Yoni 13:16 - The Keyagana NT and 25 OT books

¹⁶ Lama gemo lapa nepauve, huno, Mago aliʼyaʼmo neʼaliya vekamoʼa aliʼyaʼmo afoʼamoʼmo aeno noʼagase. Ani kava huno apa vekamoʼa alino ateʼnigeno uʼniya vekamo aeno noʼagase.

Yoni 13:16 ပူးပေါင်းရင်းမြစ်များ

Luki 6:40

Geʼamo neʼafiya vekamoʼmo alino aya neʼmaleya vekamo aeno noʼagase. Tisa vekamoʼmo alino aya maleme aya maleme visigeno afitenoʼaeʼmo alino aya maleʼniya vekagana huno maigiye.

Yoni 15:20

Nagaemo, mago aliʼyaʼamo neʼaliya vekamoʼmo aliʼyaʼmo afoʼamoʼmo aeno noʼagase, huʼna lapa paiʼnova geeʼmo lapakesamo afiyo. Apakaemo apaini huʼa natesaya agufa kava huʼa lapakaeʼeʼmo apaini huʼa lapategae. Apakaemo geʼnimo afiʼnisayana getapimo afigae.

Yoni 3:3

Yesuʼa hunoʼaeʼmo, alagi lama ge kaha nepauve, huno, Gotiʼa halate alino oʼapateʼnisiya vayaʼmogi Gotiʼa haiya kava huno yagaino neʼapatefi huʼa afaʼa ageʼa aeto osugae, huno ha paiʼnigenoʼaeʼmo,

Yoni 3:5

alagi lama gemo kaha nepauve, huno, anitetiʼe Aunemeʼaletiʼeʼmo alino oʼapateʼnisiya vayaʼmo Gotiʼa yagaino neʼapateya kegiʼyafiʼmo afaʼa uʼa ohaigae.

2 Kolitiyani 8:23

Mago vayaʼmogi Taitasifeʼmo ge huʼa afigesayaʼmoʼmo, magoke agufa aliʼyaʼmo neʼaluʼaʼmofeʼmo nafaluʼnimoʼmo maiʼnigetaʼa nagaeʼeʼmo magokepi lokaetaʼa aliʼyaʼmo neʼaluʼae. Agaeʼeʼmo lokaeʼana uʼnaʼa konagatilaʼmoganifeʼmo ge huʼa anafi gesayaʼmoʼmo, siosiʼale siosiʼaleʼmo maiʼnaya vayaʼmogimo aliʼa anatageʼana uʼnaʼa apa vekalaʼmo maiʼnaʼae. Kalaisiʼa anakaetetiʼmo ala agiʼamo neʼaliye.

Filipai 2:25

Lapakaemo konagatimoʼmo Epafalonaitasiʼa naha maesiyafeʼmo alita ateʼnageno nagaetegamo eʼniye. Konagaʼnimoʼmo eʼnigetaʼaeʼmo nagaeʼeʼmo magokepi lokaetaʼa maiʼnetaʼa aliʼyaʼmo alige kamemo huge hutaʼa neʼmauʼae. Visiyafeʼmo oʼnahauʼniyaʼmonanafa uno lapakaemo lapakesiyafeʼmo lusi kava huno agesamo neʼafiyaʼmofeʼmo aliʼna atesugeno lapakaetegamo ugiye. Lapakaemo kaitaʼmo hauʼniye, huʼa huʼnaya gemo afiʼnayaʼmofeʼmo aipamoʼmo kana nehiye.