Yoni 14:23 - The Keyagana NT and 25 OT books

²³ Yesuʼa geʼaleʼmo aeno atagaina huno ha painoʼaeʼmo, nagaefeʼmo hapau apayamopafiʼmo nehapaiya vayaʼmogimo geʼnimo akame hugae. Akame hisageno Afoʼnimoʼa apakaefeʼmo hau ayamopafiʼmo hauʼnisigetaʼa agaeʼe nagaeʼeʼmo apakaemo maiʼnisayategamo emitetaʼa magokepi lokaetaʼa maige maige huta maigune.

Yoni 14:23 ပူးပေါင်းရင်းမြစ်များ

Aepa Gemae 1:26

Huteno Gotiʼa hunoʼaeʼmo, lagaemo vayaʼmo lagaitigana huta alo higetao. Apakaemo solovala anipi noyameleʼmo yagaige kokuʼnate namaleʼmo yagaige yuna afugi yagagafagi afela afugi muki ma mopafi yatenagi huʼa yagaige hugae, huno huʼniye.

Aepa Gemae 11:7

Uta lamigetao, lagaemo uta lamita alita fako huta alu apake alu apakemo apamisunageʼa mago vayaʼmogi hisaya gemo mago vayaʼmogi oʼafigae, huno huʼniye.

Samu 90:1

Ala kava nene, huʼna, lagaemo muki afinaʼaeʼmo afole aige aige huta neʼmaunagekaeʼmo kagaemo muki afinaʼmo notigana huka maiʼnane.

Samu 91:1

Hogote Ala vekaʼapimo fala kino maiʼniyategamo uno haino maiʼniya vekamoʼmo lokiyaʼaʼe vekamo aunefiʼmo fala kino maige maige huno maigiye.

Aiyeya 57:15

Muga anaga vekamo alino asagauno ateʼniya anaga vekamo muki afinaʼmo maige maige huno neʼmaiya vekamo agiʼamo Aote Vekamoʼmo hunoʼaeʼmo, Nagaemo muga anaga aote kotegamo maiʼneʼna hosu kavaʼapieʼmo apaipamo kana huge apakaiʼapimo aliʼa afepi apatege nehaya vayaʼeʼmo magokepi lokaeʼna maiʼnove. Apakaiʼapimo aliʼa afepi neʼapataya vayaʼaina apauneʼapameʼmo aliʼna he tiʼna apatege hosu kavaʼapieʼmo apaipamo kana nehiya vayaʼai apaipamo aliʼna he tiʼna apatege hisuvafeʼmo apakaeʼeʼmo maiʼnove.

Yoni 10:30

Nagaeʼe Afoʼnimoʼeʼmo magoke aiyaya vekalaʼmo maiʼnoʼae, huno hapa paiʼnigeʼapaeʼmo

Yoni 14:15

Nagaefeʼmo lapau lapayamopafiʼmo lapauʼnisiyaʼmoʼmo ina kavaʼmo hiyo, huʼna nehuva gemo akame hiyo.

Yoni 14:17

Gotiʼa Aunemeʼamo alagi lama geʼage aepa Aunemeʼamo lapamigiye. Ma mopafi vayaʼmogimo agaemo oʼageʼnayaʼmofeʼmo ageʼa aeto osuʼnayanageʼa afaʼa oʼagegayaʼmonanafa lapakaeʼeʼmo maiʼniyaʼmofeʼmo ago ageʼnae. Agaemo lapakaeʼeʼmo ago maiʼniyanageno lapakaepiʼmo maigiye.

Yoni 14:21

Vayaʼmogi keʼaepa geʼnimo ma kava hiyo, ina kava osiyo, huʼna hapa nepauva gemo afiteʼa akame nehaya vayaʼmogi nagaefeʼmo hapau apayamopafiʼmo nehapaiya vayaʼmo maiʼnae. Afoʼnimoʼmo nagaefeʼmo hapau apayamopafiʼmo nehapaiya vayaʼaifeʼmo ani kavakeʼmo huno hau ayamopafiʼmo hauʼnisigeʼna nagaeʼeʼmo ani kavakeʼmo huʼna nahau nayamopafiʼmo nahauʼnisigeʼna nagaiʼnimo aliʼna apave lisugeʼa nagegae, huno hapa paiʼnigeno

Yoni 14:24

Nagaefeʼmo hapau apayamopafiʼmo nohapaiya vayaʼmogimo geʼnimo alagi akame nosae. Nagesafatiʼmo nagesamo afiʼna mani gemo lapa nopaufa muki yaʼmo Afoʼamoʼmo alino nateʼnigeʼna emiʼneʼnova vekalegatiʼmo mani gemo aliʼna lapa nepauve.

Yoni 15:10

Geʼaepa geʼnimo akame hisayana nahau nayamopafiʼmo nahauʼniya kavapiʼmo aita hapaitapa maigae. Ani kava huʼna Afoʼnimo keʼaepa geʼamo akame nehuʼnaeʼmo Afoʼnimoʼmo hau ayamopafiʼmo hauʼniya kavapiʼmo alagi maiʼnove.

