Yoni 13:2 - The Keyagana NT and 25 OT books

^2-3 Sataniʼa Yutasiʼmo Isakaliyoti kotega vekamo Saimoni mafaʼnemoʼa Yesuʼmo avaleno hosu vayaʼai apayapiʼmo atesiya agesamo amiʼniye. Neʼyaʼmo neteʼapaeʼmo Yesuʼa ago ageʼniyana muki yaʼmo Afoʼamoʼmo muki vayaʼaiteʼe muki yateʼeʼmo yagaisuvafeʼmo lekana paino nateʼniye. Gotitegatiʼmo emiʼneʼnovanageʼna halate Gotitegamo uʼna haiguve, huno ago ageʼniye.

Yoni 13:2 ပူးပေါင်းရင်းမြစ်များ

Esala 7:27

Esalaʼmo ani avoʼmo lekana paino afitenoʼaeʼmo Goti aulena agiʼamo amiʼniye. Agaemo hunoʼaeʼmo, Laginago vayaʼmogi Gotiʼapimoʼmo Ala kava nefeʼmo namogaga aiʼna haoke nehove. Agaemo Ala kava neʼmo Yulusalemu taonifiʼmo mono noʼaleʼmo alagepa kavaʼmo hisiyafeʼmo Gotiʼa kini vekamo aipafiʼmo alagepa kavaʼmo maleʼniye.

Matiyu 10:4

Saimoniʼmo gamani kavateʼmo yagaiʼa neʼapataya kavafeʼmo Seloti pati vekagi Yutasi Isakaliyoti kotega vekamo Yesu kutulu yaʼmo nesiya vekamogi huʼa ani vayaʼmae.

Luki 22:3

Ani afinaʼmo Sataniʼa Isakaliyoti kotega vekamo Yutasiʼmo tuolofuʼa vayapati vekamo aipafiʼmo uno haino maiʼniye.

Luki 22:31

Pitafeʼmo hunoʼaeʼmo, Saimoniyo, Saimoniyo, huʼna, Sataniʼa Gotifeʼmo hunoʼaeʼmo, apakaemo apavaleka namigeʼnao haiya agufa kavaʼmo hisafigeʼna apamalageka huʼna apakegauve, huno ha paiʼniye.

Yoni 13:11

Yesuʼa agaiʼamo avaleno hosu vayaʼaina apamisiya vekamo ago ageʼniyaʼmofeʼmo lapakaepatiʼmo oʼaniʼyaʼamo faiʼniya vekamo maiʼniye, huno hapa paiʼniye.

Yoni 13:4

Agetenoʼaeʼmo hiʼyalamutetiʼmo he tino kukenaʼamo asagino maleteno taoli kenamo alino hapiliʼneno yuvapafiʼmo aniʼmo laki maleʼneno geʼamo neʼafiya vayaʼai apaiyamo aepa faino sese huno apateteno hapiliʼniya taoliletiʼmo alino hau huno apateʼniye.

Apa 5:3

Pitaʼa hunoʼaeʼmo, Ananaiyasiyo, huno, Na kava higeka Sataniʼmo ateʼnanageno kaipafiʼmo faleno uno haiʼnigeka mago vekamoʼmo mago mopamo miya faiʼniya monimo alika fako huka maleteka eka Goti Aunemeʼaeʼmo aigofe gemo huʼnane.

2 Kolitiyani 8:16

Nagaemo lapa maesuvafeʼmo lusi kava huʼna nagesamo neʼafuva kava huno Taitasiʼeʼmo lapa maesiyafeʼmo agesamo neʼafiye. Gotiʼa Taitasi aipafiʼmo agesamo afiʼniya kavaʼmo amiʼniyaʼmofeʼmo Gotifeʼmo hao ke nehove.

Efasasi 2:3

Mukiʼamogitamo apakaekana huta maiʼnogeno lagufamoʼe lagesamoʼeʼmo lahaʼye huʼnigetaeʼmo lagufamoʼmo hauʼniya kavaʼmo huge hosu kavafeʼmo lagesamo afita akame huge huʼnone. Itatimogi aliʼa lateʼnagetaeʼmo muki ma mopafi vayakana huta hosu laipamo alita maiʼnonaʼmofeʼmo Gotiʼa aipamo leno nelateyanageno kayoʼmo lamisiya agufa kavaʼmo huta maiʼnone.

Leveleseni 17:17

Na kava hinageʼapaene. Gotiʼa ani kavaʼmo hugae, huno hu maleʼniya kavaʼmo hisayafeʼmo ani agufa apaipamo apamiʼnigeʼa magoke apaipamo aliteʼa yagaisaya himamuʼapimo afela afumo amiteʼa aiyafiʼmo maime maime neʼagenoʼaeʼmo Goti geʼamo afole aiʼniye.