Yoni 14:10 - The Keyagana NT and 25 OT books

¹⁰ Nagaemo muki yaʼmo Afoʼamopiʼmo maiʼnogeno muki yaʼmo Afoʼamoʼmo nagaepiʼmo maiʼniye, huka kagesamo afika fatago osuʼnapiye. Lapa nepauva gemo nagaiʼni nagesafatiʼmo nagesa afiʼna lapa nopauvaʼmonanafa agaemo muki yaʼmo Afoʼamoʼmo nagaepiʼmo maiʼnenoʼaeʼmo aliʼyaʼamo neʼaliye.

Yoni 14:10 ပူးပေါင်းရင်းမြစ်များ

Yoni 10:30

Nagaeʼe Afoʼnimoʼeʼmo magoke aiyaya vekalaʼmo maiʼnoʼae, huno hapa paiʼnigeʼapaeʼmo

Yoni 10:38

Nehisuvana nagaefeʼmo alagi lama gemo nehiye, hutapa hiyo. Nagaefeʼmo lapakesa afita fatago nosayaʼmonanafa Gotiʼa nehiya agufa kavaʼmo nehisuvana Afoʼamoʼa agaepiʼmo maiʼnigeno agaemo agaepiʼmo maiʼniye, hutapa hisayafeʼmo nehuva kavafeʼmo lapakesa afita fatago hiyo, huno hapa paiʼnigeʼapaeʼmo

Yoni 11:26

Ina lagimo afaʼa maiʼneʼapaeʼmo nagaefeʼmo apakesamo afiʼa fatago nehisafigeʼa ofaliʼa afaʼa maige maige huʼa maigae. Geʼnieʼmo kagesamo afika fatago nehapiye, huno afi geʼnigenoʼaeʼmo,

Yoni 12:49

Nagaemo mani gemo nagaiʼni nagesafatiʼmo nagesamo afiʼna nosufa muki yaʼmo Afoʼamoʼmo alino nateʼnigeʼna emiʼneʼnova vekamoʼa ani gemo huvo, huno naha paiʼniya gemo nehuve.

Yoni 14:11

Muki yaʼmo Afoʼamopiʼmo maiʼnogeno muki yaʼmo Afoʼamoʼmo nagaepiʼmo maiʼniye, huʼna nehuva geeʼmo lapakesamo afita fatago hiyo. Nehuva geeʼmo lapakesa afita fatago nosisayana lokiya kavaʼmo nehuva kavaʼmo agetetapaeʼmo lapakesa afita fatago hiyo.

Yoni 14:20

Ani afinaʼmo afole aisigetapaeʼmo agetapaeʼmo Afoʼamopiʼmo maiʼnigeta agaepiʼmo maiʼnonageno lagaepiʼmo maiʼniye, hutapa nagegae.

Yoni 14:24

Nagaefeʼmo hapau apayamopafiʼmo nohapaiya vayaʼmogimo geʼnimo alagi akame nosae. Nagesafatiʼmo nagesamo afiʼna mani gemo lapa nopaufa muki yaʼmo Afoʼamoʼmo alino nateʼnigeʼna emiʼneʼnova vekalegatiʼmo mani gemo aliʼna lapa nepauve.

Yoni 17:8

Ani kavaʼmo huʼna namiʼnana gemo apamiʼnogeʼa aliteʼapaeʼmo, Gotitegatiʼmo emineʼniye, huʼa nageteʼapaeʼmo Gotiʼa alino ateʼnigeno emineʼniye, huʼa apakesa afiʼa fatago nehae.

Yoni 3:2

Agaemo mago haniʼilagamo Yesutegamo eno, Tisao, huno, lagaemo kageʼnonana Gotiʼa alino kateʼnigeka eka alika apaya neʼmalana vekamo maiʼnane. Gotiʼa kaha oʼmaeʼniyesinana noʼagona agufa kaune kavaʼmo afaʼa nosanesine, huno ha paiʼniye.

