Yoni 13:1 - The Keyagana NT and 25 OT books

¹ Alopa neʼyaʼmo neʼnaya Pasova afinaʼmo ago afole aigefeʼmo hogo huʼnigenoʼaeʼmo Yesuʼa agaiʼamo ago afiʼniyana ma mopamo ataleʼna Afoʼnimotegamo uʼna haisuva afinaʼnimo ago hogo huʼniye, huno afiʼniye. Agaemo ma mopafi maiʼnaya vayaʼamogifeʼmo hau ayamopafiʼmo haume haume eno atupa afinaʼeʼmo hauʼniye.

Yoni 13:1 ပူးပေါင်းရင်းမြစ်များ

Mai'naya kavane 8:31

Ala kava neʼmoʼa ma mopamogi muki yaʼamogi huno alo huʼnigeʼnaeʼmo nagaemo ma mopafi maiʼnaya vayaʼaifeʼmo namogaga aiʼnove. Nagaemo ma mopafi mafaʼneʼamogifeʼmo namogaga aiʼnove.

Matiyu 26:45

Atagi neno eno geʼamo neʼafiya vayaʼaifeʼmo, maitapa falu hutapageʼmo lapau kaleʼnafiye. Ani afinaʼmo alagi ago hogo huʼniyanagi ageyo. Vemo mafaʼnemo kutulu yaʼmo aliʼniyanageno hosu vayaʼai apayapiʼmo avaleno apamigiye.

Matiyu 28:20

Aniʼmo faleta apatetetapaeʼmo muki ma kavaʼmo hiyo ina kavaʼmo hiyo, huʼna lapa paiʼnova gemo akame hiyo, hutapa alita apaya maleyo. Lama gemo lapa nepauve, huno, nagaemo lapakaeʼeʼmo magokepi lokaeʼna maime maime neʼvisugenoʼaeʼmo ma mopaʼe kokuʼnaʼeʼmo hano hisiya afinaʼmo afole aigiye, huno hapa paiʼniye. He, lama ge.

Luki 22:53

Nagaemo lapakaeʼeʼmo muki afinaʼae afinaʼaeʼmo alopa mono nopiʼmo maiʼnogetapaeʼmo oʼnatafauʼnayaʼmonanafa hemenimo lapakaemo ani kavaʼmo hisayafeʼmo hani nehiya kavateʼmo neʼyagaiya vekamo himamuʼaletiʼmo hisiya afinaʼmo ago afole aiʼnigetapaeʼmo nehae, huno hapa paiʼniye.

Luki 9:51

Gotiʼa Yesuʼmo kokuʼnapiʼmo avalelino uno haisiya afinaʼmo ago eno hogo huʼnigenoʼaeʼmo Yesuʼa lokiya agesamo afinoʼaeʼmo, Yulusalemu taonifiʼmo uʼna haiguve, huno agesamo afitenoʼaeʼmo

Yoni 11:55

Yu vayaʼai Pasova afinaʼmo hogo huʼnigeʼapaeʼmo hogoteʼa muki vayaʼamogimo mono kavaʼmo akame hisayafeʼmo alo huteʼa neʼyaʼmo nesayafeʼmo muki koʼapiletiʼmo ataleʼa Yulusalemu taonifiʼmo uʼnae.

Yoni 12:23

Yesuʼa geʼapileʼmo aeno atagaina huno hapa painoʼaeʼmo, hemenimo Vemo Mafaʼnemoʼa ala agiʼamo alisiya afinaʼmo afole aiʼniye.

Yoni 13:29

Yutasiʼa moni kuteʼmo neʼyagaiya vekamo maiʼniyaʼmofeʼmo mago geʼamo neʼafiya vayaʼmogi, uka hopa afinaʼmo nesuna neʼyaʼmo miya faiyo, huno huʼnifi, kagemi yaʼapimo ohaneʼnisiya vayaʼaina alika fako huka apamiyo, huno huʼnifi, huʼa apakesa afiʼnae.

