Yoni 13:27 - The Keyagana NT and 25 OT books

²⁷ Yutasiʼa peleti maya atupamo aliʼnigenoʼaeʼmo Sataniʼa agae aipafiʼmo faleno haiʼniye. Yesuʼa Yutasifeʼmo hunoʼaeʼmo, huguve, huka nehana kavaʼmo malage huka huvo, huno ha paiʼniye.

Yoni 13:27 ပူးပေါင်းရင်းမြစ်များ

1 Kini 18:27

Felugakukuʼmo Ilaiyaʼmo kigi yokalo gemo huno hapa painoʼaeʼmo, Agaemo gotiʼa maiʼniyaʼmonanafa hemenimo mago alu yafeʼmo agesamo neʼafisifi aliyaʼamo neʼalisifi mago kotegamo uʼnisifi huʼnegaiye. Havaeno maiʼnisifigi lapakaemo hauneyo. Alopa gefatiʼmo keya aeta ge hiyo, huno hapa paiʼniye.

Mai'naya kavane 1:16

Apakaemo hosu kavaʼmo hisayafeʼmo nagu nagu huʼa neʼvae. Malage huʼa vayaʼmo kamitimo apamagisayafeʼmo nehae.

Neniyo 2:15

Na kava huʼnigenoʼaeʼmo kini vekamoʼmo malage huno afole aisiyafeʼmo lokiya gemo huʼniye, huno afi geʼnigeno Aliyokiʼa afole aiʼniya kavafeʼmo Neniyofeʼmo ha paiʼniye.

Matiyu 12:45

Ageteno ataleno uno seveniʼa hosu apaune vayaʼmogi magoʼe huʼa hosu kavaʼmo huʼa aeʼa aga seʼa maiʼnaya vayaʼmo apavalelinuno ani vekamo aipafiʼmo uʼa haiʼa magokepi lokaeʼa maiʼnae. Maiʼnagenoʼaeʼmo ani vekamo hogoteno hosu kavaʼmo huno maiʼniyana henagaʼamo magoʼe huno lusi hosu kavaʼmo huno maiʼniye. Ani agufa kavaʼmo hemenimo neʼmaiya vayaʼaiteʼmo afole aigiye, huno hapa paiʼniye.

Matiyu 4:10

Yesuʼa hunoʼaeʼmo, Sataniyo, huno, ataleka kaune ho. Mukufiʼmo avoʼmo kae maleʼniya gemoʼmo hunoʼaeʼmo, Ala kava netapimo Gotitapimofekeʼmo mono hutetapa agaekeʼmo akame hiyo, huno avoʼmo kae maleʼniye, huno ha paiʼnigeno

Maki 6:25

Huʼnigenoʼaeʼmo malage huno uno kini vekaeʼmo hunoʼaeʼmo, kagaemo Yoniʼa aniʼmo faleno neʼapateya vekamo lugoʼamo heka hatagauka agenopaʼamo alika yuvapafiʼmo maleteka alinikeka namiyo, huno huʼnigenoʼaeʼmo

Luki 22:3

Ani afinaʼmo Sataniʼa Isakaliyoti kotega vekamo Yutasiʼmo tuolofuʼa vayapati vekamo aipafiʼmo uno haino maiʼniye.

Yoni 13:2

Sataniʼa Yutasiʼmo Isakaliyoti kotega vekamo Saimoni mafaʼnemoʼa Yesuʼmo avaleno hosu vayaʼai apayapiʼmo atesiya agesamo amiʼniye. Neʼyaʼmo neteʼapaeʼmo Yesuʼa ago ageʼniyana muki yaʼmo Afoʼamoʼmo muki vayaʼaiteʼe muki yateʼeʼmo yagaisuvafeʼmo lekana paino nateʼniye. Gotitegatiʼmo emiʼneʼnovanageʼna halate Gotitegamo uʼna haiguve, huno ago ageʼniye.

Yoni 13:28

Hiʼyalamuteʼmo siyateʼmo fai maiʼnaya vayaʼmogimo Yesuʼa na agufa kavafeʼmo ani gemo huʼnifi huʼa oʼafiʼnae.

Yoni 6:70

Yesuʼa hunoʼaeʼmo, nagaemo lekana paiʼna lapateʼnovaʼmonanafa lapakaepatiʼmo mago vekamo aipafiʼmo hosu aune vekamo maiʼniye, huno hapa paiʼniye.

Apa 5:3

Pitaʼa hunoʼaeʼmo, Ananaiyasiyo, huno, Na kava higeka Sataniʼmo ateʼnanageno kaipafiʼmo faleno uno haiʼnigeka mago vekamoʼmo mago mopamo miya faiʼniya monimo alika fako huka maleteka eka Goti Aunemeʼaeʼmo aigofe gemo huʼnane.