Yoni 14:12 - The Keyagana NT and 25 OT books

¹² Lama gemo lapa nepauve, huno, nagaefeʼmo apakesa afiʼa fatago nehaya vayaʼmogimo nagaemo nehuva agufa kavaʼmo afaʼa hugae. Afoʼnimotegamo uʼna haiguvaʼmofeʼmo nagaemo nehuva kavaʼmo ago aeʼa nagaseʼa magoʼe kavaʼmo hugae.

Yoni 14:12 ပူးပေါင်းရင်းမြစ်များ

Matiyu 21:21

Yesuʼa hunoʼaeʼmo, Lama ge lapa nepauve, huno, lapakesamo afita fatago huʼnetapaeʼmo lole lapakesamo oʼafiʼnisayana fiki yosaeʼmo huʼnova agufa gemo afaʼa hugae. Ani kava hutapa mani aveeʼmo, nokamo atalekuka solovala anipiʼmo asagauka aiyo, hutapa hisageno uno asagauno aigiye.

Maki 16:17

Apakesamo afiʼa fatago nehaya vayaʼmogi ani agufa noʼagaya aune kavaʼmo hugae. Apakaemo nagiʼniletiʼmo hosu apaune vayaʼaina aliʼa hapa faiʼa apatalege saufa apakemo aige

Yoni 14:28

Nagaemo huʼnaeʼmo, lapataleʼna haiteʼnaeʼmo halate emiʼnegauve, huʼna lapa paiʼnogetapa ago afiʼnae. Nagaefeʼmo lapau lapayamopafiʼmo lapauʼniyesinana Afoʼnimoʼmo ago aeno nagaseʼniya vekalegamo uʼna haisuvafeʼmo lapamogaga neʼaiyesine.

Yoni 16:7

lama gemo lapa nepauve, huno, lapa maesugetapa magoʼe huta alagepa hutapa maisayafeʼmo lapataleʼna uʼna haiguve. Lapataleʼna ohaisuvana lapa maesiya vekamo aliʼna atesugeno lapakaetegamo emi noʼmegaiyaʼmonanafa lapataleʼna uʼna haisuvaʼmoʼmo lapa maesiya vekamo aliʼna atesugeno eminegaiye.

Yoni 4:37

Vayaʼmogi huʼapaeʼmo, mago vekamoʼmo avina yaʼmo nehakalegeno alu vekamoʼa neʼyaʼmo neʼaliye, huʼa nehae.

Yoni 5:20

Muki yaʼmo Afoʼamoʼmo mafaʼneʼaeʼmo hau ayamopafiʼmo hauʼnigeno muki nehiya kavaʼamo alino ave neliye. Mani kavaʼmo aeno agaseʼniya kavaʼmo magoʼe huno alino ave lisigeno hisigetapaeʼmo lahapau aigae.

Yoni 7:33

Yesuʼa hunoʼaeʼmo, nagaemo lapakaeʼeʼmo aise afinaʼmo maiteʼna alino nateʼnigeʼna emineʼnova vekalegamo halate uʼna haiguve.

Yoni 7:39

Yesuʼa Goti Aunemeʼamo agaefeʼmo apakesamo afiʼa fatago nehaya vayaʼmogi alisaya Aunemeʼaeʼmo ava gemo huno hapa paiʼniye. Ani afinaʼmo Yesuʼa he tino kokuʼnapiʼmo uno haino ha le konali yaʼamo oʼaliʼniyaʼmofeʼmo Goti Aunemeʼamo emi noʼmeʼniya afinaʼmae.

Apa 16:18

muki afinaʼae afinaʼaeʼmo ani agufa gemo huno hapa paige hapa paige huno maiʼniye. Poloʼa lusi kava huno alagaʼmo haeʼnigenoʼaeʼmo aino afe leno ani hosu aune vekaeʼmo hunoʼaeʼmo, Yesu Kalaisi agiʼaletiʼmo ani aʼmafaʼnemo ataleka emikeno, huʼna kaha nepauve, huno ha nepaigenoʼaeʼmo malage huno ataleno emineʼniye.

Apa 19:12

Apakaemo Poloʼa maleʼniya akasipiʼe lavolavoʼeʼmo alini uʼa kaita hapauʼniya vayaʼai apakufaleʼmo maleʼnageno kaitaʼapimo hapagege hosu apaune vayaʼmo alino hapafaino apatalege huʼniye.

Apa 2:33

Gotiʼa ago alino he tino ateteno kokuʼnapiʼmo avalelino uno haino lamaga haopaleʼmo ateʼnigeno maiʼniye. Muki yaʼmo Afoʼamoʼmo hogoteno, kamiguve, huno ha paiʼniya Aunemeʼamo ago amiʼnigeno Yesuʼa Goti Aunemeʼamo aniʼmo lakigekana huno alino ateʼnigeno emineʼnigetapaeʼmo hemenimo lapakaemo ani afole aiʼniya kavaʼmo ago agetetapa afiʼnae.

