʼmo, lapaipamoʼmo falu hino, huno hapa paiteno

Samu 28:3

Kagaemo hosu vayaʼe hosu kavaʼmo nehaya vayaʼeʼmo hosu kotegamo apavalelika visana afinaʼmo apakaeʼeʼmo magokepiʼmo navalelika oʼuvo. Apakaemo hapaopaleʼmo maiʼnaya vayaʼaifeʼmo huʼapaeʼmo, Magokepiʼmo alagepa huta maigune, huʼa nehayaʼmonanafa hosu kavaʼmo hisaya kavaʼmo apaipafiʼmo havaiteʼniye.

Neniyo 4:1

Kini vekamo Nepukanesaʼmo muki kotega maiʼnaya vayaʼaitegagi muki nofi vayaʼaitegagi muki alu apake alu apake neʼaiya vayaʼaitegagi huno ge huno atalegeno uneno huʼniye. Agaemo ina ge huno huʼniye. Lapaipamoʼmo falu huʼninagetapa alagepa hutapa maiyo.

Mai'naya kavane 3:25

Ala kava neʼmoʼa naha maegaiye, huka kagesamo afiganaʼmofeʼmo malage huno koli kavaʼmo afole aisigeka koli osuvo. Ala kava neʼmoʼa kaha maesigeʼa vayaʼmogi aneʼaimo hanagi maleʼnisageno kaiyaleʼmo oʼatafaugayaʼmofeʼmo hosu vayaʼmogimo hanageke yaʼmo kamisaya afinaʼmo koli osuvoe.

Leveleseni 21:8

Maigayaʼmonanafa vayaʼaifeʼmo koli huteʼa Goti geʼamo neʼatalaya vayanagi apakesamo afiʼa fatago nosaya vayanagi alagi faipa vayanagi vayaʼmo neʼapamagiya vayanagi kumai kavaʼmo nehaya vayanagi Satani himamuʼaletiʼmo noʼagaya agufa apaune kavaʼmo nehaya vayanagi aigofe gotiʼapimogitefeʼmo mono nehaya vayanagi muki agufa aigofe gemo nehaya vayanagi huʼa ata kotuʼmo sofa yafapiʼmo neleya ata kotupiʼmo maigae. Ata kotupiʼmo maisaya kavaʼmo agiʼamo napa tu afinaʼmo falisaya kavaʼmae.

Galesiya 6:16

Gotiʼa mani avoʼmo nekaova gemo akame nehisaya vayaʼmo agaiʼa vayaʼmo muki lama ge Isaleli vayaʼaifeʼmo hau huno apatenageʼa apaipamoʼmo falu hino.

Luki 10:5

Uta haisaya nopiʼmo maiʼnisaya vayaʼaifeʼmo hutapaeʼmo, lapaipamoʼmo falu hino, huta hapa paiyo.

Aiyeya 57:19

Ala kava neʼmoʼa ina gemo hunoʼaeʼmo, Neʼyaʼmo mopafatiʼmo afole neʼaiya kava huno apavayafatiʼmo gemo afole neʼaiye. Nagaemo apavayafiʼmo gemo alo huʼna neʼmalove. Apavayafatiʼmo ge hisageʼa afagi kotegamo maiʼnaya vayaʼe haopaleʼmo maiʼnaya vayaʼmogiʼeʼmo afiteʼapaeʼmo, aipamoʼmo falu huno nelate, huʼa hisageno apaipamoʼmo falu hugiye. Nagaemo vayaʼnimo aliʼna hapageʼna apategauve.

Samu 72:7

Maige maige huno maiʼnisigeʼapaeʼmo fatago vayaʼmo magoʼe huʼa alagepa huʼa maigae. Muki afinaʼmo kaimo nelesigeʼapaeʼmo alagepa huʼa magokepi lokaeʼa maigae.

Kolosi 1:2

Laʼagaemo Kolosi taonifiʼmo maiʼnaya lapaote vayaʼmo Kalaisipiʼmo maiʼnetapaeʼmo oʼataleta alagepa huta maiʼnaya konagatiʼaeʼmo mani gemo avoʼmo nekaoʼae. Afotimo Gotiʼe Ala kava neʼmo Yesu Kalaisiʼeʼmo fikumo lapa maeʼana lapamisaʼageno lapaipamoʼmo falu hino.

Luki 12:4

Nao vayaʼmogitapae, huʼna, ma mopafi vayaʼaifeʼmo koli osiyo. Afaʼa lapaesageta faligayaʼmonanafa magoʼe huʼa lapakafu kisiya yaʼmo aliʼa olapamigae.

Neniyo 6:25

Inagi Kini vekamo Naliyasiʼmo ani kava huno avoʼmo kaeʼniyana; Muki kotega vayaʼaifenagi muki nofi vayaʼaifenagi muki alu apake alu apakemo neʼaiya vayaʼaifenagi huʼna hapa paiʼnaeʼmo, Alagepa hutapa maiyo, huʼna lapa nepauve.

Aiyeya 12:2

Afiyo, huʼa, Gotiʼa nagufamo alino katino neʼnateya vekamo maiʼniye. Ala kava neʼmoʼa mago agiʼamo Yamo nagaemo lokiya vaiʼna neʼmauva kavaʼmo nehiyanageʼna agiʼaleʼmo aliʼna asaga hisuva yokemo huguvaʼmofeʼmo nagaemo agaefekeʼmo aliʼna amufa amiʼnaeʼmo koli osuguve. Agaemo nagufamo alino katino neʼnateya vekamo hamaleʼniye.

Samu 11:1

Nagaemo hakumo alino ataleno yagaino natesiyafeʼmo Ala kava nefeʼmo aliʼna amufa amiʼnovaʼmofeʼmo na agufa gemo hutapaeʼmo, namagana huka avelegamo halelika kaune ho, hutapa naha paigae.