Yoni 5:17

Yesuʼa geʼapileʼmo aeno atagaina huno hapa painoʼaeʼmo, afoʼnimoʼmo aliʼyaʼamo oʼataleno muki afinaʼmo alime alime eno hemeniʼeʼmo aliʼyaʼmo neʼaliya agufa kavaʼmo huʼna aliʼyaʼamo neʼaluve, huno hapa paiʼniye.

Yoni 5:19

Yesuʼa hunoʼaeʼmo, alagi lama gemo lapa nepauve, huno, Mafaʼneʼamoʼmo agaiʼamo mago kavaʼmo afaʼa osugiyaʼmonanafa muki yaʼmo Afoʼamoʼmo nehiya kavaʼmo agetenoʼaekeʼmo nehiye. Agaemo nehiya kava huno mafaʼneʼamoʼmo ani agufa kavaʼmo nehiye.

Yoni 7:16

Yesuʼa hunoʼaeʼmo, aliʼna apaya neʼmalova gemo nagaiʼni gemo ohaneʼnifa Gotiʼa alino nateʼnigeʼna emineʼnova vekamo geʼamo haneʼniye.

Yoni 8:28

Inagi Yesuʼa hunoʼaeʼmo, lapakaemo Vemo Mafaʼnemo alita he titapa atetetapaeʼmo, Mesaiya vekamo maiʼniye, hutapa agegae. Agaiʼamo agesafatiʼmo agesa afino mago kavaʼmo osuʼnifa muki yaʼmo Afoʼamoʼa alino aya maleʼniya gemo hapa paiʼniye, hutapa nagegae.

Yoni 8:38

Nagaemo Afoʼnimoʼa alino nave liʼnigeʼna ageʼnova kavafeʼmo ava gemo huʼna lapa nepauvaʼmonanafa lapakaemo afotapimoʼa hiyo, huno nehiya gegeʼmo akame hutapa nehae, huno hapa paiʼnigeʼapaeʼmo,

Yoni 8:40

Gotiʼa naha paiʼnigeʼna afiteʼnaeʼmo alagi lama gemo lapa nepauvaʼmonanafa lapakaemo namagisayafekeʼmo nehae. Emalehamuʼa ani agufa kavaʼmo osuʼniye.

Apa 10:38

Lapakaemo Yesuʼa Nasalasa taonifi vekamo ava gemo ago afiʼnae. Gotiʼa uvelimo lakino atetenoʼaeʼmo Aunemeʼamo amitenoʼaeʼmo ayamufa huno ateʼniye. Agaemo muki haopalega umenitata nehunoʼaeʼmo alagepa kavaʼmo huno vayaʼmo hapa maeteno Sataniʼa yagaino apateʼnigeʼa kana yaʼmo aliʼa maiʼnaya vayaʼmo alino alagepa huno apateʼniye. Gotiʼa agaeʼeʼmo lokaeno maiʼniyaʼmofeʼmo ani kavaʼmo huʼniye.

2 Kolitiyani 5:19

Inagi Gotiʼa Kalaisipiʼmo alino ao yaʼmo hu maleʼniyaʼmofeʼmo hosu kavaʼapilefeʼmo vaiʼmo noʼapamiye. Agaemo alino ao yaʼmo hu maleʼniya geleʼmo alagepa huta yagaita atesunafeʼmo aliʼyaʼamo lamiʼniye.

Kolosi 1:19

Gotiʼa muki agaiʼa aipa agesamo Kalaisi aipafiʼmo alagi hanesiyafeʼmo hauʼniye.

Kolosi 2:9

Muki Goti aipa agesamo Kalaisi aipa agesafiʼmo alagi lama ge huno hanege hanege huno nehane.

1 Yoni 5:7

Loleʼe magoʼe vayaʼmo kokuʼnapiʼmo maiʼneʼapaeʼmo ageteʼa ha maeʼa faigoko geʼapimo nehae. Apakaemo Afotimoʼagi Goti Geʼamae huʼa agi neʼaya vekagi Aote Aunemeʼagi huʼa maiʼnayaʼmonanafa magoke Gotiʼa maiʼniye.