Apa 2:41

Hapa paiʼniya geʼaeʼmo apakesamo afiʼa fatago huteʼa apamogaga aiʼnageʼapaeʼmo aniʼmo faleʼa apateʼnae. Ani afinaʼmo asole vayaʼmo tali tauseniʼa vayaʼmo Goti mafaʼnemo hamaleʼnageno Gotiʼa siosi vayaʼaʼeʼmo magokepi alino anupa huno apateʼniye.

Apa 4:16

Mani vekalaʼanitegamo na kava hisune, huʼa apakaiʼapi apakaiʼapimo ge huge afige huʼa maiʼnae. Apakaemo huʼapaeʼmo, Muki Yulusalemu kotega maiʼnaya vayaʼmogimo anakeʼnageʼana noʼagaya agufa lokiya anaune kavaʼmo huʼnaʼageʼa ageʼnayaʼmonanafa osuʼnaʼae, huta afaʼa osugune.

Apa 4:33

Apa vayaʼmogimo Ala kava neʼmo Yesuʼa faliʼniyatetiʼmo he tiʼniya kavafeʼmo magoʼe huʼa himamuʼaletiʼmo ava gemo huʼnagenoʼaeʼmo Gotiʼa alagepa huno fiku hapa maeno apamiʼnigeʼapaeʼmo apakiʼapileʼmo aliʼa asaga huʼa apateʼnae.

Apa 4:4

Ani kavaʼmo huʼnayaʼmonanafa asole vayaʼmogimo geʼamo afiteʼapaeʼmo apakesamo afiʼa fatago huʼnageno vayaʼe ani afinaʼmo apakesamo afiʼa fatago huʼnaya vayaʼeʼmo napaʼapimo faefu tauseniʼa vayaʼmo maiʼnae.

Apa 5:15

Maiʼnayaʼmofeʼmo kaita hapauʼniya vayaʼmo apavaleliʼuʼa kateʼmo apateʼneʼa hipaleʼmo havaeʼa apatege yakaikonamo aiteʼa havaeʼa apatege huʼneʼapaeʼmo, Pitaʼa uneno nehisigenoʼaeʼmo yege auneʼamoʼmo apakufaleʼmo visigeno kaitaʼapimo alino hapagegaiye, huʼa apakesa afiʼnae.

Apa 6:7

Inagi Goti geʼamoʼmo muki haopalegamo aino atagu faeno uneno huʼniye. Yulusalemu taonifiʼmo maiʼnaya vayapatiʼmo Yesu geʼamo neʼafiya vayaʼmo magoʼe magoʼe huʼa afole aiʼnae. Mono huʼa neʼapataya vayaʼmo asole vayaʼmogimo apakesamo afiʼa fatago huteʼa akame huʼnae.

Apa 8:7

Agaemo lokiya kavaʼmo huʼnigeʼapaeʼmo hosu apaune vayaʼmo muki vayaʼai apaipafatiʼmo emiʼeʼapaeʼmo alopa gefatiʼmo ge hu maleʼa ataleʼa apaune heʼnae. Agaemo muki kanage kanaga osuʼa neʼmaiya vayaʼmo alino he tino apatege apaiyamo hosuʼniya vayaʼmo alino api aino apatege huʼnigeʼapaeʼmo

Apa 9:34

Agetenoʼaeʼmo Iniyasiyo, huno, Yesu Kalaisiʼa alino kahageno kateʼnigi he tika yakaikonakamo alika alagepa huka maiyo, huno ha paiʼnigeno malage huno he tiʼniye.

Apa 9:40

Ave liʼnagenoʼaeʼmo Pitaʼa hunoʼaeʼmo, kumatega uta lamiyo, huno hapa paiʼnigeʼa uʼa lamiʼnageno aleʼya faino maiʼneno nunumuʼmo huteno aino afe leno agufaleʼmo ageʼnenoʼaeʼmo, Tamaitao, huno, he tiyo, huno nehigenoʼaeʼmo aulagamo ageno ayakeno Pitaʼmo agetenoʼaeʼmo he tino fai maiʼniye.

Lomu 15:19

Nagaemo Goti Aunemeʼamo himamuʼaletiʼmo noʼagaya agufa lokiya naune kavaʼmo huteʼnaeʼmo aliʼyaʼamo aliʼnove. Nagaemo Kalaisifeʼmo alagepa faigoko geʼamo aeʼna hakalo huʼna hapa pailiʼna uʼneʼna huliʼna Yulusalemu haopalegatiʼmo eʼna muki Ililikamu kotega haopalegamo uʼna hapa paiʼna hano huʼnove.