Yoni 14:26 - The Keyagana NT and 25 OT books

²⁶ Hemenimo lapa nepauvaʼmonanafa muki yaʼmo Afoʼamoʼmo aote Aunemeʼamoʼmo lapa maesiya vekamo nagiʼniletiʼmo alino atesigeno lapakaetegamo emineno muki geʼamo alino lapaya maleteno lapaipa lapakesamo alino he tino lapatesigetapa lapa nepauva geeʼmo lapakesa afita ho hugae.

Yoni 14:26 ပူးပေါင်းရင်းမြစ်များ

Samu 51:11

Kagaetegatiʼmo alika naha faika oʼnataleka kaote Kaunekameʼmo nagaepatiʼmo oʼaliyo.

Aiyeya 54:13

Nagaemo Ala kava neʼmoʼnamo muki mafaʼne anagakamo aliʼna apaya malesugeʼa apakaemo alagi alagepa apaipamokaliʼa maigae.

Aiyeya 63:10

Hapa maeʼniyaʼmonanafa aiyafiʼmo oʼmaigune, huʼa huteʼa Aote Aunemeʼamo aipa kana yaʼmo amiʼnayaʼmofeʼmo Gotiʼa aino afe leno kame vekaʼapigana huno maiʼneno kame huno apateʼniye.

Matiyu 1:18

Yesu Kalaisiʼa itaʼamoʼmo alino ateʼniya kavaʼmo ina kavaʼmo huno afole aiʼniye. Yosefeʼa Maliyaʼmo lekana pai maleʼniyaʼmonanafa agaeʼeʼmo magokepi lokaeʼana ohavaeʼnaʼagenoʼaeʼmo aote Aunemeʼamoʼmo aipaguʼmo amiʼnigeno ageʼniye.

Matiyu 1:20

Agesamo afiteno alagamuna ageyana Ala kava neʼmo enisole vekamo agaetegamo emineʼnigeno ageʼniye. Enisole vekamoʼmo ha painoʼaeʼmo, Nevini aginago vekamo Yosefeyo, huno, aote Aunemeʼamoʼmo aipaguʼmo amiʼniyaʼmofeʼmo akamo Maliyaʼa alisanafeʼmo koli osuvo.

Matiyu 28:19

Namiʼniyaʼmofeʼmo uta muki alu nofi alu nofi vayaʼmo alita apaya malegeʼapao geʼnimo afisaya vayaʼmo hamaleyo. Hamalesagetapaeʼmo Afoʼnimo agiʼaletinagi mafaʼneʼamoʼna nagiʼniletinagi aote Aunemeʼamo agiʼaletinagi hutapa aniʼmo faleta apateyo.

Matiyu 3:11

Nagaemo lapaipamo alita afe leʼnaya kavatefeʼmo aniʼaletikeʼmo faleʼna nelapatovanageno nagae nakame huno esiya vekamoʼmo Goti Aote Aunemeʼaletiʼe ataletiʼeʼmo aniʼmo faleno lapategaiye. Agaemo lokiyaʼamoʼmo nagaemo lokiyaʼnimo ago aeno naga seʼniyaʼmofeʼmo afa vekamo maiʼneʼna aliʼyaʼamo neʼaluva agufa vekaʼagana huʼna maiʼnovanageʼna suʼamo aliniʼna visuva kavaʼmo huʼna afaʼa oʼmaiʼnove.

Maki 12:36

Aote Aunemeʼamoʼmo Neviniʼmo mago gemo alino amiʼnigeno hunoʼaeʼmo, Ala kava Neʼmoʼa Ala kava neʼnieʼmo hunoʼaeʼmo, lamaga nahaopaleʼmo faika maime maime neʼugeʼnao kame vayakamo apamagisugeʼa kaiya afeʼalumenaga maigayanagi, huno huʼniye.

Maki 13:11

Lapatafauteʼa agoti huʼa lapatesayafeʼmo lapavaleliʼuʼa apamisagetapaeʼmo hogoteta hutapaeʼmo, na agufa ge huta hugupi, hutapa osuta ani afinaʼmo Gotiʼa alino lapamisiya gemo hapa paiyo. Lapakaemo hapa opaigafa Aote Aunemeʼamoʼa hapa paigiye.