Yoni 13:34

Hemenimo mago saufa keʼaepa gemo lapa nepauve. Konagatapimogifeʼmo lapau lapayamopafiʼmo lapaino. Lapakaefeʼmo nahau nayamopafiʼmo nahauʼniya kava huno konagatapimogifeʼmo lapau lapayamopafiʼmo lapaino.

Yoni 14:28

Nagaemo huʼnaeʼmo, lapataleʼna haiteʼnaeʼmo halate emiʼnegauve, huʼna lapa paiʼnogetapa ago afiʼnae. Nagaefeʼmo lapau lapayamopafiʼmo lapauʼniyesinana Afoʼnimoʼmo ago aeno nagaseʼniya vekalegamo uʼna haisuvafeʼmo lapamogaga neʼaiyesine.

Yoni 14:31

Ma mopafi vayaʼmogi muki yaʼmo Afoʼamofeʼmo nagaemo nahau nayamopafiʼmo nahauʼniya kavaʼmo agesayafeʼmo muki yaʼmo Afoʼamoʼmo, ina kava huvo, huno naha paiʼniya kavaʼmo akame huʼna nehuve. Mani nopatiʼmo ataleta he tita vigetao.

Yoni 16:28

Nagaemo Afoʼnimotegatiʼmo ma mopafiʼmo emiʼneʼnove. Halate ma mopamo ataleʼna Afoʼnimotegamo uʼna haiguve, huno hapa paiʼnigeʼapaeʼmo

Yoni 17:1

Yesuʼa ani gemo ago hapa paitenoʼaeʼmo alino maku huno kokuʼnategamo ageʼnenoʼaeʼmo nunumuʼmo huʼniye. Afo, huno, ani afinaʼmo ago afole aiyanagi kagikaleʼmo alino asaga huno katesiyafeʼmo Mafaʼnekamo agiʼaleʼmo alika asaga huka ato.

Yoni 17:16

Nagaemo ma mopafi vekamo oʼmaiʼnova kava huʼa ma mopafi vayaʼmo oʼmaiʼnae.

Yoni 17:26

Nagaefeʼmo kahau kayamopafiʼmo kahauʼniya kavakamo apakaepiʼmo hanesigeʼna apakaepiʼmo maisuvafeʼmo kagikamo aepaʼamo aliʼna apave liʼnovanageʼna magoʼe huʼna aliʼna apave liguve, huno nunumuʼmo huʼniye.

Yoni 17:5

O Afo, huno, kagaeʼeʼmo magokepi lokaeʼna maiʼneʼnaeʼmo kaulagaleʼmo ha le konali yaʼnimo ma mopamo alo osuʼnana afinatetiʼmo aliʼnova ha le konali yaʼnimo alika namiyo.

Yoni 18:4

Eʼa avaʼyi huʼnagenoʼaeʼmo Yesuʼa agaiʼa agufaleʼmo afole aisiya kavaʼmo ago ageʼniyaʼmofeʼmo apakaetegamo uno hapa painoʼaeʼmo, Lapakaemo ina laʼmo agesayafeʼmo kahauya hulita neʼae, huno ge huno apafi geʼnigeʼapaeʼmo,

Yoni 19:28

Yesuʼmo agesa afinoʼaeʼmo, muki aliʼyaʼnimo ago aliʼna hano huʼnove, huno agetenoʼaeʼmo Goti mukufiʼmo huʼniya gemo alino afole aino atesiyafeʼmo ina gemo hunoʼaeʼmo, anifeʼmo neʼnahaiye, huno huʼniye.

Yoni 2:13

Yu vayaʼai hopa afinaʼmo Pasova neʼyaʼmo neʼnaya afinaʼmo ago hogo huʼnigenoʼaeʼmo Yesuʼa Yulusalemu taonifiʼmo uʼniye.

Yoni 6:4

Pasova hopa afinaʼmo ago alagi hogo huʼniye.

Yoni 7:30

atafauʼa kalavusi huʼa atesayafeʼmo huʼnayaʼmonanafa agae afinaʼmo afole oʼaiʼniyaʼmofeʼmo mago vekamoʼa atafausiya kaʼmo ohaneʼniye.

