Yoni 12:5 - The Keyagana NT and 25 OT books

⁵ na kava higenoʼaeʼmo alagepa atumo neʼaiya uvelimo alino maketi hisigeʼa tali hataleti kinaletiʼmo miya faitesageno kagemi yaʼapimo ohaneʼnisiya vayaʼaina apamisiya yafeʼmo huʼniye, huno huʼniye.

Yoni 12:5 ပူးပေါင်းရင်းမြစ်များ

Esala 4:14

Kagaemo yagaika nelatanaʼmofeʼmo Yuta vayaʼmogimo kini vekamoga kagikaleʼmo aliʼa afepi katesayafeʼmo olahauʼnigetaeʼmo mani avoʼmo kagaefeʼmo kaeta kaha nepaune.

Hatu maeno apate'niya gemae 5:17

Kini vekamoʼmo hunoʼaeʼmo, Lusi kava huno alagaʼmo nelahapaeya vayaʼmae, Alaga lahapaeʼniyaʼmofeʼmo afaʼa latalegeta uta Ala kava netimo afumo amagita ofalinimo amino, hutapa nehae.

Hatu maeno apate'niya gemae 5:8

Aliteʼapaeʼmo hogoteta na magiʼamo alo hiyo, huta hapa paiʼnisupi ani agufaʼageʼmo alo hiyo, huta hapa paiyo. Mago avalelita emitetapa alo osiyo. Afaʼageʼmo neʼmaiya vayaʼmo maiʼnayaʼmofeʼmo latalegeta uta afumo amagita Gotitimoʼmo ofalinimo amigune, huʼa alopa gefatiʼmo huʼnae.

Matiyu 18:28

Aliʼyaʼamo neʼaliya vekamo neʼvigenoʼaeʼmo magokepi lokaeʼana aliʼyaʼmo neʼaliʼa vekamo aise moni anonaʼamo haneʼniya vekamo eʼnigeno agetenoʼaeʼmo anu kiliʼneno lugoʼaleʼmo atafauʼnenoʼaeʼmo, anonaʼnilefeʼmo monimo alinikeka namiyo, huno ha paiʼniye.

Matiyu 20:2

Apakaemo, aliʼyakamo aliteta magoke afinaʼmo neʼaliya agufa monimo aligune, huʼa ha paiʼnageno, he kanalene, huno huteno alino apateʼnigeʼa nofi hoyaʼalegamo uʼnae.

Luki 12:33

Kagemiyatapimo alita maketi higeʼa miya faitesagetapa alisaya monimo alita fako huta kagemi yaʼapimo ohaneʼnisiya vayaʼmo apamiyo. Kokuʼnapiʼmo alagepa kagemi yatapimo malegenoʼao hano osuno afaʼa haneno. Kokuʼnapi yatapimo kumayaʼmo oʼalige kafamoʼmo oʼnege hisigeno alagepa huno hanege hanege huno hanesiya yatapimo lapaya mukiki huta aliyo.

Luki 18:22

Yesuʼa ani gemo afitenoʼaeʼmo, magoke kavaʼatokamo aeka aga seʼnane. Muki kagemi yakamo alika maketi hugeʼa miya faitesageka alisana monimo alika fako huka kagemi yaʼapimo ohaneʼnisaya vayaʼaina apamigenoʼao alagepa yakamo kokuʼnapiʼmo haneno. Ani kavaʼmo hutekaeʼmo eka nakame huvo, huno ha paiʼnigeno

Luki 6:41

Na kava higetapaeʼmo konagatapimogi apaulagafiʼmo haneʼniya afayaʼmo neʼagayaʼmonanafa lapaulagafiʼmo haneʼniya alopa latapa yosamo noʼagae.

Yoni 12:4

Yutasiʼa Isakaliyoti kotega vekamo Saimoni mafaʼnemo geʼamo neʼafiya vayapati vekamo kutulu yaʼmo alisiya vekamoʼa hunoʼaeʼmo,

Yoni 12:6

Kagemi yaʼapimo ohaneʼnisiya vayaʼaifeʼmo agesa oʼafiʼniyaʼmonanafa moni kuteʼmo neʼyagaiya vekamo maiʼneno kupatiʼmo kumayaʼmo neʼaliya vekamo maiʼniyaʼmofeʼmo ani gemo huʼniye.

Yoni 13:29

Yutasiʼa moni kuteʼmo neʼyagaiya vekamo maiʼniyaʼmofeʼmo mago geʼamo neʼafiya vayaʼmogi, uka hopa afinaʼmo nesuna neʼyaʼmo miya faiyo, huno huʼnifi, kagemi yaʼapimo ohaneʼnisiya vayaʼaina alika fako huka apamiyo, huno huʼnifi, huʼa apakesa afiʼnae.

Yoni 6:7

Filipiʼa hunoʼaeʼmo, tu hataleti kinaletiʼmo neʼyaʼmo miya faigunana mani asole vayaʼmogimo nesaya agufa kavaʼmo osugiye, huno ha paiʼniye.