Luki 1:15

Goti aulagaleʼmo ala agi vekamo maigiye. Lokiya aniʼmo neteʼa negi nehaya agufa aniʼmo oʼnegaiye. Itaʼamoʼmo alino atesiya afinatetiʼmo Aote Aunemeʼamoʼmo aipafiʼmo havai teno maigiye.

Luki 1:35

Aote Aunemeʼamoʼmo Goti himamuʼamo hiyakana huno kagaeteʼmo eminesigeka alika atesana mafaʼneeʼmo, aote vekamo Goti Mafaʼneʼae, huʼa agi aegae.

Luki 1:41

Ilisameteʼmo ageʼniyana aipafiʼmo maiʼniya mafaʼnemoʼmo fanagu panage huʼnigeno Aote Aunemeʼamoʼmo Ilisamete aipafiʼmo havai teʼniye.

Luki 1:67

Afoʼamoʼmo Sekalaiyasi aipafiʼmo Aote Aunemeʼamoʼmo havai teʼnigeno Gotitegati aune gemo alinineno aeno hakalo huno hapa painoʼaeʼmo,

Luki 11:13

Lapakaemo hosu vayaʼmo maiʼnayaʼmonanafa mafaʼnetapimo alagepa yaʼmo alita neʼapamiya agufa kavaʼmo huno kokuʼnapi afotapimofeʼmo kaote Kaunekameʼmo alika namiyo, huʼa ge huʼa afi gesaya vayaʼmo afaʼa magoʼe huno alino apamigiye, huno hapa paiʼniye.

Luki 2:25

Mago vekamo Yulusalemu taonifiʼmo maiʼniya vekamo agiʼamo Simiyoniʼa fatago kavaʼmo huno Goti keʼaepa geʼamo akame huteno Isaleli vayaʼmo hapau vaisiya afinafeʼmo agava maiʼniye. Aote Aunemeʼamoʼmo agaeteʼmo eminenoʼaeʼmo,

Luki 24:49

Afiyo, huno, Afoʼnimoʼmo polomasi gemo hunoʼaeʼmo, Nauneʼnameʼmo aliʼna lapamiguve, huno lapa paiʼniyanageʼna Goti Aunemeʼamo aliʼna atesugeno emineno lapakaeʼeʼmo maigiye. Emiʼnegaiyaʼmonanafa hogoteta uta Yulusalemu taonifikeʼmo agava maime maime neʼvigenoʼao Goti Aunemeʼamoʼmo emineno lokiya vaino lapategaiye, huno hapa paiʼniye.

Yoni 1:33

Ageʼnovana ina lapi huʼna oʼageʼnovaʼmonanafa aniʼmo faleʼna apatesuvafeʼmo alino nateʼnigeʼna eʼnova vekamoʼmo, Nauneʼnameʼmo emineno mago vekaleʼmo maige maige huno maisigeka agegane. Ani vekamoʼmo naote Nauneʼnametetiʼmo aniʼmo faleno apatesiya vekamo maiʼniye, huno naha paiʼnigeʼnaeʼmo

Yoni 12:16

Ani afinaʼmo geʼamo neʼafiya vayaʼmogi ani kavaʼmo aepaʼamo ageʼa aeto osuʼnayaʼmonanafa Yesuʼa faliʼniyatetiʼmo alino he tino ateʼnigeno kokuʼnapiʼmo uno haino maiʼnigeʼapaekeʼmo Yesufeʼmo ava gemo huno avoʼmo kae maleʼniya ava geeʼmo apakesamo aino halo aiʼnigeʼapaeʼmo, he, ani kavaʼmo Yesutegamo ago afole aiʼniye, huʼa apakesa afiʼa ho huʼnae.

Yoni 14:16

Nagaemo muki yaʼmo Afoʼamofeʼmo nunumuʼmo hisugeno magoʼe huno lapa maesiya vekamo emineno lapakaeʼeʼmo muki afinaʼmo alagi magokepi lokaeno maisiyafeʼmo lapamigiye.

Yoni 14:25

Lapakaeʼeʼmo magokepi lokaeʼna maiʼneʼnaeʼmo mani gemo lapa nepauve.

