Yoni 12:36 - The Keyagana NT and 25 OT books

³⁶ Ha le yaʼmo neʼapamiya vekamo lapakaeʼeʼmo magokepi lokaeno maiʼniyanagi agaefeʼmo lapakesamo afitapa fatago higenoʼao ha le vayaʼmo ha malegayanagi, huno hapa paiteno apataleno uno fala kino maiʼniye.

Yoni 12:36 ပူးပေါင်းရင်းမြစ်များ

Aiyeya 60:1

Saiyoni taoniyo, huʼna, he tika yegegana huka aeka ha lo. Ha le yatapimo alino lapamiʼniyanagi Ala kava neʼmo ha le konali yaʼamo eno afole aiteno lapakaeteʼmo aeno ha leʼniye.

Matiyu 21:17

Apatalenuno Metani taonifiʼmo havaeʼniye.

Matiyu 5:14

Lapakaemo ma mopafi vayaʼai ha le yaʼapigana hutapa maiʼnae. Mago taonimo avefiʼmo ki maleʼnisaya taonimoʼmo fala kino ohanegaifa afole yateʼmo haneʼnisigeʼa agegae.

Luki 16:8

Aliʼyaʼmo afoʼamoʼmo kagemi yaʼaleʼmo hosu kavaʼmo huno yagaino ateʼniya vekamo agiʼaleʼmo alino asaga huno atetenoʼaeʼmo, agufaeʼmo alagepa huno agesamo afiʼniye, huno huʼniye. Ma mopafi vayaʼmogimo ma mopafi vayaʼaitegamo alu kava alu kavaʼmo hisayafeʼmo alagepa huʼa apakesamo afiteʼa hale yateʼmo neʼmaiya vayaʼmo aeʼa apaka seʼa maiʼnae.

Yoni 1:7

Agaemo aeno ha neleya yafeʼmo ava gemo huno hapa paisigeʼa muki vayaʼmogi geʼamo afiteʼapaeʼmo apakesamo afiʼa fatago hisayafeʼmo eʼniye.

Yoni 11:54

Huʼnayaʼmofeʼmo Yesuʼa magoʼe huno Yu vayaʼai apaulagaleʼmo umenitata osuno ataleno kaʼme kotegamo uno Ifalemu taonifiʼmo geʼamo neʼafiya vayaʼeʼmo maiʼniye.

Yoni 12:37

Yesuʼa asole noʼagaya agufa aune kavaʼmo apaulagaleʼmo huʼniyaʼmonanafa agaefeʼmo alagi apakesamo afiʼa fatago osuʼnae.

Yoni 12:46

Apakaemo nagaefeʼmo apakesamo afiʼa fatago nehaya vayaʼmo hanipiʼmo oʼmaisayafeʼmo ha le yakana huʼna ma mopafiʼmo emiʼneʼnove.

Yoni 3:21

Noʼmayaʼmonanafa lama gemo akame nehaya vayaʼmogi Goti geʼamo neʼafiya kavaʼmo afole aisiyafeʼmo ha le yategamo neʼae.

Yoni 8:12

Yesuʼa halate ina ge huno hapa paiʼniye. Ma mopafi vayaʼai ha le yaʼapimo maiʼnove. Ina lagimo nakame nehisafigeʼa alagepa huʼa maisaya yaʼmo alino apave lisiya ha le yaʼmo aliteʼa hanipiʼmo umenitata osugae.

Yoni 8:59

yafa kayotetiʼmo yaga auʼa amagisayafeʼmo neʼaligenoʼaeʼmo Yesuʼa alopa mono nopatiʼmo ataleno apakae folagapiʼmo uno lamiʼnigeʼa oʼamagiʼnageno uno lamino uʼniye.

Efasasi 5:8

Hogotetapa hanipiʼmo maiʼnayaʼmonanafa hemenimo Ala kava nepiʼmo maiʼnetapaeʼmo ha le yakana hutapa maiʼnayaʼmofeʼmo ha le mafaʼneʼamogimo hisaya agufa kavaʼmo hiyo.

1 Tesaloniyani 5:5

Lagaemo hanipiʼmo oʼmaige haniʼilagamo umenitata nehaya vayakana huta oʼmaige huʼnone. Mukiʼamogitapamo ha le yategamo maiʼnetapa felugamo umenitata nehaya vayakana hutapa maiʼnae.

1 Tesaloniyani 5:8

lagaemo feluga umenitata nehaya vayakana huta laipa lagesaleʼmo yagaita lategetao. Ati vayaʼmogimo kame vayaʼapimogimo ohapaesayafeʼmo lokiya aeni siotimo neʼvaiya kava huta lagesamo afita fatago nehuta lahau layamopafiʼmo lahaino. Ati vayaʼmogi lokiya aeni kakolitamo neʼmalaya kava huta Gotiʼa lagufamo alino katino latesiyafeʼmo agava maiʼneta lavayagunagu huta maigetao.