Yoni 7:6

Yesuʼa hunoʼaeʼmo, nagae afinaʼmo hemenimo afole oʼaiʼniye. Lapakae afinaʼmo muki afinaʼamo haneʼniye.

Yoni 8:20

Yesuʼa alopa mono nopiʼmo ofalini monimo neʼmalaya kesimo haneʼniya nopiʼmo uno haino alino apaya maletenoʼaeʼmo ani gemo hapa paiʼniye. Afinaʼamo afole oʼaiʼniyaʼmofeʼmo atafauʼa kalavusi huʼa oʼateʼnae.

Lomu 8:37

Muki ani agufa kavaʼmo lagaetegamo afole neʼaiyaʼmonanafa lagaefeʼmo hau ayamopafiʼmo nehaiya vekaletiʼmo hemenimo magoʼe huta kame huta aeta agaseta alagepa huta neʼmaune.

1 Kolitiyani 1:8

Agaemo atupa afinaʼmo he titapa maisayafeʼmo lokiya vaino lapateme lapateme neʼunoʼaeʼmo Ala kava netimo Yesu Kalaisiʼa agaiʼa afinaʼmo vaiʼmo afaʼa olapamigiye.

Himulu 3:14

Hogoteta lokiya vaita lagesamo afitaeʼmo, lama gemo huʼniyanageno alagi afole aigiye, huta huteta oʼataleta atafauta alagi huta maime maime neʼutaeʼmo atupa afinaʼeʼmo ani kavakeʼmo huta maiʼnisunaʼmoʼmo Kalaisiʼa alita laipafiʼmo ateʼnonageno neʼmaiye.

Himulu 3:6

Hapa paiʼniyaʼmonanafa Kalaisiʼa afamo anaga vayaʼai afoʼapimoʼmo Mafaʼneʼamoʼmo Goti afamo anaga vayaʼaleʼmo yagaino neʼapate. Lagaemo alagepa huta maige maige huta maigune, huta lole lagesamo oʼafita lavayagunagu huteta koli osuta lamogaga neʼaitaeʼmo oʼataleta atafauta alagi huta maime maime neʼuta atupa afinaʼeʼmo ani kavaʼmo huta maiʼnisunaʼmoʼmo Goti afamo anaga vayaʼamo maiʼnone.

Himulu 6:11

Lahauʼniyanagetapa mukiʼamogitapa ani kavaʼmo hutetapa magoke lapaipa lapakesamo alitetapa lapavayagunagu hutapa agava maime maime neʼvisageʼapaeʼmo atupa afinaʼmo he tisayafeʼmo lapayamukiki hugae.

1 Pita 1:13

Ani alagepa faigoko gemo afole aiʼniyaʼmofeʼmo alagepa huta afisayafeʼmo lapakesamo alo hutetapa lapakufaleʼmo yagaita lapateyo. Yesu Kalaisiʼa emineno vayaʼai apaulagaleʼmo afole aitenoʼaeʼmo fikumo laha maeno lamigiye, huta ani geʼaekeʼmo lapakesamo afitetapa agava maiʼnetapa lapavayagunagu hutapa maiyo.

1 Yoni 4:19

Gotiʼa hogoteno lagaefeʼmo hau ayamopafiʼmo hauʼniyaʼmofeʼmo lagaemo Gotifeʼmo lahau layamopafiʼmo nelahaiye.

Leveleseni 1:5

Yesu Kalaisiʼa Gotifeʼmo lama ge ava gemo nehiya vekamoʼmo faliʼnaya vayapatiʼmo hogoteno alino he tino ateʼniya yege mafaʼneʼamo maiʼniye. Agaemo ma mopafi ala kini vayaʼaiteʼmo yagaino neʼapateya vekaʼapimoʼa fikumo lapa maeno lapamisigeno lapaipamoʼmo falu hino. Agaemo lagaefeʼmo hau ayamopafiʼmo hauʼnigenoʼaeʼmo hosu kavatimo kolaʼaletiʼmo aeno kalo paeno ataleʼniye.