Yoni 15:26

Nagaemo lapa maesiya vekamo alagi lama gemo aepa Aunemeʼamo Afoʼnimotegatiʼmo aliʼna atesugeno emineno nagaefeʼmo faigoko geʼnimo hugiye.

Yoni 16:7

lama gemo lapa nepauve, huno, lapa maesugetapa magoʼe huta alagepa hutapa maisayafeʼmo lapataleʼna uʼna haiguve. Lapataleʼna ohaisuvana lapa maesiya vekamo aliʼna atesugeno lapakaetegamo emi noʼmegaiyaʼmonanafa lapataleʼna uʼna haisuvaʼmoʼmo lapa maesiya vekamo aliʼna atesugeno eminegaiye.

Yoni 2:22

Gotiʼa faliʼniyatetiʼmo halate alino he tino ateʼnigeʼapaeʼmo geʼamo neʼafiya vayaʼmogi ani huʼniya geʼaeʼmo apakesamo afiʼa ho huteʼapaeʼmo Goti Mukufiʼmo avoʼmo kae maleʼniya geʼe Yesuʼa huʼniya geʼeʼmo apakesa afiʼa fatago huʼnae.

Yoni 20:22

apakaeteʼmo avamusaʼmo aitenoʼaeʼmo, Aote Aunemeʼamo aliyo, huno hapa paiteno,

Yoni 6:45

Gotitegati gemo alini eʼa aeʼa hakalo huʼa hapa nepaiya vayaʼmogimo Goti mukufiʼmo avoʼmo kaeʼapaeʼmo, Gotiʼa muki vayaʼaina alino apaya malegaiye, huʼa avoʼmo kae maleʼnae. Ani gemo huʼnayaʼmofeʼmo muki yaʼmo Afoʼamoʼmo huʼniya gemo afiteʼa ageʼnaya vayaʼmo mukiʼamo nagaetegamo ete ete nehae.

Yoni 7:39

Yesuʼa Goti Aunemeʼamo agaefeʼmo apakesamo afiʼa fatago nehaya vayaʼmogi alisaya Aunemeʼaeʼmo ava gemo huno hapa paiʼniye. Ani afinaʼmo Yesuʼa he tino kokuʼnapiʼmo uno haino ha le konali yaʼamo oʼaliʼniyaʼmofeʼmo Goti Aunemeʼamo emi noʼmeʼniya afinaʼmae.

Apa 1:4

Yesuʼe apa vayaʼaʼeʼmo aliʼa anupa huʼa maiʼneʼapaeʼmo hapa painoʼaeʼmo, Yulusalemu taonifatiʼmo ataletapa oʼuta maiʼniyo. Afoʼnimoʼmo hunoʼaeʼmo, lapakaetegamo aliʼna atesugeno emiʼnegaiye, huno naha paiʼnigeʼna ava gemo huʼna lapa paiʼnova vekaeʼmo agava maiyo.

Apa 1:8

Oʼafigayaʼmonanafa Goti Aunemeʼamo aote Aunemeʼamo lapakaeteʼmo emineno lokiya vaino lapatesigetapa Yulusalemu taonifinagi muki Yutiya kotegagi Sameliya kotegagi muki ma mopamo loleʼe loleʼe atupalegagi hutapa nava gemo aeta hakalo hutapa hapa paimale hapa paimale hugae, huno hapa paitegenoʼaeʼmo

Apa 11:16

Ageteʼnaeʼmo Ala kava neʼmoʼa hunoʼaeʼmo, Yoniʼa aniʼaletikeʼmo faleno apateʼniyaʼmonanafa nagaemo Goti Aunemeʼaletiʼmo faleʼna lapategauve, huno laha paiʼniya geʼaeʼmo nagesa afiʼna ho huʼnove.

Apa 13:2

Ani vayaʼmogimo Ala kava nefeʼmo mono huge neʼyaʼmo mosige huʼa maiʼnagenoʼaeʼmo Goti Aunemeʼamo aote Aunemeʼamoʼmo hapa painoʼaeʼmo, Nagaemo Manamasiʼe Soloʼeʼmo aliʼyaʼnimo alisaʼafeʼmo keya aeʼna ge huʼnovanagi alitana anaote anategeʼanao, huno hapa paiʼniye.

