Yoni 13:18 - The Keyagana NT and 25 OT books

¹⁸ Nagaemo mani gemo mukiʼamogitapaeʼmo nosuve. Lekana paiʼna lapateʼnova vayaʼmo ago lapakeʼnovaʼmonanafa Goti mukufiʼmo hu maleʼniya gemo afole aisiyafeʼmo lekana paiʼna ateʼnove. Ani gemoʼa hunoʼaeʼmo, nagaeʼeʼmo magokepi lokaeno maiʼneno neʼyaʼmo neʼniya vekamoʼmo kame huno nateʼniye, huno huʼniye.

Yoni 13:18 ပူးပေါင်းရင်းမြစ်များ

Samu 41:9

Mago nao vekaeʼmo aliʼna amufa amiʼnova vekamoʼeʼmo kame vekaʼnimo hamaleʼniye. Magokepiʼmo lokaeno neʼyaʼmo neʼnoʼaʼmonanafa aigofe nao vekamo hamaleʼniye.

Matiyu 10:36

Mago vayaʼmogimo afamo anagaʼapiʼeʼmo kame kame huʼa maigae.

Matiyu 26:21

Neʼyaʼmo neʼneʼapaeʼmo, lama gemo lapa nepauve, huno, mani lapakaepatiʼmo mago vekamoʼmo nagae kutulu yaʼmo ago aliʼniyanageno kame vayaʼmo navaleno apamigiye, huno hapa paiʼniye.

Matiyu 26:23

Yesuʼa hunoʼaeʼmo, nagaeʼeʼmo magokepi peleti mayamo aliteno yuvapafi anipiʼmo aeteno neʼniya vekamoʼmo kutulu yaʼmo aliʼniye.

Maki 14:17

Yegemo uno lamino faleʼnigeʼapaeʼmo Yesuʼe tuolofuʼa vayaʼmo geʼamo neʼafiya vayaʼeʼmo eʼa nopiʼmo uʼa haiʼa maiʼnae.

Maki 14:18

Hiʼyalamuteʼmo maiʼneʼa neʼyaʼmo neʼneʼapaeʼmo Yesuʼa hunoʼaeʼmo, lama gemo lapa nepauve, huno, lapakaepatiʼmo mago vekamo nagaeʼeʼmo magokepi maiʼneno neʼyaʼmo neʼneya vekamoʼmo kame vayaʼmo navaleno apamigiye, huno hapa paiʼniye.

Maki 14:20

Lapakaepati vekamoʼmo peleti mayamo nagaeʼeʼmo magokepi maiʼneno alino yuvapafi anipiʼmo aeteno neʼniya vekamae.

Luki 22:21

Afiyo, huno, nagae kutulu yaʼmo neʼniya vekamo ayaʼmo hiʼyalamuteʼmo haneʼniye.

Yoni 13:21

Yesuʼa ani gemo nehigenoʼaeʼmo agaiʼa aipamoʼmo atete huʼnigeno ina ge huno aeno hakalo huno hapa paitenoʼaeʼmo, alagi lama gemo lapa nepauve, huno, Lapakaepatiʼmo mago vekamoʼa navaleno hosu vayaʼaina apamigiye, huno hapa paiʼniye.

Yoni 13:22

Geʼamo neʼafiya vayaʼmogimo ani gemo afiteʼapaeʼmo, lagaepatiʼmo ina lafeʼmo huʼnifi, huʼa apakesamo afiteʼa alino aulu haegeno aulu haegeno huʼnae.

Yoni 13:26

Yesuʼa hunoʼaeʼmo, peleti maya atupamo aliʼna anipiʼmo aeteʼna amisuva vekamae, huno ha paiteno peleti maya atupamo alino anipiʼmo aeteno Yutasiʼa Isakaliyoti kotega vekamo Saimoni mafaʼnemo amiʼniye.

Yoni 15:16

Lapakaemo lekana paitapa oʼnateʼnafa nagaekeʼmo lekana paiʼna lapateʼnovanagetapa alagamo hanege hanege huno hanesiya alagamo aesayafeʼmo lekana paiʼna lapateʼnove. Afoʼnimofeʼmo nagiʼniletiʼmo muki kavafeʼmo ge hutapa afi gesayana afaʼa lapamigiye.

Yoni 15:19

Lapakaemo ma mopafi vayaʼmo maiʼnaesinana ma mopafi vayaʼmogimo vayaʼapieʼmo hapauʼniya agufa kavaʼmo huʼa lapakaefeʼmo hapau apayamopafiʼmo hapauʼniesine. Hapauʼniyesinaʼmonanafa nagaemo ma mopafi vayapatiʼmo lekana paiʼna lapateʼnogetapa ma mopafi vayapiʼmo oʼmaiʼnayaʼmofeʼmo lapakaefeʼmo apaini nehae.