Yoni 16:27

Lapakaemo nagaefeʼmo lapau lapayamopafiʼmo lapauʼnigetapaeʼmo Gotitegatiʼmo emineʼniye, hutapa lapakesamo afita fatago nehayaʼmofeʼmo Afoʼnimoʼmo agaiʼamo lapakaefeʼmo hau ayamopafiʼmo hauʼniye.

Yoni 6:56

Ina lagimo nameʼniʼe kolaʼniʼeʼmo neʼnisafigeʼa nagaepiʼmo maiʼnageʼna apakaepiʼmo maiʼnove.

Yoni 8:51

Lama gemo lapa nepauve, huno, Geʼnimo akame nehaya vayaʼmo ofaligae, huno hapa paiʼnigeʼapaeʼmo,

Yoni 8:52

Hemenimo lagaemo afiʼnonana hosu aune vekamo kaipafiʼmo maiʼniye, huta ago afiʼnone. Emalehamuʼa ago faliʼnigeʼa Gotitegati gemo alini eʼa aeʼa hakalo huʼa hapa nepaiya vayaʼmo ago faliʼnayaʼmonanafa kagaemo hukaeʼmo, geʼnimo akame nehaya vayaʼmo ofaligae, huka nehane.

2 Kolitiyani 6:16

Haiya kava huʼa alo nehaya aigofe gotiʼapimogi Goti aote ha le mono nopiʼmo hanegae. Alu ya alu yaʼmo haneʼnayaʼmofeʼmo ohanegae. Lagaemo afaʼa neʼmaiya Goti aote ha le mono noʼamo maiʼnonaʼmofeʼmae. Gotiʼa ani kavatefeʼmo hunoʼaeʼmo, Nagaemo apakaepiʼmo maiʼneʼna apakae folagapiʼmo umenitata huguve. Gotiʼapimoʼnamo maisugeʼa vayaʼnimo maigae, huno huʼniye.

1 Yoni 2:24

Ani gemo haneʼniyaʼmofeʼmo lapakaemo hogotetapa aepa faitapa afiʼnaya afinatetiʼmo afiʼnaya gemo lapaipafiʼmo alagi hanesiyafeʼmo atafauta alagi hiyo. Aepa faitapa afiʼnaya afinatetiʼmo afiʼnaya gemo lapaipafiʼmo alagi haneʼnisiyaʼmoʼmo Mafaʼneʼafiʼe Afoʼamopiʼeʼmo alagi maigae.

1 Yoni 2:5

Ohaneʼniyaʼmonanafa muki vayaʼmogi Goti geʼamo akame nehaya vayaʼmogimo Gotifeʼmo hapau apayamopafiʼmo nehapaiya kavaʼapimoʼmo uno haino hapaiʼniye. Ani kavatetiʼmo ago ageʼnonana agaepiʼmo maiʼnone.

1 Yoni 4:4

Aise mafaʼneʼnimogitapae, huʼna, lapakaemo Goti mafaʼneʼamo maiʼnetapaeʼmo kamemo hutapa aigofe vayaʼmo ago aeta apakaseʼnae. Lapaipafiʼmo maiʼniya Aunemeʼamoʼa ma mopafi vayaʼai apaipafiʼmo maiʼniya aunemeʼamo ago aeno agaseno maiʼniyaʼmofeʼmae.

1 Yoni 5:3

Gotifeʼmo hapau apayamopafiʼmo nehapaiya kavaʼmoʼa Goti keʼaepa geʼamo ani kavaʼmo hiyo, ina kavaʼmo osiyo, huno huʼniya geʼamo akame nehaya kavaʼmo haneʼniye. Goti keʼaepa geʼamo akame hisuna kavaʼmoʼa kana osuʼniyanageta afaʼa akame hugune.

2 Yoni 1:6

Gotifeʼmo lahau layamopafiʼmo nelahaiya kavaʼmo Goti keʼaepa geʼamo akame nehuna kavaʼmo haneʼniye. Ani gemo hogoteno aepa faino laha paiʼniya afinatetiʼmo afiʼnaya gemo haneʼniyanagi akame hiyo.

Leveleseni 21:22

Ala kava neʼmo Gotiʼa muki lokiyaʼaʼe vekaʼe aikeli sipisipi vekaʼeʼmo aote taonifi mono nokana huʼana maiʼnaʼaʼmofeʼmo mono noʼmo oʼageʼnove.

Leveleseni 21:3

Yagaino neʼapateya vekamo siyaʼaletiʼmo alopa gefatiʼmo ge hunoʼaeʼmo, Ageyo, huno, Gotiʼa hemenimo ma mopafi vayaʼeʼmo magokepi lokaeno maigiye. Agaemo apakaeʼeʼmo magokepi lokaeno maisigeʼapaeʼmo vayaʼamo maigae. Gotiʼa agaiʼamo apakaeʼeʼmo magokepi lokaeno maiʼneno Gotiʼapimoʼmo maigiye.

Leveleseni 22:3

Gotiʼa mago hosu yafeʼmo ohauʼniya yaʼmo alagi ohanegaiye. Gotiʼa yagaino neʼapateya siyaʼe aikeli sipisipimoʼa yagaino neʼapateya siyaʼeʼmo taonifiʼmo haneʼnisigeʼapaeʼmo Goti aliʼyaʼamo neʼaliya vayaʼamogimo Gotifeʼmo mono hugae.