Apa 13:4

Goti Aunemeʼamoʼmo Manamasiʼe Soloʼeʼmo alino anateʼnigeʼana uʼana lamiʼana Selusiya taonifiʼmo uʼana avaʼyi huteʼana sipifiʼmo uʼana haiteʼana aniʼmo lakaeʼana Saipalasi ani agoʼnanenafiʼmo uʼnaʼae.

Apa 15:28

Goti Aunemeʼamoʼe lagaeʼeʼmo magoke laipa lagesamo aliʼneta magoʼe huno kana huʼniya gemo lapa opaita ani kavaʼageʼmo hiyo, huta nehune.

Apa 15:8

Gotiʼa muki vayaʼai apaipafiʼmo neʼapakeya vekamoʼa kanalene, huno huteno Aunemeʼamo lamiʼniya agufa kavaʼmo huno apamiʼniye.

Apa 16:6

Apakaemo Filisiya kotegaʼe Galesiya kotegaʼeʼmo umenitata huʼa maiʼnagenoʼaeʼmo Goti Aunemeʼamoʼmo Esiya kotegamo uʼa Goti geʼamo aeʼa hakalo huʼa hapa opaisayafeʼmo ka akanino apateʼniye.

Apa 2:33

Gotiʼa ago alino he tino ateteno kokuʼnapiʼmo avalelino uno haino lamaga haopaleʼmo ateʼnigeno maiʼniye. Muki yaʼmo Afoʼamoʼmo hogoteno, kamiguve, huno ha paiʼniya Aunemeʼamo ago amiʼnigeno Yesuʼa Goti Aunemeʼamo aniʼmo lakigekana huno alino ateʼnigeno emineʼnigetapaeʼmo hemenimo lapakaemo ani afole aiʼniya kavaʼmo ago agetetapa afiʼnae.

Apa 2:4

Goti Aunemeʼamo aote Aunemeʼamoʼmo muki vayaʼai apaipafiʼmo faleno uno haino havai teteno apavenafuʼnamo alino afe leʼnigeʼapaeʼmo alu apake alu apakemo aepa faiʼa aiʼnae.

Apa 20:28

Goti Aunemeʼamoʼmo sipisipi vayaʼaiteʼmo yagaitapa apatesaya vayatama vayane, huno lekana paino lapateʼniyanagi lapakaitapileʼmo alagepa hutapa yagaiʼnetapa mukiʼamo magoke anaga vayaʼmo sipisipi vayaʼaiteʼmo alagepa hutapa yagaitapa apateyo. Gotiʼa agaiʼa siosi vayaʼamo kolaʼaletiʼmo miya faino neʼapateya sipisipi vayaʼamo maiʼnayanagi alagepa huta yagaitapa apateyo.

Apa 20:35

Ani kava nehuʼnaeʼmo apayamufa ohaneʼniya vayaʼmo hapa maegaune, huʼna aliʼna lapave liʼnove. Ala kava neʼmo Yesuʼa hunoʼaeʼmo, Fiku hapa maeʼa neʼapamiya vayaʼmogimo apamiʼnageʼa neʼaliya vayaʼmo aeʼa apakaseʼa aulena vayaʼmo maiʼnae, huno huʼniya geʼaeʼmo alagepa hutapa lapakesa afitapa ho hiyo, huno hapa paiʼniye.

Apa 28:25

Alu apakesa alu apakesamo afiteʼa ataleʼa uʼnae. Ataleʼa oʼuʼnagenoʼaeʼmo Poloʼa hogoteno hapa painoʼaeʼmo, Goti Aunemeʼamo aote Aunemeʼamoʼmo Aiyeyafeʼmo lama gemo ha paiʼnigeno Aiyeyaʼa lapakinago vayaʼaifeʼmo ani gemo hapa paiʼniye. Goti Aunemeʼamoʼmo ani gemo hunoʼaeʼmo,

Apa 5:3

Pitaʼa hunoʼaeʼmo, Ananaiyasiyo, huno, Na kava higeka Sataniʼmo ateʼnanageno kaipafiʼmo faleno uno haiʼnigeka mago vekamoʼmo mago mopamo miya faiʼniya monimo alika fako huka maleteka eka Goti Aunemeʼaeʼmo aigofe gemo huʼnane.