Yoni 15:25

Apakae keʼaepa gemoʼmo hunoʼaeʼmo, apakaetegamo mago hosu kavaʼmo osuʼnovaʼmonanafa nagaefeʼmo fikumo apaini huʼnae, huno avoʼmo kae maleʼniya gemo afole aisiyafeʼmo ani kavaʼmo nehae.

Yoni 17:12

Nagaemo ma mopafiʼmo apakaeʼeʼmo magokepi lokaeʼna maiʼneʼnaeʼmo kagikaletiʼe himamukaletiʼeʼmo yagaiʼna apateʼnogeʼa afaʼa maiʼnayaʼmonanafa magoke vekaeʼmo kagae mukufi gemoʼmo hunoʼaeʼmo, afela hegaiye, huno huʼniya gemo afole aisiyafeʼmo alagi afela heʼniye.

Yoni 18:32

Yesuʼa hogoteno hunoʼaeʼmo, ani agufa kavaʼmo huʼna faliguve, huno huʼniya gemo afole aisiyafeʼmo ani agufa kavaʼmo afole aiʼniye.

Yoni 19:24

alita apake oʼaigetao, huteʼa yokalo lesunageno aeno lagasesiya vekamoʼa ani siotimo aligiye, huʼa huʼnae. Goti mukufiʼmo hu maleʼniya gemo afole aisiyafeʼmo ani kavaʼmo huʼnae. Ani gemoʼmo hunoʼaeʼmo, Kukenaʼnimo aliʼa fako huʼa magoke magoke huʼa aliʼnae. Yokalo leteʼa mago aeno apakaseʼniya vekamoʼa yatala kukenaʼnimo aliʼniye, huno huʼniye.

Yoni 19:36

Goti mukufiʼmo hu maleʼniya gemo aliʼa afole aiʼa atesayafeʼmo ani kavaʼmo huʼnae. Mago gemoʼmo hunoʼaeʼmo, magoke ayamufamo aiʼa lo oʼaegae, huno huʼniye.

Yoni 21:17

Halate napa tali afinaʼmo Yesuʼa hunoʼaeʼmo, Yoni mafaʼneʼamo Saimoniyo, huno, nagaefeʼmo kahauʼnifiye, huno afi geʼnigenoʼaeʼmo Pitaʼa Yesuʼmo napa tali afinaʼmo nagaefeʼmo kahauʼnifiye, huno afi geʼniyaʼmofeʼmo aipamoʼmo kana huʼnigenoʼaeʼmo, Ala kava nene, huno, kagaemo muki kavaʼamo ago ageʼnanana kagaefeʼmo nahauʼniye, huno ha paiʼnigenoʼaeʼmo, nahauʼniya sipisipi vayaʼaina neʼyaʼmo apamiyo.

Yoni 6:70

Yesuʼa hunoʼaeʼmo, nagaemo lekana paiʼna lapateʼnovaʼmonanafa lapakaepatiʼmo mago vekamo aipafiʼmo hosu aune vekamo maiʼniye, huno hapa paiʼniye.

Apa 1:16

Vayaʼnimogitapae, huno, Goti Aunemeʼamoʼmo akeyaʼvilaga Yutasiʼa Yesuʼmo atafauʼa kalavusi huʼa atesaya vayaʼmo kaʼmo alino ho huno apave liʼniya vekamoʼmo hisiya kavafeʼmo ava gemo laginago vekamo Nevinifeʼmo ha paiʼnigeno avoʼmo ago kae maleʼniye. Ani avoʼmo kae maleʼniya gemo ago afole aiʼniye.

2 Kolitiyani 4:5

Lagaemo lagaitieʼmo aeta hakalo nosupa Yesu Kalaisiʼa Ala kava netiekeʼmo aeta hakalo nehune. Lagaemo Yesu agiʼalefeʼmo aliʼyaʼamo neʼaluna vayatapimo maiʼnone.

Himulu 4:13

Lagaemo hutaeʼmo, ani kavaʼmo huʼnove, ina kavaʼmo huʼnove, huta ha paisuna vekamo aulagaleʼmo muki nehuna kavatimo alagi fala okino afole neʼaiye. Muki vayaʼmo aulagaleʼmo alagi fala okigayanageno apakegaiye.

Leveleseni 2:23

Ani kavaʼmo huteʼna mafaʼne anagaʼamo apamagisugeʼa faligae. Inagi siosiʼafi siosiʼafiʼmo maiʼnaya vayaʼmogimo nagaemo hisuva kavaʼmo ageteʼapaeʼmo, agaemo vayaʼai apaipa apakesafiʼmo neʼageya vekamo maiʼniye, huʼa nagegae. Na agufa kavaʼmo huʼnisafigeʼna anonatapilefeʼmo lapamete lapamete huʼna lapamiguve.