Apa 7:51

Lapaipa lapakesamo akaniʼniya vayaʼmogitapae, huno, Goti geʼamo noʼafiya nofi vayakana hutapa maiʼnageno Goti geʼamo afisayafeʼmo lapaipa lapakesamo aino halo noʼaiye. Lapakinago vayaʼmogi huʼnaya kava hutapa muki afinaʼmo Goti Aunemeʼamoʼmo lapakaefeʼmo ge nehiya gemo ataletapa maitapa halove nehae.

Apa 7:55

Goti Aunemeʼamoʼmo Sitiveni aipafiʼmo haino havai teʼnigenoʼaeʼmo Sitiveniʼa kokuʼnapiʼmo aulu heno ageyana Goti ha le konali yaʼamoʼmo aeno ha leʼnigeno Yesuʼa Goti lamaga haopaleʼmo he tino maiʼnigeno ageʼniye.

Lomu 14:17

Na kava higetapaene. Gotiʼa neʼyaʼe aniʼeʼmo neʼnaya kavateʼmo yagaino noʼapatefa Goti Aunemeʼamoʼmo laipafiʼmo maiʼnigeta fatago kavaʼmo nehunagenoʼaeʼmo laipamoʼmo falu huʼnisigeta lamogaga aisuna kavatekeʼmo yagaino nelate.

Lomu 15:13

Hemenimo Gotifeʼmo lapavayagunagu hutapa agava neʼmaiya kavaʼmo aepa vekamoʼmo magoʼe huno lapa maeno lapamisigetapa agaefeʼmo lapakesamo afita fatago nehutapaeʼmo magoʼe hutapa lapamogaga aisageno lapaipamoʼmo falu hugiye. Aote Aunemeʼamo himamuʼaletiʼmo magoʼe hutapa lapavayagunagu hutapa agava maisayafeʼmae.

Lomu 15:16

Mono huʼa neʼapataya vayaʼmogimo Gotiʼmo ofalinimo neʼamiya kava huʼna alagepa faigoko geʼaletiʼmo aliʼyaʼmo neʼaliʼnaeʼmo alu nofi vayaʼmo apavaleliʼna eʼna ani ofalinimo Gotiʼmo amigesuve. Aote Aunemeʼamoʼmo apavaleno apaote apatesigeʼa alagepa ofalinieʼmo Gotiʼa amuse hisiya agufa ofalini yakana huʼa maisageʼna amiguve.

Lomu 5:5

Gotiʼa aote Aunemeʼamo lamiʼnigeno Aunemeʼamoʼmo Gotiʼa lagaefeʼmo hau ayamopafiʼmo hauʼniya kavaʼamo laipafiʼmo ago alino laki maleʼniye. Lakiʼnigeta ageʼnonaʼmofeʼmo lavayagunagu huta agava neʼmauna kavatefeʼmo laipamoʼmo kana hisigeno hosu laipamo okaligiye.

1 Kolitiyani 12:3

Uʼnayaʼmofeʼmo mani gemo afisayafeʼmo nahauʼniyanagi Goti Aunemeʼamoʼmo alino he tino neʼapateya vayaʼmogimo, Yesuʼa hosu vekamo maiʼniyanageno alagi afela hegaiye, huteʼa afaʼa huʼa faipa huʼa noʼatae. Goti Aunemeʼamoʼmo alino he tino oʼapateʼnisiyana Yesufeʼmo Ala kava neʼmo maiʼniye, huʼa afaʼa osugae.

1 Kolitiyani 6:19

Lapakufamo aote Aunemeʼamo mono noʼamo haneʼniye, hutapa oʼafiʼnafiye. Gotiʼa Aunemeʼamo ago lapamiʼnigeno lapaipafiʼmo neʼmaiye. Lapakaemo lapakaitapi vayaʼmo oʼmaiʼnafa Yesu Kalaisiʼa lapakaemo ago miya faiʼniyaʼmofeʼmo lapaunelapamepatiʼe lapakufaletiʼeʼmo Goti agiʼalekeʼmo alita asaga hutapa ateyo.

2 Kolitiyani 13:14

Ala kava neʼmo Yesu Kalaisiʼa mukiʼamogitapa fikumo lapa maeno lapamino. Gotiʼa mukiʼamogitapaeʼmo hau ayamopafiʼmo hauʼniya kavaʼamo lapaipafiʼmo haneno. Aote Aunemeʼamoʼmo mukiʼamogitapaʼeʼmo magokepi lokaeno afalu afalu huno maino. He, lama ge.

2 Kolitiyani 6:6

Aʼne anagaʼaitegamo lokiya yaveyave kavaʼmo huge afiteta ageta aeto huge yuna laipamo kalige falu laipamo kalige alita lao yaʼmo huge Aote Aunemeʼaleti kavaʼmo huge laipafatiʼmo lahau layamopafiʼmo lahauge huta maiʼnone.

Efasasi 1:13

Ani kava hutapa lapakaeʼeʼmo alagi mani lama gemoʼmo lapau neʼvaiya kavatefeʼmo alagepa faigoko geʼamo afitetapaeʼmo alita amufa amiʼnae. Lapakaemo Kalaisifeʼmo lapakesamo afita fatago huʼnagenoʼaeʼmo Gotiʼa polomasi gemo hunoʼaeʼmo, Nauneʼnameʼmo apamiguve, huno hu maleʼniya Aunemeʼamo lapamitenoʼaeʼmo lapaipafiʼmo alagena yaʼamo ago hu maletenoʼaeʼmo, vayaʼnimo maiʼnae, huno lapa paiʼniye.

Efasasi 1:17

Nagaemo Ala kava netimo Yesu Kalaisi Gotiʼamo ha le konali yaʼaʼe vekaeʼmo nunumuʼmo huʼnaeʼmo, Kaunekameʼmo apamigeʼapao alagepa apaipa apakesamo aliʼneʼa kageʼa alagepa huteʼa apakesamo afiʼa fatago hiyo.

Efasasi 4:30

Gotiʼa henagaʼamo lapavalesiya afinafeʼmo Aunemeʼaletiʼmo lapakaeteʼmo alagena kavaʼamo ago hu maletenoʼaeʼmo, mafaʼneʼnimo maiʼnae, huno huʼniyaʼmofeʼmo Aote Aunemeʼamoʼmo aipamoʼmo kana hisiya kavaʼmo osiyo.

1 Tesaloniyani 4:8

Keya aeno ge huʼniyaʼmofeʼmo mani gemo oʼafiʼnaya vayaʼmogimo ma mopafi vayaʼmo apakameʼyamo noʼapamifa Aunemeʼamo lamiʼniya Gotikeʼmo apakameʼyamo neʼamiye.

2 Timoti 1:14

Gotiʼa faigoko geʼaleʼmo yagaika atesanafeʼmo kamiʼniye. Ani faigoko geʼaleʼmo laipafiʼmo maiʼniya aote Aunemeʼamo himamuʼaletiʼmo yagaika ato.

Taitasi 3:5

Agaemo fatago kavaʼmo huta alagepa aliʼyaʼmo aliʼnona kavatiletiʼmo lagufamo alino katino olateʼnifa fikumo hau huno latetenoʼaeʼmo lagufamo alino katino lateʼniye. Aunemeʼaletiʼmo alino lateteno hosu kavatimo aeno kalo paeno lateʼnigetaeʼmo saufa vayaʼmo hamaleʼnone.

Himulu 10:15

Agaemo ani kavatetiʼmo laha paiteno Aote Aunemeʼamoʼmo aeno hakalo huno laha painoʼaeʼmo,

Himulu 2:4

Gotiʼa alagena kavaʼaletinagi noʼagaya himamu kavaʼaletinagi ageʼa hapau neʼaiya kavaʼaletinagi huno ha maeno faigoko gemo huno ani gemo alino lokiya vaino ateʼniye. Gotiʼa agesamo afiteno hauʼnigenoʼaeʼmo Aunemeʼamoʼmo himamuʼamo apamete apamete huno apamiʼniye.

Himulu 3:7

Ani kavatefeʼmo Goti Aunemeʼamo aote Aunemeʼamo geʼamo alagepa hutapa afiyo. Agaemo hunoʼaeʼmo, Hemenimo lapakaemo Goti geʼamo neʼafisayana lapaipamo alita lokiya vaita oʼateyo. Lapakinago vayaʼmogimo kaʼme kotegamo nata neʼa neʼuʼapaeʼmo namalageka huʼnae. Geʼnimo ago amagiʼa ataleʼnaya kava hutapa geʼnimo amagitapa oʼataleyo.

Himulu 9:8

Goti Aunemeʼamoʼmo ani kavaʼmo aepaʼaeʼmo hunoʼaeʼmo, hogote seli mono noʼmo afaʼa haneʼniya afinaʼmo anaga aote mono nopiʼmo vayaʼmo uʼa haisaya kaʼmo afole yateʼmo ohaneʼniye, huno huʼniye.

1 Pita 1:12

Gotiʼa hunoʼaeʼmo, lapakaitapilefeʼmo ani aliʼyaʼmo noʼalifa henagaʼamo afole aisaya vayaʼaitefeʼmo ani aliʼyaʼmo neʼaliye, huno hapa paiʼniye. Hemenimo apa vayaʼmogita Aote Aunemeʼamo kokuʼnapatiʼmo alino ateʼnigeno emineʼniya Aunemeʼamo himamuʼaletiʼmo mani alagepa faigoko geʼamo lapa nepaune. Enisole vayaʼmogiʼeʼmo ani kavaʼmo aepaʼamo agesayafeʼmo nehapaiye.

2 Pita 1:21

Na kava higeʼapaene. Goti geʼamo vayaʼmogi hapauʼniya kavatetiʼmo vayaʼai apaipafatiʼmo afole noʼaiyaʼmonanafa Goti Aunemeʼamokeʼmo apaote vayaʼmo kaʼmo alino apaveliʼnigeʼapaekeʼmo Goti geʼamo aeʼa hakalo huʼa hapa paiʼnae.

1 Yoni 2:20

Apakaemo ataleʼa uʼnayaʼmonanafa lapakaeteʼmo aote vekamo Kalaisiʼa uvelimo lakino lapategekana huno Goti Aunemeʼamo lapamiʼnigetapa muki geʼamo afiʼnae.

1 Yoni 2:27

Humi lapatesayafeʼmo nehayaʼmonanafa Kalaisiʼa uvelimo lakino lapategekana huno Goti Aote Aunemeʼamo lapamiʼnigeno alagi maisiyafeʼmo lapaipafiʼmo maiʼniyaʼmofeʼmo mago vayaʼmogi aliʼa lapaya malesaya gemo ohaneʼniye. Goti Aunemeʼamoʼmo muki geʼamo ago alino lapaya maleʼniyaʼmofeʼmae. Ani gemo mago aigofe gemo ohaneʼnifa alagi lama gemo haneʼniye. Agaemo, Kalaisipiʼmo alagi maiyo, huno huteno alino lapaya maleʼniyanagetapa Kalaisipiʼmo alagi maigae.

1 Yoni 5:7

Loleʼe magoʼe vayaʼmo kokuʼnapiʼmo maiʼneʼapaeʼmo ageteʼa ha maeʼa faigoko geʼapimo nehae. Apakaemo Afotimoʼagi Goti Geʼamae huʼa agi neʼaya vekagi Aote Aunemeʼagi huʼa maiʼnayaʼmonanafa magoke Gotiʼa maiʼniye.

Yuti 1:20

Nahauʼniya vayaʼnimogitapae, huʼna, ani kavaʼmo huʼa maiʼnayaʼmonanafa lapakaemo Goti Aunemeʼaletiʼmo nunumuʼmo nehutapaeʼmo lapakesamo afita fatago nehaya kavatapileʼmo lapakaitapimo magoʼe hutapa alita lokiya vaita lapateme lapateme viyo.

Leveleseni 2:11

Agesamo haneʼnisiya vekamoʼmo Goti Aunemeʼamoʼmo siosiʼafi siosiʼafiʼmo maiʼnaya vayaʼaifeʼmo hapa nepaiya gemo afino. Napa tu afinaʼmo nefaliya kavaʼmoʼa kamemo huʼa aeʼa neʼapakasaya vayaʼmo afaʼa ohapaegaiye.